İgid Teymurlu - Yenixeberorg.com - Oxu, xəbərin olsun https://yenixeberorg.com/ İgid Teymurlu - Yenixeberorg.com - Oxu, xəbərin olsun true https://yenixeberorg.com/gununxeberi/125370-cra-bascisi-eziz-ezizovun-tulku-xezinden-debdebeli-qis-geyimleri-.html Admin Günün xəbəri, Xəbərlər, Araşdırma, İgid Teymurlu Sun, 05 Dec 2021 21:21:53 +0400 İcra başçısının tülkü xəzindən dəbdəbəli qış geyimləri (FOTOLAR)
Son vaxtlar müxtəlif tədbirlərdə görünən Suraxanı Rayon İcra Hakimiyyətinin başçısı Əziz Əzizovun geyindiyi brend markalı və bahalı qış geyimləri hər kəsin diqqətini çəkməkdədir.
Yenixeber.org: Bahalı mülkləri deyil, bu dəfə zövqlü və kifayət qədər bahalı geyimləri ilə diqqət çəkən icra başçısı Əziz Əzizov haqqında araşdırma aparmışıq.
Məlum olub ki, icra başçısı şinşilla və kaşmirin dəbdəbəli qarışığından hazırlanmış qış geyimlərinə daha çox üstünlük verir. Həmçinin onun zərif mink xəz yaxası və kaşmir astarla bəzədilmiş bu paltolarının kifayət qədər qiyməti var.
Əziz Əzizovun tülkü xəz yaxalığı olan bu paltosu dövrün ən dəbdəbəli üst geyimi sayılır.
İtaliyanın məşhur dizaynerinin adı ilə bağlı olan "STEFANO RICCI” mağazalarında icra başçısının geyindiyi və eyni dizayında hazırlanmış paltolarının qiyməti 4800 avrodan başlayır, 8500-14000 avroyadək dəyişir.
Həmçinin Əziz Əzizovun geyindiyi pencək və gödəkçələr, kostyumlar "Umberto Bilancioni", "Hettabretz", "Castello D`Oro", "Rossini" kimi İtalyan brendləri ilə eynilik təşkil edir. Bu brendlərdə də sözügedən məhsulların qiyməti 1500 avrodan başlayır, 9000-15000 avroyadək dəyişir.
İcra başçsının tülkü xəzindən olduğu ehtimal edilən və Azərbaycanda məşhur "norka papaq” kimi tanınan qış kepkasının qiyməti Rusiya bazarında ən ucuzu 25 min rubula, ən bahalısı isə 300-400 min rubula qədər dəyərləndirilir.(Qaynarinfo)
Əhməd


]]> true https://yenixeberorg.com/yazarlar/17832-turkun-ruhu-ve-rusla-farsn-psxoz-hal.html Admin Yazarlar, İgid Teymurlu Wed, 02 Dec 2015 10:40:00 +0400

BİR DƏ MİLLİ MƏCLİSDƏ 32 DİŞLİ “HƏŞƏRAT”IN VURNUXMASI

Eyforiyaya meyilli duyğulardan ayrıla bilməmək adamın siyasi anormallığından xəbər verir. Onların kimlikləri öz dilləriylə ifşa olunur. Putin, Həsən Ruhani, Kim İr Çen, Sarkozi, Ramzan Kadırov, Xavala, “”ALA”, BÜTÜN RUS VƏ FARS ŞOVİNİSTLƏRİ, Tahir Kərimli, Araz Əlizadə, Aqil Abbas, Rəşad Məcid və LAP AXIRINCI olan o Gəncənin adını batıran “HƏŞƏRAT”, Tale Bağırzadə də həmin yolun YOLÇULARIdılar. Dövlətçiliyi və millətçiliyi hər şeydən üstün tutan kəslərin praqmatik davranışlarısa süni və gizli şəkildə hazırlanan hər türlü çirkin prosesləri tam şəkildə zərərsizləşdirir. Və belə gediş dəyərli aydınlarımızdan olan TOĞRUL İSMAYILın Cavab Haqqında olduğu kimi həm Rusiyanı, həm Qərbi, həm də İranı psixoz hala gətirir...

Ancaq açıqlamalar fonunda görürük ki, sən demə qonşunun başı şişdiyindən qayğısı da “biz” ola bilməyənlərə düşüb. Yeni dünya düzənində dövlətlərin taleyi həll olunan bir məqamda Azərbaycanın Milli Məclisi də QƏRB TƏRƏFDƏN gül açdı. Daha doğrusu, gül olmayan yerdə BÖYÜRTkən də özünü gül sanıb. Qardaş ölkəyə gülmüşdük ki, İstanbulun kandarında dayanıb Osmanlını param-parça etmək istəyən 9 dövlətin bayrağını elə oradaca yerə kömən, müsəlman və türk dünyası üçün bir sipərə çevrilən TÜRKİYƏ CÜMHURİYYƏTİni quran BÖYÜK ATATÜRKə AKP iqtidarından və erməni Dəmirtaşın çetesindən daş atanlar olmuşdu. Gəldi başımıza. Cümhuriyyət tariximizdə önəmli yer tutan Gəncədə BÖYÜK MƏMMƏD ƏMİN RƏSULZADƏnin büstünün başına torba keçirildi, indi də Milli Məclisin tazə qaranquşlarından olan birisi 32 dişini ağarda-ağarda Ona “vətən xaini” dedi. Belə “həşərat”lardan hələ bu beş ildə çox şeylər görəcəyik, antikvar çıxışlar olacaq. Görən bu 32 dişli “həşərat” bu vaxta qədər niyə vurnuxmurdu? İndi kim buna “işarət eylədi”, dərdini böldü?

Fəaliyyətini daxildəki pozucu monopolist güclərin və xarici faktorun imkanıyla stimullaşdırmağa çalışan bəzi qüvvələrin Milli Məclisə keçirilən seçkilərdə “uğur qazanmaları” onları əl-qollarını daha yuxarıdan ölçməyə həvəsləndirib. Elə bunun nəticəsidir ki, həmin kəslər gərginləşən Türkiyə-Rusiya münasibətlərinə fikir bildirərkən daha çox Maqadan ayısının xidmətlərini Medvedyevlərə təqdim edirlər. ANİ olaraq başqa bir düşərgəyə də özlərinin kiminsə RUHuyla EYNİlikləriylə bağlı mesay ünvanlayırlar. Buqələmunluq belə adamların siyasi taktikalarının ayrılmaz hissəsinə çevrilib. Ancaq unutmaq lazım deyil ki, məmləkəti farsın, rusun quberniyasına çevirmə cəhdi heç zaman baş tutmayacaq. Rusiyanın Türkiyəni qazla imtahana çəkmək istəyinə sadə türk kəndlisinin “təzək yapıb, dolanaram” kimi cavab verməsi deməyə əsas verir ki, ÖZ KÜLÜNDƏN OD GÖTÜRÜB ALOVLANARAQ DÜŞMƏNİNİ ODA YAXAN TÜRKÜN RUHU QARŞISINDA ATOM SİLAHI DA OLSA , DURUŞ GƏTİRMƏYƏCƏK!!!

İndi də üzümüz NARDARANanadır. Dərsə getməyən, yazmağı, oxumağı bacarmayan, heç Tale Bağırzadə adlı nəyinsə təəssübünü çəkənin özünü belə yaxşı tanımayan Mikayıl Cabbarovun məktəbli uşağı durub Nardaran ağsaqqallarına imam Hüseyn (r.a.) mübarizəsinin fəlsəfəsindən moizə oxuyur. Və bu ağsaqqallar da durub “təkbir” deyirlər. Məmləkətə çoxlu ziyalılar bəxş edən Nardaran indi gör kimlərin ümidinə qalıb!!!!!

Soydaşlarımızın ölümüylə nəticələnən Nardaran olaylarının kökündə xarici instrumental havalara oynayan qüvvələrin sitayiş dualarında yenə də Allahını yemək həvəsi dayanır. Hikkə və qəzəb üzərində qurulan bu olaylarda “fətva qanunları” diliylə kiməsə barmaq silkələmək başlanğıcda da vurğulandığı kimi adamın özü-özünü ifşa etməsidir. Əzizlərim, Azərbaycan dini yox, dünyəvi dövlətdir. Siz dediyiniz qanunlar İranda işləyir, Azərbaycanda yox! Qumdan, Məşhəddən alınan “kitayski” təsbehlər və canamazların, möhürlərin hesabına dolan büdcədən ayrılan pulla qırmızısaqqal mollalar SABİRLƏŞƏN(birinci Nardaran olaylarında mollalar Türk Dünyasının Böyük Fikir Adamlarından olan VHP sədri, xalq şairi Sabir Rüstəmxanlıya ölüm hökmü çıxarmışdılar) VƏTƏN ÖVLADLARIna heç bir şey edə bilməyəcəklər. Çünki güvənə biləcəyimiz MÜSTƏQİL DÖVLƏTİMİZ var.

İstifadə olunan sosioloyi predmetləri məntiqin süzgəcindən keçirəndə şahidi olursan ki, əslində baş verən proseslərin mahiyyətinə diletant xarakter hakim kəsilib. İmam Hüseyn (r.a.) Kərbəla müsibətində son ana qədər qan tökülməsinin əleyhinə olduğu halda özünü “Hüseyn aşiqləri” adlandıranlar kimlərəsə “qan gölündə boğacağıq” ultimatumunu verməklə Nardaranın dövlət içində dövlət olduğunu nümayiş etdirir, müsəlman qardaşını məhv etmək üçün əvvəlcədən topa, tüfəngə sarılır. Əməliniz dediklərinizi təsdiqləmir və dedikləriniz dediyimiz kimliyinizi təsdiqləyir. Belələri rabitəsiz və məntiqsiz çıxışlar etsələr də, onlara şişmanlıq effekti verən maliyyə qaynaqlarıdır. Ancaq Nardaran olayının cəmiyyətə verdiyi xeyir də var. YENİ QÜSURLAR bəlli olur. İşığın, qazın timsalında 42 milyon, 37 milyon manat borcu olan qəsəbəyə NƏDƏN bu vaxta qədər gözün üstə qaşın var deyən tapılmayıb? NƏDƏN aidiyyatı strukturlar ayrıseçkilik edərək belə rəzilliyin ortaya çıxması üçün münbit şərait yaradıb? Adi bir vətəndaşın 20-25 manat borcu olan kimi onun başının üstünü cəhənnəm mələkləri tək kəsdirən bu strukturlar NƏYİN qarşılığında susublar? Nardaranın əlahiddə statuslu qəsəbə kimi təqdimatını gerçəkləşdirən səlahiyyət sahibləri KİMLƏRDİR? Bütün bu suallara da paralel olaraq cavab axtarılmalıdır?

Bu gün istər Qərb dünyası olsun, istərsə də Rusiya və İran bütövlükdə türk dünyasında eksponsionist siyasət yürütməyə çalışır. Mütləq demokratiyanın olmadığı bir halda başqasının 200 ilə keçdiyi yolu Türkiyədən, Azərbaycandan 20 ilə keçirməsi istənilir. Tolerantlığın çox yüksək bir səviyyədə oturuşduğu Azərbaycan inanclı insanların timsalında “Varfolomey gecəsi”ni, Kərbəla müsibətini öz vətəndaşına yaşadan ölkələr tərəfindən tənqid hədəfinə çevrilir. Bu gün imam Hüseyn (r.a.) müsibəti İranda baş verir. Yezidlər Urmiya gölünün suyunu qurudub “Hüseyn aşiqləri” olan Azərbaycan türkünü dil-dodağını yalamağa məcbur ediblər, türklərin öz dillərində danışmalarına belə yasaq qoyulub. İran adlanan ölkədə bu gün Kərbəla müsibəti yaşanmaqdadır. Bütün beynəlxalq Konvensiyalara tüpürülür, bütün insan haqları tapdalanır. “Qurani-Kərim”i məxməri üzlüklər altında taxçalarda toz basır, fətvalar “ŞEYTAN AYƏLƏRİ” əsasında verilir. Assimlyasiya prosesi hələ qalsın bir yana, bu gün İranda edam yoluyla Azərbaycan türklərinin soyqırımı həyata keçirilir.

ELƏ İSƏ NƏDƏN özünü “Hüseyn aşiqi” adlandıran və ürəyi İran pəncərələrinə sarı boylanan leylək sədaqətli “iranofillər” öz müsəlman qardaşlarının haqqını qırmızısaqqal mollalardan tələb etmirlər? Dini dar olan “dindarlar”ın kor məhəbbətləri MAZANDARAN EŞŞƏKLƏRİnin hüsni-cəmalını vəsf eləyə bilmədiyi üçün vüsala qovuşamalarını dövlət strukturları zamanında ala bildi. Putinlə Həsən Ruhaninin “türklər üzr istəməlidir” atmacaları bunlara da bəhanə verdi ki, öz eşqlərini izhar eləsinlər. “İranofillər” öz kosmik düşüncələrini dilə gətirəndə elə bilirsən ki, rəhmətlik Xomeyni, “rusofillər” də yaşmaqlarını götürəndə elə bil I Pyotr xortdayıb danışır...

HAŞİYƏ: Bir gün Molla üzü üstə yerə düşmüş güzgünü görüb götürür. Nə olduğunu bilmir. Ancaq güzgüyə baxanda öz əksini görüb məəttəl qalır. Cürbəcür pantomim hərəkətlər edir. Güzgüdəki əksin də eyni hərəkətlər etdiyini görəndə “bunun sahibi yanında imiş ki!”- deyib, tez güzgünü yerinə qoyub çıxıb gedir. İndi bizim “iranofillər”lə “rusofillər”imiz də bax o gündədir. Putinin min bir oyunuyla Mazandarandan gələn səda eşidilən kimi bunlar da eyni davranış sərgiləyirlər. Mollalarla oturub duran axırda mürdəşir olar. Üstəlik mollalar adətən ölüləri daha çox istəyirlər. Çünki ölülərdən halva yeyən mollalar dirilərdənsə töhmət yeyir. Və mollanın bağrı onda çatlayır ki, iki yerə birdən ehsana çağırırlar. İndi bir yandan Suriya, bir yandan da Azərbaycan adlı zəfəran həsrəti?

Di gəl ki həm ta Putin və Ruhanidən tutmuş onların AXIRINCI YOLÇULARInadək hamısının tavaları dəlikdir – yağ tutmaz, taxtaları da çürükdür- mıx tutmaz. Sizlər də sahibinizdən qabaq bostana girməyin, ocağımızın başında oturaraq milli kimliyimizə qənim kəsilənlər! Şizofrenik davranışlar nümayiş etdirməyiniz və bizim CAVAB HAQQImız kimliyinizə ayna tutur.

P.S: SINDIRDIĞINIZ GÜZGÜNÜN QIRINTILARINDA ÖZ EYBƏCƏ R ƏKSİNİZƏ BAXMAĞA TÜRKLƏR TƏRƏFİNDƏN MƏCBUR EDİLMƏYİNİZƏ ÜZÜLMƏYİN!!!

İGİD TEYMURLU

]]> true https://yenixeberorg.com/yazarlar/17676-rusun-farsla-sges-ve-km-chen-rn-agz-frazat.html Admin Yazarlar, İgid Teymurlu Fri, 27 Nov 2015 10:05:00 +0400

AZADLIQ “ZƏNGULƏ”SİNDƏ AQİL ABBASLA RƏŞAD MƏCİD XALLARI

Rusiya uçağının vurulmasından sonra yaranan hay-küy Putini və Putingilin “petuxları”nı yaman banlatdı. Həm kəndi küllüklərində, həm də başqa-başqa yerlərdə - İranda, Koreyada və elə Rusiya imperiyasının öz içində. Quyruqlarını göstərən həmin “petuxlar” indi də tülkü andı içməkdədilər...

“Zatıqırıq” RAMZAN KADIROV VƏ RUSLAN AUŞEV HƏQİQƏTİ: sovet dönəmində Uzaq Şərq hərbi dairəsində xidmət etdiyim zaman adıçəkilən dairənin komandir müavini olan Puslan Auşev keçirilən yarışların birində qumbaraatandan sərrast atəş açdığımı və ikinci yerə layiq görüldüyümün şahidi olanda belə demişdi: “Halal olsun, Qafqaz bahadırı! Sən “qafqazlılar ancaq stroybada yarayırlar” deyənə sərt bir şillə vurdun”. O zaman 34 yaşlı general bu açıqlamasıyla “xalqlar həbsxanası”na çevrilən SSRİ imperiyasının təpəsinə bir yumruq endirmiş və həm də əzilməyə aşağılanmağa “yox” deməyin vaxtının çatdığını bildirmişdi. Sonradan Qarabağ savaşında Şamil Basayev bizimlə birgə rusların, ermənilərin başına o yumruğu endirdi. Onlar çeçen balaları idilər, Ramzan Kadırov kimilərsə biçaq qorxusundan özünü yumurta üstündə oturan toyuq davranışı nümayiş etdirirlər. Auşevin söylədiyi həqiqətin üstündən 30 ilə yaxın bir vaxt keçib, Ramzan Kadırov adlı “qafqazlı”sa qaqqıltısıyla yumurtlamasını nəinki Putinə, həm də yüz evə belə çatdırdı. Hələ bir ömür də yaşaya bilər, daha əlinə süpür gə almasa da olar. Türkiyə hava sərhəddini pozan rus uçaqlarının türk şahinləri tərəfindən vurulmasını Əhməd Kadırovun yetimçəsinin “Türkiyə üzr istəməlidir” kimi dəyərləndirməsi, islam dininə yanaşmasında olan iddiaları onun zatıqırıqlığından irəli gəlir. Dini liderimiz və Çeçenistanın Milli Qəhrəmanı olan Allahşükür Paşazadənin elədiyi yaxşılıqlar burnundan gəlsin...

Kadırovun dalından da Xomeyninin EYNİSİ çıxdı. HƏSƏNin RUHu ANİ olaraq dilləndi. Və o da “Türkiyə üzr istəməlidir” deyib öz feyzini nümayiş etdirdi. Ay ermənini özünə bəradər sanan Həsən Ruhani, Saqqalda feyz olsaydı, Keçiyə Kəraməddin Ağa deyərdilər. Xəzərə münasibətdə MAZANDARAN ÇAQQALI da vaxtilə gecəni xəlvət sanmışdı. Ancaq sonradan özü də qandı ki Çaqqaldan çox çarıq aparan olmasa da, ancaq yenə ayağı yalındır ki, yalın...

Kim İr Senin anadan olması şərəfinə özünün 103-cü ilini yaşayan KOREYAnın indiki prezidentisə lap qabağa gedib “Türkiyənin yer üzündən silinməsi”ni arzulayır. Arzulamır, daha doğrusu, bala KİM ÇEN İRin rəsmi bioqrafiyasına inansaq, “tualetə getmədiyi” üçün indi də onun orqanizmi türk şahinlərinin vahiməsindən içindəki ifrazata dözməyib, murdarlığı da el diliylə desək, ağzından pöüsgə verib...

Maraq və qorxu doğuran hal bundan ibarətdir ki, rəsmi İranın bəyanatından sonra AZƏRBAYCANDA da bir para qüvvələr dolayısı yolla Rusiyanın yanında olduqlarıyla bağlı ismarıc göndərdilər. Üstəlik sonradan 6 nəfərin ölümü ilə nəticələnən NARDARAN OLAYLARI həm də İran təhsil nazirinin Azərbaycana səfəriylə üst-üstə düşdü. Və beləliklə, həm Rusiya, həm də İran “xoşnud” edildi!!!!!

Təəssüf doğuran digər bir məqam: Türkiyə-Rusiya münasibətlərinin kəskinləşdiyi bir məqamda I Pyotrun nəvələrindən də qabaq babaları rus və ermənilər tərəfindən min bir zillətə düçar olan DIRNAQARASI ZİYALILAR da konuşdular. YAZIQ MİLLƏT....YAZIQ DÖVLƏT...YAZIQ QƏLƏM...YAZIQ SÖZ GÖR KİMLƏRİN ÜMİDİNƏ QALIB!? MƏHƏMMƏDHÜSEYİN ŞƏHRİYAR da YAZAR sayılırdı, Rəşad Məcidlə Aqil Abbas da!!!! “Sevil Nuriyeva mənim səviyyəmdə adam deyil” deyən Aqil Abbas görən böyük şairimiz Şəhriyarın bir misrası səviyyəsinə qalxa bilibmi? Bu, o Şəhriyardır ki, hələ 20 Yanvar qətliamı, Xocalı soyqırımı olmamışdan da öncə “kömək umma sarılardan: qalx ayağa, Azərbaycan!” deyirdi. Amma ruslar və ermənilər tərəfindən olmazın faciələr başımıza gətiriləndən və bunu görəndən sonra belə Şəhriyar kimi YAZARLAR kateqoriyasına adını pərçimləyən, “Türkiyə üzr istəməlidir” deyənlərdən olan AQİL ABBASla RƏŞAD MƏCİDin mövqeyi adamı yandırıb yaxır. Türklərə qarşı ermənilər və ruslar tərəfindən yazılası belə mümkün olmayan bütün oğraşlıqların işlədildiyini ən kiçik detallarına qədər bilən “qaçqın” statuslu bu adamların məsələyə yanaşmaları adamı dəhşətə gətirir. Belələrinə baxanda mən Ruhaniyə də, Kadırova da, Kİm Çen İrə də haqq qazandırıram. Bu Aqil Abbasla Rəşad Məcidin I Qarabağ savaşında əsir götürülən qız-gəlinin harada olmasından, 8 martda onların necə təbrik edilmələrindən xəbərləri varmı?! Başları cürbəcür qalmaqallara qarışan bu kəslər Ağdamlı NÜŞABƏ MƏMMƏDLİNİN “ZƏNGULƏ” povestini oxuyublarmı? Aqil Abbas burda Bakının göbəyində oturub özündən sənədli filmlər çəkdirir, təmas xəttini guya ki, qəhrəmancasına keçib, “gəlin, gəlin da, ay millət, gedən varmı?!” deyə saxtakarlıq nümayiş etdirir... Elə isə, Dilqəmgil o xətti keçib bunlardan fərqli olaraq dədə-babalarının qəbrini ziyarətə gedəndə niyə Aqil Abbas və “Ağ Qoç, Qara Qoç” seyrəngahında gününü bir peraşkiylə keçirən YAZARLARla müqayisədə daha çox dəbdəbəli həyat tərzi sürən Rəşad Məcid harada idi? Niyə Dilqəmgilə qoşulub dədə-baba yurdlarına yürümədilər? Hər halda Məmməd Araz kimi ünlü şairimizin kürəkəni olan Aqil Abbasın belə olacağı təqdirdə ermənilər tərəfindən həbs olunacağı, yaxud öldürüləcəyi daha böyük ayiotaya səbəb ola bilərdi və həm də vətənpərvərlik ruhunu da yüksəldərdi. Ancaq bu adamlar millətin dərdi üstündə manipulyasiya etməyə üstünlük verdilər...Rusların yedirdikləri ermənilər də orada yaxşı kino çəkirlər, fərqindəsinizmi, “təki mən salim olum” deyə ay ağ günə çıxandan sonra AĞ DAMLARı unudanlar!!!!

Son dövrlərdə baş verən hadisələrin daha gərgin çalarlarla müşayiət olunması və buna münasibətdə sərgilənən mövqelər bütövlükdə türkçülüyün hədəf götürüldüyünü apaydın ortaya qoymaqdadır. Keçmişi demirəm, hətta yaxın tariximizə belə ekskurs edəndə də görünür ki, dövlətçiliyimizi və millətçiliyimizi hədəf götürən qüvvələr öz maraqlarını gerçəkləşdirmək üçün hər zaman birgə mövqedən çıxış etmişlər. Rusiya və İran Azərbaycanı ikiyə bölməklə bütövlükdə türkçülüyün bütövləşməsini zaman etibarilə geçikdirdilər. Digər bir tərəfdən, görünən budur ki, I Pyotrun “Vəsiyyət”naməsinin gerçəkləşməsi üçün farslar da ruslarla birgə işbirliyindədilər. “..Fevral ayının 10-da İsanın anadan olmasının 1828-ci ilində bağlanan TÜRKMƏNÇAY MÜQAVİLƏSİ”ndə də vurğulandığı kimi “bütün Rusiya imperatoru həzrətləri və İran şahı həzrətləri arasında, onların vərəsələri arasında .....hər zaman dostluq və tam razılıq olmalıdır”. Həmin “dostluq” bu gün də davam edir – hislərini cilovlaya bilməyərək ekstaz vəziyyətinə düşən rusla farsın siğəsi və formal yengələrin harayını görmürsünüzmü!?

Hindistandan Avropaya qədər genişlənməyi və İstanbulu da Rusiyanın paytaxtı olmasını arzulayan I PYOTRUN “VƏSİYYƏTNAMƏsi”nin 12 bəndinin hər biri 1721-ci ildən ta bu günədək indiki Rusiya imperiyasının xarici siyasətində əsas ana xətti təşkil edib. Görün Pyotr nə deyir: “..bu məqsədi (Rusiyanın dünya ağalığını həyata keçirməklə İctanbulun da paytaxt olmasını) həyata keçirmək üçün həmişə Osmanlı və İran arasında fitnə-fəsad törətmək, dava-dalaş yaratmaq lazımdır. Bu işdə sünni-şiə məzhəbləri arasındakı ixtilaflar böyük, kəskin silah və basılmaz ordudur. Rusiyanın nüfuzunu Asiyada artırmaq üçün sünni-şiə ixtilafları yaxşı bir vasitədir”. Bu gün Rusiya “sünni-şiə” ixtilafını gerçəkləşdirməkdə israrlıdır. Həm Rusiya, həm də İran Suriya məsələsində ikibaşlı oyun qurmaqla istənilən variantda türklərin məhvini planlayıblar. Bir çox məqamda həmin məsələyə Qərbin dəstəyi də apaydın görünür. Rusiya aktiv şəkildə müharibəyə qoşularaq Suriya türkmanlarını qətlə yetirdiyi kimi İran da müharibəyə tam aktiv olaraq qoşulacağı təqdirdə indiki İranda yaşayan türkləri canlı hədəf kimi bölgəyə göndərəcək. İran-İraq müharibəsində türkləri qırğına verən İran bu dəfə də türklərin say etibarilə azalmasını stimullaşdıran şansı əldən verməməyə çalışacaq...

Rusiya uçağını Türkiyə haqq edərək vurub. Ancaq Türkiyənin Amerika və Qərb dünyası tərəfindən Suriyada süni şəkildə yaradılan cəhənnəm vadisinin sakininə çevrilməsinə heç bir vəchlə yol verilməməlidir. Qaldı ki, uçaq vurulandan sonra rus “petuxları”nın banlamasına, qoy banlasınlar. Xoruz nə qədər silkələnsə də, tükü bir çəngədir....

P.S: SONRA DA DEYİRLƏR Kİ, BƏS FİLANKƏS NÖŞ BELƏ DEYİB...ELƏ BELƏ EDİRSİZ Kİ, ELƏ DƏ DEYİRLƏR DƏ... LAP ELƏ ƏCƏB ELƏYİB...

P.P.S: AQİL ABBASLA RƏŞAD MƏCİD ƏDƏBİYYATDA ADLARIYLA BAĞLI YENİ SƏVİYYƏ TƏQDİM ETDİLƏR. GƏNC YAZARLAR, O “SƏVİYYƏ”NİN QURBANLIĞINA ÇEVRİLMƏYİN!!!!

İGİD TEYMURLU

]]> true https://yenixeberorg.com/yazarlar/17493-yardmlnn-emqrant-eshshekler.html Admin Yazarlar, İgid Teymurlu Sat, 21 Nov 2015 17:06:00 +0400

STATİSTİKA KOMİTƏSİ BAŞQA BÖLGƏ EŞŞƏKLƏRİNİN EŞŞƏK HAQLARINI TAPDALAYIR

Dünyada fərqli ölçülərin, fərqli meyarların, fərqli yanaşmaların yengəliyilə faktiki ərazilərin yenidən bölüşdürülməsi prosesi gedir. Bizimkilər də ayran içib taxıl biçirlər. Hər bir dövlətin Statistika Komitəsi gerçək potensialları düzgün qiymətləndirməklə qarşıya çıxa biləcək problemlərin aradan qaldırılması üçün bir növ zamanında “sos” siqnalını verirlər. Elə bizim Dövlət Statistika Komitəmiz də verməklə məşğuldur “sos” siqnalını. MİLLİ DİRÇƏLİŞ GÜNÜ öncəsi Dövlət Statistika Komitəsinin geostrateyi əhəmiyyət kəsb edən bir açıqlama ilə çıxış etməsi də bunu sübut etdi. Sən demə Komitənin nəzərincə bu “mağamda” əsas olan ölkədəki eşşəklərin sayını müəyyənləşdirmək imiş. Və bu əsası da Statistika Komitəmiz eşşəklərin sayıyla yaxından ilgilənəndən sonra əsil peşəkarlıq və operativlik nümayiş etdirməklə ortaya qoya biliblər....

Uzun uzadı tər tökəndən sonra Statistika Komitəsinə bəlli olub ki, bəs Azərbaycanda eşşəklərin say çoxluğuna görə YARDIMLI RAYONU liderdir. Nə gözəl day-dayılıq! Nəhayət ki, Yardımlı rayonu da öz eşşəkləriylə fəxr edə bilər. Fərqi yoxdur, istər aborigen olsun, istərsə də emiqrant eşşək – onsuz ikisi də DOSTLUQ ADLANAN seyrəngahda dərəni xəlvət görüb kef edirlər. Və elə ikisi də, nə qədər qiymətli olsa belə, Qoruqçu görən kimi Dostluğu unudub Palanlarının qiymətinə belə baxmadan canlarını qurtarmaq üçün onu tullayıb qaçırlar. Nə veclərinə, axı o palanın pulu onlara saman verənin cibindən gedib, eşşəklərin axurundan yox...

Ancaq burada bir məqam var. Statistika Komitəsinin açıqlamasında bir az qərəz və bir az da unutqanlıq, laqeyd münasibət və qorxulu tendensiya var. Statistika Komitəsi kimlərləsə adaxlıbazlıq edirmişcəsinə məsələyə münasibətdə özünə çöp düşənlər tək davranıb. Və bu qərəz başqa bölgələrin eşşəklərinə olan münasibətdə apaydın sezilməkdədir. Həmin bölgə eşşəklərini eşşək yerinə qoymayan Statistika Komitəsi dolayısı yolla özlərinə qarşı ictimai nifrətin formalaşmasına və ölkəmizin avropalı qoduqların yanında diligödək ola biləcəyini nədənsə nəzərə almayıb. Bu gün dünyanı qan çanağında boğan Qərbi və Mərkəzi Avropa ölkələri, həmçinin Amerikadan ayıbdır. İnsanlığın qanına yerikləyən iyrənc siyasətlərinin oturuşması üçün hətta öz insanlarını qurban verməkdən belə çəkinməyən həmin ölkələr itə, pişiyə sayğı nümayiş etdirməklə özlərini mələk donunda təqdim etmək istəyirlər. Ancaq unudurlar ki, demokratların özlərinə simvol seçdikləri eşşəyə qızıl yükləsən də, onun qiyməti artmayacaq. Elə bizim Statistika Komitəmiz də deyəsən onların səsinə səs verib ki, ilin, günün bu vaxtında durub eşşəkləri sayır.

O zaman rəhmətlik BABA PÜNHAN yaxşı demişdi: “İtim, dur gəl, yanımda: Dur başına dönüm də: Sən də Pünhan günündə: Pünhan da it günündə ”. Milləti kreditor qismində intihar körpülərinə sürükləyən bankların çarvadarlıqları qalıb bir yanda, bunlar da palan axtarışına çıxıblar. Qardaş, bizim 25 faiz ərazimiz ermənilər tərəfindən işğal olunub. Eşşəkdən özlərinə büt yaradanlar da nəinki bizim tapdalanan haqlarımızı tanıyır, əksinə problemin daha da dərinləşməsi üçün qonşudan bir eşşək də borc alırlar. Bizim Komitə də özünü eşşək üstündə qəmə taxanlar tək aparır. Zaman-zaman o ərazilərimizdə at oynadan eşşəklərimizə münasibətdə adı çəkilən Komitə nədənsə ikili münasibət sərgiləyir. İkili münasibət olmasa da, bu, bir unutqanlıqdır. Milli hədəflərimizin müəyyənləşməsində nəinki eşşəklərimiz, biqərar nəğmələr qoşan cırcıramalarımız da yaddan çıxmamalıdır. Bu işdə bütün canlılar səfərbər olmalıdır. Əks halda Ermənistan tərəfindən haqqı tapdalanan və unutmaqda olduğumuz milli eşşəklərimizin anqırtısı Avropa Şurasından gələcək. Səbəbkar da Statistika Komitəsidir. Axı onların da eşşək haqları var...

Amma öz aramızdır, mən indi-indi anlayıram ki, nədən hər zaman Yardımlıya eşşək axını güclü olub..İndi məlum olub ki, 40 min əhalisi olan bir rayonda adambaşına götürəndə hər on nəfərdən birinə bir eşşək düşür. Yardımlıda eşşəyə olan tələbat baxımından da bu, çox azdır. Çünki işləri saymaqla qurtaran deyil. Eşşək yazıq Yardımlıda başını götürüb qaçmağa yer axtarır. Heç bir Emiqrant Eşşək o yerlərdə uzun zaman duruş gətirə bilmir. Çünki işi ağırdır. Ot daşı, saman daşı, təndir odunu, ocaq odunu daşı, su daşı, bu kənddən o kəndə gedən getmək üçün ikiayaqlıları belində gəzdir...Yazıq eşşəklər başlarını qaşımağa vaxt belə tapa bilmirlər, ona görə də elə ki, ipdə bir az çürüklük gördülər, həmən qırılıb qaçmağa üz qoyurlar.

Bizim də bir eşşək var idi – Mirimli kəndindən Tiliş kişigildən almışdıq. Ot tayamızı xaraba qoyurdu, elə ki, aparırdım “Aftaçeşmə”yə odun eləməyə, ayılanda görürdüm ki, eşşək yoxdur. Qırıb qaçıb. Düz qaçıb gedirdi özünün Avropa Şurasına -Mirimliyə. Meydu proçim, elə mən də o zamandan fikirləşirdim ki, milli, aborigen eşşəklərin sayını artırmalıyıq ki, Emiqrant Eşşəklər də bizim əhdimizi kəsə bilməsinlər. Sağ olsun Statistika Komitəsini ki, indi belə mövzuları gündəmə gətirib. Öz işini MAHİR bilənlər yəqin ki, bundan sonra eşşək biznesinə daha böyük önəm verəcəklər...

Maraq doğuran bir məqam da var. Görən eşşəkləri az olan bölgələrdə bu bədbəxt canıyanmışın işlərini bəs kim görür? Yox əgər həmin işlərin görülməsi üçün günün tələbləri səviyyəsində (su, qaz, işıq, ot, odun, yol, marşrut, iş problemi) o bölgələrdə addımlar atılıbsa, onda bizim Emiqrant Eşşəklərin haqqı tapdalanır, müasir texnologiyanın imkanlarından yararlanmağa onlara imkan verilmir...

“Müharibə şəraitində yaşayan ölkə” olduğumuz üçün biz həm də tarixin təcrübələrindən istifadə etməliyik. Məsələn, eşşəklərdən açıq döyüşlərdə “dazornı qruppa” kimi istifadə oluna bilər. Vaxtilə keçmiş İraq prezidenti Səddam Hüseyn də belə etmişdi. 1991-ci il Körfəz müharibəsində belinə bomba bağlanan “Səddam Hüseyn dəvələri” “Səhrada tufan” əməliyyatında heç bir qanqal yiyə bilməsələr də, ancaq kəşfiyyat və zərbə endirmək məqsədilə istifadə olunmuşdu. Bax bu baxımdan Emiqrant Eşşəklərə ehtiyac var....

Bizim milli eşşəklərimizin pis xüsusiyyətlərindən biri odur ki, gözləri heç doymur. İllər öncəsi mən özüm qoruqçu Həsənağadan gizlin eşşəyimizi ətə-qana doldurmaq üçün onu Şükür nilinin yanındakı buğda zəmisində çidarlayan zaman gözünün elə hey Qənimətgilin qoruğunda qalmasının şahidi olmuşam. Qabağında buğda zəmisi, di gəl ki, gözü elə orda-burda idi...

Milli eşşəklərimizin digər pis xüsusiyyətlərindən biri də budur ki, yaman zatıqırıq, ipiqırıq olurlar. Tez qudururlar. Qarınları bir az doyan kimi başlayırlar yerli-yersiz anqırmağa, hətta yiyəsinə belə şıllaq atırlar. Hər gün onu suvarmağıma baxmayaraq rəhmətlik Sərdar babamın eşşəyi mənə bir təpik qoymuşdu ki, utandığımdan dərdimi də heç kimə deyə bilmirdim, elə qıvrıla-qıvrıla gəzirdim...

Kənd adamı olduğumdan onu da müşahidə etmişəm ki, Eşşəklər anqıranda yala göz dikən İtlərin də başı ağrıyır. Səs səsə verirlər. İtlərin də zəhlətökən və bir az da ürəkgöynədən zingiltilərindəki saxtakarlıqlar bax elə həmin anqırtıda olduğu kimi apaydın sezilir. Və kənddə bu proses hər zaman davam edir - eşşək quyruğu kimi nə uzanır, nə də ki, qısalır...

Aborigen eşşəklərin gerşək potensialları yaranmış vəziyyətdən çıxış yolunda irəliləmək üçün yetərli olsa da, ancaq emiqrant eşşəklərin gəlişiylə onları eşşəkləri də ölür. Gəlmə eşşəklərin ora-bura qaçmaq timsalında göstərdikləri “prinsipiallıq” əslində prinsipsizliyin bariz nümunəsidir. Çünki belə qaçışla əslində eşşəyin yiyəsi pis vəziyyətdə qalır. Sonucda da eşşəklərin yediyi, içdiyi burnundan gətirilir...

Gətirilməlidir də. Axı dünya çalxalanır, “yağı yağ üstə çıxır, ayranı ayranlıq olur”. Gerçəkdə olmasa da, pərdə arxasında dinlərarası, mədəniyyətlərarası gizli savaş gedir. Güclü olanlar para hesabına başqalarının mədəniyyətlərini, mənəviyyatlarını zorlamaqdadır. Eşşəklərimiz xəyanətkar mövqe tutmasalar, bizi yarı yolda qoymasalar, inşəAllah biz də o güclülər arasında olarıq – ancaq başqalarının mədəniyyətlərinə, mənəviyyatlarına sayğıyla yanaşmaq şərtilə. Emiqrant Eşşəklər üçün əsas şərt dolu torba sevgisidir , onlar yemsiz torbaya doğru getməzlər. Taxılımız bol olsun. Mədə niyyətlilər üçün sonradan yerin darısqal olacağısa onların özləri üçün yaratdıqları problem və həm də bir meyardır...

P.S: QIZILDAN NOXTA DÜZƏLTMƏK HƏVƏSİNİZİ ALLAH KƏSSİN!!!

İGİD TEYMURLU

]]> true https://yenixeberorg.com/yazarlar/16906-ceml-hesenlnn-shura-hokumet.html Admin Yazarlar, İgid Teymurlu Wed, 04 Nov 2015 10:42:00 +0400

VƏ XARABA “YURD”DA ƏLİ KƏRİMLİYƏ “ƏLLƏZİNƏ”Nİ OXUTDURACAQ ULTİMATİV ÇIXIŞ

ƏLİ KƏRİMLİ hələ də anlamaq istəmir ki, vaxtında atılan güllənin səsi vaxtsız atılan topun səsindən daha üstündür. Belə şeyləri anlamadığındandır ki, ona nəsə verəndə imam, alandasa Şümür kimi davranır. Cəbhə daxilində Elçibəy ideyalarını tapdalamaqla, həmin məfkurədən yan keçməklə daha çox yurdlaşma siyasəti aparmaq ötən zaman kəsiyində Əli Kərimlinin siyasi strategiyasının əsas ana xəttini təşkil edib. “Cəhrə əyirsən don geyərsən” atalar misalının sehrindən çıxa bilməyən Əli Kərimlinin Yurdun siyasi elitasındak digər fiqurlara yumaq sarıtdırma istəyi hər zaman yarıda qalıb. Çünki yoldaş yolda tanınıb və nə qədər təəssüfləndirici hal olsa da, rəhmətlik Elçibəyin qurduğu AXCP fraksiyalara parçalanıb. Artıq o “YURD”da heç kim qalmadığından indi də Əli Kərimli müxalif birliyin daha da dərinləşməsi prosesində katalizatorluğunu davam etdirməkdədir. Bu qaranlıq mühitdə ona GENERATORLUQ edənsə “Milli Şura” kimi təqdim olunan CƏMİL HƏSƏNLİNİN ŞURA HÖKUMƏTİDİR...

İDEOLOGİYAYA SADİQLİK VƏ SADİQLİKDƏN YARINMA DÜSTURU

Zaman-zaman Əli Kərimli elə fon yaratmağa çalışıb ki, guya AXCP adlanan qurumda o şəksiz və şəriksiz liderdir. Dostlarının güzəştə getmək limitinin tükəndiyi ana qədər o, bu siyasətindən əl çəkməyib. İtirdiyi dostlarının sayəsində özünə gün ağlayıb. Məhz həmin dostların Nizamnamə sədaqəti hesabına Kərimli cəbhə ideologiyasıyla yanaşı paralel siyasət yürütməsini zaman-zaman pərdələyə bilib. Dostların belə sədaqətindən öz maraqları naminə istifadə edən Kərimli indi də növbəti dostun güzəştə getmək limitinin hesabına yaşamaqdadır. Nə oldu, bunun Əlisi dəli, Vəlisi dəli, qırılmışın hamısı dəli? Bu atalar misalının bətnində gizlənən məqamları Cəbhə ideologiyasını yaşadanlara şamil etmək mənim hədəfim deyil. Amma Əli Kərimlinin yestlərinə əsasən özünün görə bilmə bucağı çərçivəsində ona demək olar. Nə oldu, QÜDRƏT HƏSƏNQULİYEV pis oldu, QULAMHÜSEYN ƏLİBƏYLİ pis oldu, ƏLİMƏMMƏD NURİYEV pis oldu, həm siyasi, həm də hərbi savadıyla canına millət yolunda fəda etməyə hazır olan ARİF PAŞA pis oldu, MİRMAHMUD MİRƏLİOĞLU pis oldu, ƏLİ MƏSİMLİ pis oldu, RƏFAEL BECANOV pis oldu, OQTAY GÜLALIYEV pis oldu, FAZİL QƏZƏNFƏROĞLU pis oldu, RAMİZ TAĞIZADƏ pis oldu, RAZİ NURULLAYEV pis oldu....., bir dənə Əli Kərimli yaxşı oldu?! YALANÇININ....AXCP-NİN ƏN PİSİ ELƏ ƏLİ KƏRİMLİNİN ÖZÜDÜR. Adı çəkilən şəxsləri ən çox tərifləyən və ən çox dallarınca danışan da Kərimli olub. Axı Əli Kərimli hansı özəl kriteriyalarına görə adı çəkilən şəxslərdən öndə olub? Əksinə, Kərimli bütün kriteriyalara görə adı çəkilən şəxslərdən qat-qat aşağıda olub. Sadəcə olaraq, o zaman rəhmətlik Elçibəyin Kərimliyə göstərdiyi dəstəyə bu Adamlar güzəşt limitləri tükənənədək sadiq qaldılar və buna görə Kərimlinin həmin kəslərə də mənəvi borcu var. ƏLİ KƏRİMLİ CƏBHƏ İDEOLOGİYASINA XƏYANƏTKARLIĞINA GÖRƏ YURDDAN UZAQLAŞANLARDAN QAT-QAT ÖNDƏDİR...

SİYASİ ROBOTLAR DONSUZLARA PAPAQ AXTARIR

Əslində Cəmil Həsənlinin Şura hökumətinin əsas ideoloyi kursuna da Əli Kərimlinin dəsti-xətti hakim kəsilib. Təsadüfi deyil ki, xaricdən ötürülən XAMMALın emal prosesini həyata keçirməyi CƏMİL HƏSƏNLİNİN ŞURA HÖKUMƏTİ (bundan sonra - CHŞH) birbaşa özləri deyil, dövriyyəyə buraxdıqları KƏNARDAN GƏLMƏ SİYASİ ROBOTLAR vasitəsilə həyata keçiriblər və indi də keçirirlər. Maraqlıdır ki, həmin Siyasi Robotlar CHŞH-nin timsalında ikili oyun oynasalar da, siyasi düzəndə əynində donu olmayanların başında papaq axtarırlar. Bu nə baxış bucağı, bu nə düşüncə tərzidir?! “Milli Şura” adlanan CHŞH özü qərbli siyasi texnoloqların əlində bir vasitəyə çevrildikləri halda onlardan uma-uma muma dönən Siyasi Robotlar da həmin siyasi əlillərin əl ağaclarına çevriliblər. CHŞH-nin “ölüm briqadası” kimi qabağa verdiyi həmin Siyasi Robotlar tarixçi alimin əvəzindən danışır, öz partiya maraqlarını belə heç bir ideoloyi kursu, konsepsiyası olmayan “”qurum”a qurban verir, Əli Kərimlisayaq ikili mövqe nümayiş etdirirlər. Deməli, Əli Kərimli hər zaman olduğu kimi indi də həm CHŞH-nin iddiasını ortaya qoyur, həm də öz pozuculuq fəaliyyətini davam etdirərək partiyaların fraksiyalara ayrılması üçün əlindən gələni qablara çəkməyə çalışır.

Buna münasibətdə Siyasi Robotların davranışları başadüşülən deyil. Nədən? Çünki adıçəkilən qurumun önəmli gəlişmələrdə Cəmil Həsənli, Eldəniz Quliyev, Gültəkin Hacıbəylinin timsalında önə çıxması da bunu sübut edir. Maraqlıdır. Cəmil Həsənli özünün düşüncəsindən süzülüb gələn seçki siyahısını təqdim edir və elə bununla da cəmiyyəti ümidsizlik sindromuna yoluxdurur. Sonradan deputatlığa namizəd olan yurnalist İLHAMİYYƏ RZA seçkisonrası duruma işarə vuraraq ironiya dolu suallarını Cəmil Həsənliyə ünvanlayır, ancaq yenə də cavab verən Cəmil Həsənli deyil...

HƏMRƏYLİYİN MAHİYYƏTİ VƏ SİYASİ MODELYERİN PƏHRİZ VETOSU

VHP Icra Aparatının rəhbəri Samir Əsədlinin CƏMİL HƏSƏNLİNİN ŞURA HÖKUMƏTİnin Koordinasiya Mərkəzindən uzaqlaşdırılmasını və buna münasibətdə Samir bəyin sərgilədiyi mövqe ilə tanış olandan sonra yuxarıda dediklərimdə yüzdə yüz haqlı olduğum bir daha üzə çıxdı. ”Milli Şura alternativ müxalif düşüncənin mərkəzidir” deyən siyasətçinin “əgər prezident aldadılırsa, deməli onun özü də aldadılmağa meyillidir. Bu cür idarəçilik olmaz” yanaşmasından doğan məntiqi onun rəhbərliyində təmsil olunduğu partiyaya şamil etsək, onda nələrin şahidi olarıq? MƏNTİQİ SUAL ORTALIĞA ÇIXIR: sən öz partiyanı müxalifət hesab etməməklə yanaşı həm də öz sədrini aldatdığını və onun da aldadılmağa meyilli olmasıyla bağlı atdığın gizli oxlarla kimlər üçün zər tutursan? İstənilən halda məqsədin nədən ibarət olması bir sirr olaraq qalır.

Baxın, Əli Kərimli ilə Cəmil Həsənli digər qurumda təmsil olunanlara naz satıb, özlərini Qərb dünyasına ölkənin birincilik qazanan siyasi modelyeri kimi təqdim edirlər. Və təbii ki, bunun qarşılığında da umacaqlarını əldə edirlər, əli boş qalansa həmin kəslərə dayaq duranlar olur. İKİNCİSİ, istədiklərini əldə edib ayaqları yer alandan sonra Əli Kərimliylə Cəmil Həsənli malik olduqları siyasi əxlaqın özəlliklərinə rəğmən dünən əl açdıqları adamın əlinə və dilinə pəhriz qoymaqla öz siyasi hegemonluqlarıyla bağlı daha bir eskizi ağalarına göndərirlər. Samir Əsədliyə seçkiyə qatılmaqla bağlı veto qoymaq da bunun tərkib hissəsi olub. Ancaq çoxundan fərqli olaraq Samir Əsədlinin “”mənim üçün partiya maraqları, partiya qərarları daha önəmlidir və birincidir” deyib, VHP Nizamnaməsi və VHP-çi elektoratla həmrəyliyini ortaya qoydu. Atdığı addımla yanaşı Samir Əsədlinin “mən Cəmil Həsənlinin vəkili olmuşam. Yəqin ki, münasibətlərimiz pozulmaz” deməsindəsə həm keçmişə boylanan həsrət, həm də keçmişdə gizlənən hansısa həqiqətin üstünü aça biləcəyilə bağlı ULTİMATİV ÇIXIŞ var. Bunların hansının haqq olmasınısa zaman özü təsdiqləyəcək. Nə yazıq ki, Samir Əsədlinin qarşılaşdığı halla eyniyyət təşkil edən məsələyə münasibətdə çoxları hələ də “milli maraqlar önə çıxanda mənim üçün partiya maraqları arxa plana keçir” deyə yurdçular kimi ikili mövqe nümayiş etdirirlər. Milli maraqlar hamı üçün birinci yerdədir. Ancaq bu sözün şərtlər daxilində istiqamətləndirici formatda təqdim olunması başqa məntiqdən xəbər verir. Məntiq onu deyir ki, deməli sənin də üzvü olduğun partiyanın başçısı və sıravi elektorat vurğuladığın həmin “milli maraqlar”ı tapdalayıblar, bircə səndən başqa!!!!

CƏMİL HƏSƏNLİNİN SİYASİ ELMƏ GƏTİRDİYİ YENİLİK VƏ KÖTÜKDƏN YAPILAN BÜTLƏR

“Boykot taktikası”nı seçən CƏMİL HƏSƏNLİNİN ŞURA HÖKUMƏTİ nəinki öz çayxana yoldaşlarının, bütövlükdə ƏL İÇİ MÜXALİF Ətin mədə niyyətini təmin edən “ORS”unun maraqlarına tüpürdülər. ƏLİ KƏRİMLİNİN ”YURD”u hələ çayxana söhbətləri zamanından xaraba qalmışdı. İndi də Cəmil Həsənlinin yaşama formulasını təqdim edən tarixi tapıntısı qarğavari gedişlər etməyə öyrəşmiş Baş Yurdçunu tam təmin edir. Tariximiz kimi Həsənlinin alimliyi də toz-torpağa batıb.

CƏMİL HƏSƏNLİ KİMİ BİR ALİMİ ŞURANIN UŞAQLARI GERÇƏK TARİXİMİZDƏN UZAQLAŞDIRDILAR. Bir zamanlar şair MUSA YAQUB da bunların toruna düşəndə mən də oxucusu olaraq “CANALI DAĞININ HARAYI”nı “QOCA VƏLƏS”in diliylə çatdırdım. EŞQ OLSUN Kİ, yarı yoldan olsa da, Musa Yaqub qayıtdı...Ancaq...ancaq başqa bir mövzu da var, ona sonralar toxunacam. Amma Musa Yaqubdan fərqli olaraq Cəmil Həsənlini siyasi ekstaz vəziyyətinə gətirənlərin ucbatından tariximizin önəmli bir hissəsini tədqiq edən Adam sosial sirarişləri deyil, intellekti baxımından özünün onda biri səviyyəsində olmayanların kölgəsində daldalanmaqdadır. Vəzifələrsə növbəlilik prinsipinə əsaslanır. BELƏ YATAYATLA O SİYASİ ELMƏ YENİLİK GƏTİRDİ: Elmi siyasətə qurban verənlər “ALİM” olmadılar, çünki “ALIM” sevdasıyla siyasi müstəvidə dolananlar üçün o kəslər bir obyekt oldular. Bu yeniliyi Cəmil bəy həm nəzəri, həm də əməli baxımdan sübut etdi. CƏMİL HƏSƏNLİNİN ŞURA HÖKUMƏTİ ÖZLƏRİNİ ALDADA BİLƏRLƏR, ANCAQ CƏMİYYƏTİ YOX. ÇÜNKİ YARATDIQLARI BÜTLƏRİN KÖTÜKLÜKLƏRİ AXC ADLI QOLLU-BUDAQLI AĞACI KƏSDİKLƏRİ ZAMANDAN GÖRÜNÜB

QUŞ HƏDDİNDƏKİ XƏYANƏTKARLIQ

Şuraçıların seçkiqabağı şəraiti özünəməxsus tərzdə qiymətləndirmələriylə bağlı yaydıqları bəyanat adamda həm ikrah, həm də gülüş doğurur. Bunlar “ağır cinayətlərdə suçlandırılan Leyla və Arif Yunusovlar, Xədicə İsmayılova” kimi insanların həbsdə olmasını, “ölkənin əsas müxalifət partiyası AXCP”nin (???!!!!) yeddi qərargah dəyişməsini, sadalanan və öz təmsilçiliklərində olan şəxslərin timsalında “real siyasi alternativlər”in(???) seçki prosesindən kənarda qalmalarını bağışlanılmaz hal kimi qəbul edir və bütün bunlara etiraz əlaməti olaraq “boykot taktikası”na optimal variant statusu verirlər.

Mən Xədicənin hansısa beynəlxalq tədbirdə Azərbaycan nümayəndə heyətinin çıxışına etiraz əlaməti olaraq erməniylə birgə qulaqcıqlarını taxıb yambız oynatmasını görəndə dəhşətə gəldim! Mən Yunusların, Elçibəy hakimiyyəti dönəmində hansı “analitik informasiyalar”dan necə istifadə olunmasını və bu ailənin erməni qəbiristanlıqlarına münasibətdə hansı mövqe sərgiləməsini görəndə yenə də dəhşətə gəldim! DÖVLƏTÇİLİYİMİZƏ QARŞI MÜXALİFƏTDƏ OLMAĞIN BİR ADI VAR – O DA XƏYANƏTDİR!!! XƏYANƏTKARLARA “SİYASİ MƏHBUS” DONU GEYİNDİRMƏYİN! XARİCİ KƏŞFİYYATIN HESABATINA MƏTBU NƏFƏS VERMƏK ADAMIN UÇURULAN QUŞ HƏDDİNDƏKİ TƏQDİMATIDIR, YURNALİSTİKA DEYİL!!! ŞİŞİRTDİYİNİZ, ÖDÜLLƏNDİRDİYİNİZ YURNALİSTLƏR VƏ SİYASƏTÇİLƏRİN HAMISI QUŞ HƏDDİNDƏDİRLƏR!!!

ŞURA XALANIN ÖZ BAŞINA DÖYƏCLƏYƏN LEGİONER ÖVLADI

Keçək həmin bəyanatın “hüququ çərçivə” bölümünə. Bu bölümdə Cəmil Həsənlinin Şura hökuməti boylarından belə yuxarı tullanaraq seçki komissiyalarının tərkibinin də “”real müxalifətin iştirakıyla formalaşması”ndan (yəni, parlamentdə təmsil olunmayan ƏL İÇİ MÜXALİFƏTdən - ???) dəm vururlar. Hər halda Gültəkin Hacıbəyli bilməmiş deyil ki, komissiyalar hansı şərtlə, hansı arqumentlə formalaşdırılır. YERİ GƏLMİŞKƏN, bir məqama da toxunaq. Atılan addımların fonunda belə qənaətlə çıxış etmək mümkündür ki, əgər sabah Siyavuş Novruzovla Kəmaləddin Heydırov işdən çıxarılarsa və onlar Əligilin CHŞH-nə müraciət edərlərsə, olacaqlar “”REAL MÜXALİFƏT”(!!!!) ...

Bu da bir növ düşüncə azadlığıdır, qoy düşünsünlər, hələ ki, bu düşüncədən də irəli getməyiblər. Diqqəti cəlb edənsə başqa bir məqamdır. ”Milli Şura alternativ müxalif düşüncənin mərkəzidir” deyən ŞURANIN LEGİONER SİYASƏTÇİSİ nin “əgər prezident aldadılırsa, deməli onun özü də aldadılmağa meyillidir. Bu cür idarəçilik olmaz” yanaşmasından doğan məntiqi onun rəhbərliyində təmsil olunduğu partiyaya şamil etsək, onda nələrin şahidi oluruq. DEMƏLİ, sən öz partiyanı müxalifət hesab etməməklə yanaşı həm də öz sədrini aldatdığını və onun da aldadılmağa meyilli olmasıyla bağlı gizli oxlarını kimlərinsə hücumuna start vermək üçün nümayişkaranə bir şəkildə atırsan. Ancaq məqsədin nədən ibarət olması bir sirr olaraq qalır.

Həmişə vurğuladığım bir məqamı yenə də təkrarlamaq zorundayam: dayandığı düşərgədən fərqli olmayaraq siyasi dramaturgiyamızın boyundan yuxarı tullanmağa çalışan qüvvələri nə qədər ki, dövlətçilik və millətçilik eşqiylə YAŞAMAnı bir yana qoyub, sadəcə olaraq, ağalarının sifarişilə GÖSTƏRMƏK üçün suflyor və dublyor qismində səhnəyə çıxırlar, bir o qədər də cəmiyyətin nifrətiylə qarşılaşacaqları labüddür. Bu baxımdan Cəmil Həsənlinin Şura hökumətindəki siyasi rəqqasların bugünkü yaradıcılıqlarının əsas leytmotivində dayanan aldadıcı yestlərlə “yerim dardır” demələri cəfəngiyyatdan başqa bir şey deyil. Elə bunun görüntüsüdür ki, yurnalistin “MİLLİ ŞURADA NƏ VAR, NƏ YOX, ORADA NEYNİYƏ BİLİRSİNİZ E?” kimi suallarında bir sarkozm, bir ələsalma hiss olunur. Mən belə sarkozmları sizlərə rəva görmürəm. İndi bütün mənalarda növbə sizindir - addımınızı atın ki, sizi tanıyaq. Və bu yazı tam zamanında olmasa da, ancaq vaxtında atılan güllədir. Özü də göyə atıldı ki, ayılasınız. Sonradan top səsinə diksinməyin. Cəhrə əyirənlərin sifarişinə uyub kələfinizi dolaşıq salmayın!

P. S: BAŞQASInın əliylə aş yeyənin qarnı doymadığı kimi daşınma su ilə də dəyirman işləməz....

İGİD TEYMURLU

]]> true https://yenixeberorg.com/yazarlar/16696-bashla-dashn-dashla-xashn-syas-strptz.html Admin Yazarlar, İgid Teymurlu Thu, 29 Oct 2015 12:13:00 +0400

QAZANDAKI AZADLIQ

Bizdə sözlə əməl cilalanmır. Sözdə bir, əməldəsə başqa cürük. Torpaqların azadlığından danışırıq, ancaq övladlarımızın müharibədə iştirakını istəmirik. AZADLIQSA NİMÇƏ ÜSTÜNDƏ VERİLMİR.

Müxalifət hakimiyyəti ittiham edir – xalqın seçkiylə maraqlanmamasına görə. İsa Qəmbər deyir ki, xalqın önəmli bir hissəsi seçkiylə maraqlanmır? Onda bəs sən kimsən və səni xalqın düşüncəsindən kənar nə maraqlandırır? MARAQLAR HƏR ŞEYİ ÜSTƏLƏYİB.

İsgəndər Həmidov da quşu gözündən vurur. Artıq müxalifət fəsilləri ayırd edə biləcək səviyyəyə çatıb və hətta yarpaqların belə da hara düşəcəyini bilir. O cümlədən İsa bəyin timsalında “əla oğlanlar” da. Səxavət Əlisoyun “Müsavat seçkiyə pula görə qatılmışdı”(???????-müəllif) fikrinə əsaslansaq, onda arif olanlar hakimiyyətin və Qərbin istəyincə bunu demək istəyiblər: PAPAQ ELƏ, İŞİMİZİ BİLƏK.

Atalar deyir ki, baş başa dəyməyincə daş yerindən qalxmaz. Demokratik cəmiyyətlərdə seçki vətəndaşın başına düşən daşı kənara tullamaq üçün istifadə olunan vasitədir. Əvvəl seçkiyə qatılıb, sonradan imtina etməksə cəmiyyət üçün qorxulu olan ikidilli insanların gedişidir. İKİ QİBLƏYƏ NAMAZ QILINMAZ.

Özünü olduğundan qat-qat artıq göstərməyə çalışan Müsavatın başında köhnə hava qalıb. Başlarını daramaq istəsələr də, tükün yoxluğunu nəzərə almırlar. Bu payızdakı mitinq eyforiyasıyla təşkil olunan Məhsul yığımı da deyilənləri təsdiqlədi. Və Müsavat ənənəsinə uyğun olaraq bir şeyi təsdiqlədi: GERÇƏK POTENSİALIN SIFIR SƏVİYYƏSİNDƏ OLMASIYLA BAĞLI HAKİMİYYƏTƏ VƏ QƏRB DÜNYASINA MESAY YOLLADI.

SABİR RÜSTƏMXANLI deyir ki, “millətimiz qara durna taleyi yaşayır” – yəni, yumurtadan çıxan kimi elə hey bir-birinin başına döyəcləyir. Düppədüz. Yazı etikasına uyğun olmasa da, qoy məni bu işə vadar edənlər oxucu qarşısında cavab versinlər - fərd olaraq mən bununla heç kimin bostanına daş atmıram və atmaram da. Ancaq ANAR NİFTƏLİYEVin sözü olmasın, “qadouzi alım, a millət”, daş dəyənə, yol da gedənə bəllidir axı. MÜSAVAT QOLLARININ AÇILMASI ÜÇÜN DAŞ ATDI.

Ötən zaman kəsiyində hakimiyyətin atdığı addımlar və buna müqabil müxalifətin taktiki gedişləri hər kəsə bəllidir. “Biz seçkiyə şərtlər daxilində qatılmışdıq” deyən Arif bəyin bunca ifadəmə görə məni bağışlasın, riyakarlıq etməsi cəmiyyətə qarşı bir nəzakətsizlikdir. Onun dediyi “şərtlər” illər uzunu həllini tapmayıbsa, ikicə günün içində həllini tapacaq?! Sadəcə olaraq bu, guya ki, özünü sığortalamaqdır. Və sığortaladı da. Guya hakimiyyətin evi avardan idi, Müsavatın gedişilə buna gilavardan od düşəcək. SİYASİ DÜZƏNDƏKİ SONRAKI YAŞAM SIĞORTALANDI.

Siyasi potensialı kifayət qədər böyük olan insanların Müsavatda da olması heç kimə sirr deyil. Elə isə nədən adı çəkilən qurumun siyasi elitası imkan vermir ki, heç olmasa o insanlardan bir-ikisi Milli Məclis səviyyəsində “kölə insan”ın arzu və istəklərinin təminatçısına çevrilsinlər. 125 nəfər içərisində saf düşüncəli insanların olması nə vaxtdan xalqın maraqlarına zidd olub?Siz nəyin növbəsində dayanmısınız? BANAN NÖVBƏSİNƏ DAYANMAĞIN SONUCU SURİYALILARI LAGER PROBLEMİYLƏ ÜZ-ÜZƏ QOYDU, FƏRQİNDƏSİNİZMİ!?..

İndi kimi dindirirsən, “bu, bir oyundur” deyir. Hakimiyyət müxalifətin, müxalifət hakimiyyətin, cəmiyyət də hər ikisinin etdiklərini, dediklərini “oyun” adlandırır....Yəni, biz bunca oynağan millətik??? Azərbaycanda kimisi BAŞ.., kimisi DAŞ..., kimisi də XAŞ hayındadır...Ortaliqda Başla Daşın, Daşla Xaşın siyasi striptizi nümayiş olunur..Azadliq da deyəsən nimçə üstündə verilmirmiş, qazandaymış. AMMA ƏVƏZ ZEYNALLININ DA YAXŞI “QAYNAR QAZAN”I VAR HAAA....

P.S: KASIBIN DÖRD DÜŞMƏNİ VAR: İTDİ, BİTDİ, MOLLADI, BİR DƏ YASAVUL. BUNU DA İNDİKİ ATALAR DEYİB: PULSUZLUQ ADAMI SAYTLARA MÖHTAC EYLƏR....

İGİD TEYMURLU

]]> true https://yenixeberorg.com/yazarlar/16648-eldarakon-emelyyat.html Admin Yazarlar, İgid Teymurlu Wed, 28 Oct 2015 10:11:04 +0400

“İNSANLIQ FƏLSƏFƏSİ”, SİYASİ XRİSTOSLUQ, LEGİONER SEÇİCİ TİMSALINDA AZADLIĞIMIZIN KÖLƏLİK FORMATI

Mən deyəndə ki, Azərbaycanın siyasi müxalifəti və hakimiyyətdə təmsil olunan əsrimizin mübariz siyavuşlarının öz fikirləri, öz düşüncələri və öz taktiki gedişləri yoxdur və bütün bunları stumallaşdıran BİR ƏLİN MÖCÜZƏSİ var. Deyirdilər ki, yox, bu nə falabaxmaqlıqdır. Zamansa mən deyənləri təsdiqlədi . BİR ƏLİN MÖCÜZƏSİ sayəsində elin gözündə drakon kimi görünənlər elə bir anın içindəcə ovlandılar. Tox ikən yeyənlər dişləriylə özlərininə qəbir qazdılar. Fatihələrini də ölkə başçısı özü verib lazım gələndə hər şeyə qadir olduğunu bir daha göstərdi. Siyasi kölgəliyin ayrı-ayrı səmtində bitən ağACLARsa gülməli olsa da, bu göstərinin fonunda hansısa meyvə nümayişilə məşğuldurlar, dəstəmazsız namaz qılırlar. İnanaqmı?....

Dil, əməl və qəlb birliyi bütövləşəndə Kamil İnsan anlayışı ilə çıxış etməyinə dəyər. Ancaq siyasi müstəvidəki bugünkü reallıq oruc tutmayanların oğlanlarının adını Ramazan qoymasına oxşayır. “Biz Azərbaycanda hüquqi və demokratik cəmiyyətin bərqərar olması uğrunda mübarizə aparırıq” deyənlərin boykot taktikasını seçməsi, həmçinin seçkiyə qatılanların bir çoxunun davranışlarına “papaq elə, işimizi bilək” yestinin hakim kəsilməsi, MTN olayından özlərinə mövzu seçimi etmələri qocalmış, qartımış müxalifətin gözünün siyasi qazanın dibində olmasından irəli gəlir. Ancaq görüntü xatirinə iqtidar damında azan verənlər üçün dolu qazanlar çoxdan sayılıb, doyacaqları qədərində də payları verilib.

Mübarizələri aydın, sağlam ideoloyi kursa söykənməyən müxalifətçilər gerçəkləşdirə bilmədiklərini hər zaman kiçicik detal, hakimiyyətin ZAİL UŞAQLARısa bunu ötürücü qayış kimi səciyyələndirib həm öz elektoratlarını, həm də bütövlükdə cəmiyyəti aldatmaqla məşğul olublar. Məsələn, bu kontekstdə “MİLLİ DİRÇƏLİŞ”ə qəzet formatında “YENİ” statusunu əlavə edib paralel oyun qurmaqla görən FƏRƏC QULİYEV nəyə nail olmaq istəyirdi? Konkret olaraq Fərəc bəyin adını vurğulamağım aktiv seçici olaraq səs verəcəyim dairədə internet sorğularına görə onun adının birinci yerdə olmasına görədir. Və bu, o Fərəc Quliyevdir ki, beş il müddətində Qaraçuxurda bizim deputatımız olsa da, o, bizim arzu və istəklərimizi, biz də onun sifətini görməz olmuşuq. “Milli” ilə “yeni” arasında olan fərq və mahiyyət kifayət qədər böyük olduğu kimi seçici istəklərini görməzliyə vurmanın bədəlinin də böyük olmasını Fərəc bəyin özü gözəl bilir. Elə isə bilərəkdən buna getmək və cəmiyyətin istəklərini elə Qaraçuxur parkındaca dəfn etmək nəyə xidmət edir?..

Yaranmış situasiyadan çıxmaq üçün məqsəd bütövləşməlidir. Blok fəaliyyətinin tam şəkildə fiaskoya uğradığı Azərbaycanda siyasi hakimiyyətin əldə edilməsi məqsədilə belə fəaliyyətin bütövləşməsindən danışmaqsa utopiyadan başqa bir şey deyil. Çünki müxalif düşərgədə təəssüflər olsun ki, bu gün maraqlar məqsədi qabaqlayıb. Yəqin elə bunun məntiqi sonluğundan doğan qənaətin nəticəsidir ki, cəmiyyətin bütün təbəqəsi seçki prosesi başlayan andan kimlərinsə seçiləcəyi haqda “XRİSTOSLUQ” edirlər. Görən belə “xristosluq” etməyin hansı məntiqə söykənməsilə bağlı düşərgələrin siyasi elitalarında təmsil olunanlar, həmçinin aidiyyatı strukturlar və şəxslər heç fikirləşiblərmi? Axı cəmiyyəti belə mövqedən çıxış etməyə sürükləyən səbəb nədir? Məsələ burasındadır ki, bütün zamanlarda əvvəlcədən gəlinən belə qənaətlərin tam əksəriyyətinin seçki sonunda gerçəkləşməsinin şahidi olmuşuq. Və indi də həmin xristosluq davam etməkdədir. Bu gün Milli Məclisə qanunverici orqan deyil, az qala mülkiyyət kimi baxan qartımış namizədlər bir az da belə müşküllərdən danışsalar, pis olmaz. O cümlədən, Fərəc Quliyev.

Təqdirəlayiq haldır ki, “seçki prosesində yaradılan ümumi ab-havadakı normal situasiya” vətəndaşlara tam şəkildə o imkanı verdi ki, hər kəs öz potensialını, nəyə qadir olmasını ortaya qoya bilsin. Və qoyuldu da. Belə ab-havanın təqdimatında müxalifət qüvvələri də hakimiyyətə bir növ yardımçı oldular. Elə namizədlərin say çoxluğu və 24 siyasi qurumun seçkiyə qatılması da yaradılmış demokratik ab-havanın göstəricisi idi ki, bunu da “demokratiyanın dostları” apaydın gördülər. Bununla da “hakimiyyətə ola biləcək təpki” heçə endirildi və endirilməliydi də. Azərbaycan həqiqətlərinə ikili münasibət bəsləyən Qərb dünyasının bütün mənalarda ahı döşündə qalmalıdır. Və inşəAllah qalacaq da.

Reallığa baxsaq, əslində “seçkini boykot” taktikasına getmək demokratik mübarizəyə yox demənin, partiya Nizamnaməsinə, elektorata olan sayğısızlığın bariz nümunəsi idi. Aktiv elektorata şüursuz kütlə yanaşması nümayiş etdirməklə müxalifət özünə əbədi qəbir qazıb. Fəlsəfədəki insan daima mütləq həqiqətə can atacaq, ancaq onu əldə edə bilməyəcək anlayışını müxalifət hər zaman subyektivizm kontekctində təqdim etdi. Özlərini mütləq demokratlar kimi göstərmək istəyən dirçəliş həvəskarları siyasi həyatın tükənməsini isbatlamaqla yanaşı həm də ictimai nifrəti özlərinə qarşı yönəldib onu stimullaşdırdılar. “KÖLƏ İNSAN”a azadlıq vəd edən müxalifət milli inkişafımıza əngəllər yaradan bütün qeyri-bərabərlikləri nəinki aradan qaldırdı, əksinə onu bir az da dərinləşdirdi AZADLIĞIMIZ A KÖLƏLİK FORMATI VERDİLƏR. Belə olan halda keçmişin eyforiyasından danışmaq tam yersizdir, ay mənim imzamdan istifadə edib, mənim adımdan danışanlar! SEÇİCİ NAMİZƏD ARASINDA OLAN SƏMİMİYYƏT VƏ MÜNASİBƏTLƏRDƏKİ ŞƏFFAFLIQ OLMADIĞI ÜÇÜN CƏMİYYƏTİN SİYASİ QÜVVƏLƏRƏ OLAN SEVGİSİ DƏ SAXTADIR VƏ BU “SEVGİ”DƏ AYDINLIQ YOXDUR, AY NAMİZƏD YOLDAŞ. ÜSTƏLİK QURUMDAXİLİ HAÇALANMALAR, BİR-BİRİNƏ QISQANC MÜNASİBƏT VƏ GERÇƏK POTENSİALIN GİZLƏDİLƏRƏK HƏDDİNDƏN ARTIQ ŞİŞİRDİLMƏSİ MÜXALİFƏTİ VƏ MÜXALİFƏTƏ DÜŞMƏN GÖZÜYLƏ YANAŞANLARI TARİXİN ARXİVİNƏ QOVUŞDURUB. Hansısa dirçəliş fonunda görüntü yaratmaq və hakimiyyət daxilində sərsəm sıçrayış edənlərin yerində otuzdurulmasına dirçəlmək istəyənlərin münasibət bildirmələrisə cəmiyyətə aminazin təsiri bağışlayan duyğusal düşüncənin tərkib hissəsidir. Seçki kampaniyasında bilərəkdən insan kapitalıyla yanaşı vaxt və maddi resursların nəzərə alınmaması öz küskün elektoratı qarşısında müxalifətçi siyasi elitanın yalançı obrazını bütün çılpaqlığı ilə nümayiş etdirdi. Elə yuxarıda sitat gətirdiyim namizədin timsalında da bunun şahidi olduq. Seçici olaraq mən indi bilmişəm ki, ötən beşillikdə mənim millət vəkilim Fərəc Quliyev olub. İndi də təbliğat-təşviqat kampaniyası başa çatmaq üzrədir, hələ ki, adamın sifətini belə görməmişəm.

Baş verən proseslərlə yanaşı seçki kampaniyası həm də müxalifət düşərgəsinin demokratikləşmə prosesinin mahiyyətindən xəbərsizliyini, ya da diktə olunan tərəfliyini təsdiqləndi. Onsuz da bu zamana qədər ümumi münasibətlərin formalaşmasına qarşılıqlı ittihamların hakim kəsilməsi sonda bu qüvvələrin daha da zəifləməsinə gətirib çıxarmışdı. Faktlara əsaslansaq, eyni düşərgədə təmsil olunduğu opponentinə güzəştə getmək limitindən istifadə etməyən dirçəliş həvəskarlarının əksər hissəsi nədənsə örtülü bazarlarda hakimiyyətə güzəştlərə gediblər. Həm boykot, həm də iştirakın özündə də bu, apaydın görünməkdədir.

Ötən zamanların xronikası da göstərir ki, indi cəhd edilən bu addımlar mütəmadi olaraq təcrübədən keçirilib. Fəaliyyətini şəxsi amillər üzərində kökləməklə ictimai rəylə hesablaşmayan dirçəliş həvəskarları indi də LEGİONER SEÇİCİYLƏ (dairədə yaşamayan dost-tanışı seçici kimi təqdim etmək) fəaliyyətlərini tənzimləyirlər. Namizədlərin keçirdikləri görüşlərdə də bunun şahidi oluruq, o cümlədən Fərəc bəyin də.

Konsepsiyasızlıq, konkret hədəflərin müəyyənləşdirilməməsi, qeyri-səmimilik, nəzəri sistemlərə söykənməyən şablonçuluq fərqli yanaşmaların, fərqli baxışların yarandığı bugünkü dünyada müxalifət adına iddialılarla vətəndaş arasında uçurum yaradıb. Deputatlığa namizəd olan bir kəsin seçki platformasında Meydan Hərəkatındakı xidmətləri qabartması həm də seçimi düzgün etmək üçün seçiciyə bir şans verir. Biz gələcəyimizi qurmaq üçün Sənə səs veririk, ay yoldaş. Yaxşı, pis keşmişi yaşamışıq. Təəssüflər olsun ki, keçmişin eyforiyası ilə yaşayanlar sırasında bu gün Fərəc bəy də var. Belə təqdimata qalarsa İNDİKİ MÜXALİFƏTÇİLƏRİN HEÇ BİRİNİN MEYDAN HƏRƏKATINDA SABİR RÜSTƏMXANLI QƏDƏR BÖYÜK ROLU OLMAYIB. Yaşanmış yaxın tarix haqda kimlərinsə utopik, eyforik yanaşmasına ehtiyac yox, o cümlədən Fərəc bəy Quliyevin də. Bütöv Azərbaycan Meydan Hərəkatının şinelindən çıxıb. Meydan Hərəkatındakı xidmətlər bu günün canqoruyucusu ola bilməz. Görən Azadlıq Mücahidlərimizdən olan ƏHMƏDBƏY AĞAOĞLUnun bugünümüzə ayna kimi tutulan “İNSANLIQ FƏLSƏFƏSİ”ndə legioner seçicilərlə döyüşə atılan namizədlər özlərini necə görürlər? Gündüz müxalifətçilik edib, axşamlar iqtidarın qapısından bürünmüş halda çıxanlar niyə öz mövqelərində şəffaflıq göstərmirlər? Belə çıxır ki, ölkə başçısının məlum sərəncamı olmasa idi, hələ də hüquq-mühafizə orqanlarındakı, icra strukturlarındakı, MÜXALİF ƏTdəki, KİV-dəki boyunduruq zəncirinin halqaları elə hey şaqqıldayacaqdı. EŞQ OLSUN PREZİDENTİMİZƏ ki, bu şaqqaşaqqa sarı bir daş atdı.

Dövlət başçısı imzaladığı sərəncamlarla BİR ƏLİN MÖCÜZƏSİni göstərdi. Və indi hərə öz falının hayındadır. O da bəlli oldu ki, dövlət başçısı həm MSK-dan, həm müxalifətdən, həm də hakim partiyanın söz qəhrəmanlarından daha demokratikdir. Axı məntiqlə adı çəkilənlərin ünvanına yönəli müsbətlərin birbaşa dövlət başçısının addımından bəhrələndiyi üzə çıxdı. Vətəndaşların seçki prosesindəki aktiv iştirakının təminatı, müşahidəçilər məsələsində Azərbaycanın öz sözünü deyə bilmək qüdrətinin nümayişi, qorxulu tendensiya olsa belə, seçkiöncəsi yüksək çinlilərin vurulması da bunu təsdiqlədi. Və bütün bunlar dövlətimizin strateyi məqsədlərinin reallaşması üçündür. AğACLAR meyvəsindən tanınır, bəylər və xanımlar. Siz də dəstəmazlı olun, daha namaz qıla-qıla ev yıxıb həccə gedənlərdən olmayın..

P.S: KÜL OCAQDAN GÖTÜRÜLÜR. OCAQDA QARŞILAYIB, OCAQDAN YOLA SALMANIZA BİR GÖZƏLLİK VERİN...

İGİD TEYMURLU

]]> true https://yenixeberorg.com/yazarlar/16491-sechkonces-zehere-qarsh-vurulan-vaksn.html Admin Yazarlar, İgid Teymurlu Fri, 23 Oct 2015 11:02:54 +0500

VƏ QURBAN MƏMMƏDOVUN ESKİZİNDƏ MİLLİ ŞURANIN STRATEGİYASI

Azərbaycanda keçirilən seçkilərin xronologiyasına nəzər yetirəndə acınacaqlı olsa da, zaman ötdükcə cəmiyyətdaxili siyasi və sosial qütbləşmənin getdikcə daha da dərinləşməsinin şahidi oluruq. Heç şübhəsiz ki, burada cılız potensiala malik fiqurların boylarından yuxarı iddialarını gerçəkləşdirmək üçün siyasi texnologiyanın ən çirkin metodlarından istifadə etmələri başlıca rol oynayır. Siyasi texnologiyaların mahiyyətindən də bəllidir ki, bilərəkdən gündəmdə saxlanılmasına, yaxud gündəmə ötürülməsinə icazə verilən taktikanı iddialı tərəf bir qayda olaraq özünün yeni model tapıntısı kimi cəmiyyətə təqdim edir . Təqdim olunan modelsə əks tərəfin siyasi naşılığından bir çox hallarda onlara aminazin təsiri bağışlayır.

Danılmaz faktdır ki, aktiv elektoratından məhrum olan siyasi qüvvələr taktiki gedişlərini bu gün öz həvəskar elektoratlarıyla həyata keçirməkdədirlər. Aktiv elektoratdan məhrumluğu şərtləndirən səbəblərin nədən ibarət olması ayrı bir mövzunun söhbəti olduğu üçün hələlik buna toxunmağına dəyməz. Çağırışların cavabsız qalması cəmiyyətin həmin qüvvələrə olan inamsızlığının bariz nümunəsi olsa da, onlar bu etinasızlığın özündən də bir şou düzənləyib hansısa təzyiqin, hansısa təqibin göstəricisi kimi beynəlxalq aləmə sırımağa çalışırlar. Ortalıqda olan reallıq bundan ibarətdir ki, qartımış siyasi qüvvələr təmsil olunduqları sferada özlərinin son akkordlarını vurmaqdadırlar. Seçkiöncəsi kampaniyalar və mövcud siyasi hakimiyyətin atdığı addımların fonunda ucdantutma xor kapellalarının ayrı-ayrılıqda oxuduqları ariyalar da bunu bir daha təsdiqlədi. Hər zaman olduğu kimi yenə də müxalifətçi qüvvələr hakim partiyanın, daha doğrusu, ölkə başçısının yestinin arxasınca sürünərək bunu müzakirə predmetinə çevirməklə öz varoluşlarını təsdiqlətdirməyə çalışırlar. Elə Milli Şura adlanan qurumun Koordinasiya Mərkəzinin üzvü olan hüquqşünas QURBAN MƏMMƏDOVun sifariş taktikası da deyilənləri təsdiqləyir.

Milli Şura adı altında toplanan ƏL İÇİ narazılar zaman-zaman “mövcud hakimiyyətə qarşı barışmaz mövqe” sərgiləsələr də, bütün bunlar əslində formal xarakter daşıyıb. Və bunun sübut-dəlilə də ehtiyacı yoxdur. Elə ən böyük sübut-dəlil AXCP-dən ayrılan siyasi fiqurların qarşı tərəf haqqında səsləndirdikləri ittihamlarda apaydın öz əksini tapmaqdadır. Eləcə də əvvəllər başqa siyasi düşərgədə olsa da, indi təmsilçiliyini Milli Şurada tapan siyasi fiqurların yanaşmaları da bu qəbildəndir. “Seçkini boykot” taktikasını seçməklə öz partiya Nizamnaməsinə və elektoratının siyasi maraqlarına tüpürən Milli Şuraçıların indiki halda məhz ölkə başçısının yesti sayəsində Allahın lütfünə sığınma istəyi müəyyən mənada alqışlanasıdır. Qarşı tərəflə müqayisədə siyasi çəkidə çox cılız olmağınızı etiraf edin, bəylər və xanımlar! Axı etiraf da BÖYÜKLÜK əlamətidir . Dolayısı yolla Qurban Məmmədov bunu etdi, növbə digərlərinindir.

Xatırlatmaq yerinə düşər ki, elə bu qüvvələr hələ 2003-cü ildə İbrahim İbrahimlinin timsalında vurğulayırdılar ki, “prezident seçkisi MÜXALİFƏTİN SON ŞANSIDIR (seçmə mənimdir –müəllif) . Əgər bu seçkidə müxalifər uğur əldə etməzsə onda növbəti illərdə müxalifətin varlığından belə söz açmaq sadəcə olaraq, sadəlövhlük olardı”. İndi sual olunur: Bəylər və xanımlar , siz xalqı bunca sadəlövhmü hesab edirsiniz? Bu baxımdan kimlərinsə Milli Şuranın timsalında müxalif qüvvədən bir matah qayırması başadüşülən deyil.

Əslində bu gün Azərbaycan siyasi müstəvisində şərti olaraq bölgü sistemi haqda fikir yürütməyin özü də bir müşgülə çevrilib. Buna siyasi baxışların qeyri-leqal maliyyə kanallarının çirkabına bulaşması maneçilik edir. Ancaq burada bir məqamı da vurğulamaq yerinə düşər. Qərb dünyası və onların iştirakçılıqları ilə formalaşan saysız-hesabsız beynəlxalq təşkilatlar ilk növbədə özlərinin iqtisadi maraqlarını müəyyən ölkələrdə təmin etdikdən sonra həmin maraqlar üzərində öz siyasi gedişlərini tənzimləməyə çalışırlar. Elə yerli siyasi hakimiyyətlər də müxalifətlə münasibətlərində eynən beləcə davranırlar. Üzvlük haqları, ianələr ümidinə qalan siyasi qurumların maliyyə problemlərinin müəyyən bir qismini həll etməklə hakimiyyət müxalifət üzərində Azərbaycansayağı texniki qələbə qazanmış olur. Sadəcə bu prosesdə “radikallar”dan fərqli olaraq sağlam qüvvələr dövlətçiliyin hər şeydən üstün tutulması məsələsində əldə etdikləri taktiki gedişlərlə həm də özlərini sığortalamış olurlar. Bu kontekstdə xarici kəşfiyyatın qulbeşəsi rolunda çıxış etməksə birbaşa dövlətçiliyimizin hədəfə çevrilməsində iştirakçı olmaqdan başqa bir şey deyil. Yəqin elə bu səbəbdəndir ki, Qurban bəy də bir sıra addımların atılacağı təqdirdə xarici qüvvələrin Azərbaycanın daxili işlərinə qarışmaması üçün bütün mümkün vasitələrdən istifadə etməklə prezidentə yardımçı olmağı Allahdan arzu edir.

Milli təhlükəsizliyimizə cavabdeh olan şəxsin sərsəm sıçrayışlarına Astana sammitindən dərhal sonra gözlənilmədən vurulan zərbə dövlət başçısının ictimai şüura təsir rıçaqlarını daha da genişləndirdi. Taktiki gedişlərdəki gözlənilməzlik liderləri səciyyələndirən xüsusiyyətlərdəndir. Hakimiyyətdaxili monopolist qruplaşmanın qeyri-leqal formatda olan əməkdaşlığından ötürülən “zəhər”in toksiki effektinin qarşısını almaq üçün ölkə başçısı tərəfindən zamanında istifadə olunan vaksinin dəyəri Milli Şura yetkilisi tərəfindən də ən yuxarı səviyyədə qiymətləndirildi. Və həm də...

Və həm də əks arqumentlərlə qarşılanacağı təqdirdə elə həmin Milli Şuraçıların hansı addım atacaqlarıyla bağlı sanki bir eskiz ortalığa qoyuldu. Yəni, bu dəyişikliklərə gedilərsə müxalifət filan, filan şeyi edəcək qənaəti əks təqdirdə “edilməyəcək” anlamına gəlir. Və bu da öz növbəsində hakimiyyətə qarşı deyil, birbaşa dövlətçiliyimizə qarşı yönəli addımdır ki, məsələyə məntiqin gücü ilə yanaşanda deyilənlərin Milli Şuranın strateyi planlarında da öz əksini tapdığının şahidi oluruq.

Nəzərə alsaq ki, hər bir Azərbaycan vətəndaşı potensial prezident, potensil nazir, potensial millət vəkili və nəhayətdə hansısa kürsünün sığortalamadığı sıradan bir vətəndaşdırsa, onda oturuşan çirkin siyasi metodların günün birində onlara qarşı işlənəcəyi də şəksizdir. Belə olan halda yıxılana balta vurma kimi çirkin ənənələrdən əl çəkmək lazımdır və belə davranış kölgə kimi sürünməkdən başqa bir şey deyil. Haqq olaraq lazımi addımı ölkə başçısı atıb, bu məsələ ilə bağlı kimlərinsə siyasi divident əldə etmək cəhdisə artıq gecdir. Regional prinsiplər əsasında qütbləşən cəmiyyətimizdə parlament seçkisinin qrup maraqları çərçivəsində keçirilməsinə imkan verilməməlidir. Hakimiyyətdaxili qruplaşmalar ailə monopoliyasını formalaşdırmaqla həm bir-birinə, həm də dolayısı yolla ölkə başçısına əzələ nümayiş etdirirlər. Seçkiöncəsi gözlənilməz addımın atılmasısa onu göctərir ki, parlament seçkisinin toqquşan maraqlar, yaxud siyasi şou fonunda keçəcəyindən danışanların qənaətləri tam yersizdir. Çünki konkret fakt və konkret addım ortaya qoyulub. Yersiz qənaətlərin tam əksinə olaraq ölkə başçısının atdığı addım onun özünə və komandasına olan əminliyini stimullaşdıran faktdır.

R.S. BƏŞƏR ƏSƏD gecəyarısı qəfildən Putinin qarşısında görünüb, ALLAHŞÜKÜR PAŞAZADƏyə də Putin qəfildən bir orden verib. EYNULLA FƏTULLAYEV də qəfildən Moskvada hava limanında saxlanılıb. Və...və QURBAN MƏMMƏDOV da qəfildən bir çıxış edib...Əcəba, bu nə QƏFLƏT YUXUSUdur böylə!?

İGİD TEYMURLU

]]> true https://yenixeberorg.com/yazarlar/15798-bernardn-stehzasn-arxada-qoyan-shou.html Admin Yazarlar, İgid Teymurlu Sat, 03 Oct 2015 22:09:00 +0500

GİROVA ÇEVRİLMƏ DÜSTURUYLA SİYASİ ARXİVƏ QOVUŞMA QORXUSU

Azərbaycanda seçkiöncəsi Qərbin cazibəsindən çıxa bilməmək nə qədər acınacaqlı olsa da artıq ənənəvi hal alıb. Bu kontekstdə ölkənin siyasi sferasında özünə sığal-tumar çəkənlər bir zamanlar elə özlərinin baxış bucaqlarından təqdim olunan “demokratiyanın dostu”, “demokratiyanın Sokratı”, “kişi Adam”, “fövqəladə adam” kimi dəyərləndirdikləri fiqurların təmsil etdikləri ölkələr qarşısında yenə də siyasi striptiz nümayiş etdirməkdə, qaranlıqda halva paylarını bölüşməkdədirlər. Hər kəsə öz həqiqətləri çərçivəsində demokratiyadan don biçən Qərb indi də elə həmin yanaşmayla bizim çirkinlərimizi bürümək sevdasıyla qara dolağa qırmızı papış tikmək istəyir. Atılan bütün addımlar DÖVLƏTÇİLİYİMİZ, MİLLƏTÇİLİYİMİZ naminədirsə və fərd olaraq mən inanıram ki, bu, elə belədir, onda bu yazıda tutulan ayinədə öz əksinizə baxın və yenə də baxın. Eyibinizdən xəbəriniz varmı, bəylər və xanımlar?...

Sosial narazılıqları doğuran səbəblər sırasında bir yanda ölkədə baş alıb gedən məmur özbaşınalığı, pozulan insan haqları, korrupsiya, rüşvət faktoru dayanırsa, başqa bir yandan da yüksələn xətt üzrə gedən iqtisadi və siyasi tempə münasibətdə aşağıların daha çox mənimsəmə, daha çox əldə etmək, daha yaxşısına nail olmaq istəyi dayanır. Və burada qəbahətli sayıla biləcək qorxulu bir tendensiya yoxdur. Əksinə, belə narazılıqların sivil qaydada ortaya qoyulması bütövlükdə cəmiyyətin inkişaf etməsinə bir təkandır. Bu şərtlə ki, qərbli Göygöz Kosaların və hakimi-mütləqlərin uzatdığı “mətanət gülləri”ni iyləmək eşqindən uzaq olasan.

Hansı cəmiyyətdə ki, narazılıqlar ört-basdır edilir, deməli, orada inkişafa doğru gedən proseslər nəinki öləziyir, hətta bir çox hallarda dayanır. Azərbaycandakı seçkiöncəsi siyasi gerçəkliyin yozumu onu göstərir ki, tərəflərin hər biri öz qənaətlərinə geniş spektrdə bəraət qazandırmaqla məşğuldurlar.NƏZƏRƏ ALSAQ Kİ, Qalibin bəraətə ehtiyacı yoxdur, onda fərqli düşərgədə dayanan liderlərin sosial bazaya yönəli praqmatik yanaşmalarında hansısa məntiqdən danışmaq qeyri-mümkündür...

ACINACAQLI HALDIR Kİ, ölkəmizdəki siyasi qüvvələr gerçəkliyə əsil həqiqətlərin prizmasından deyil, təmsil olunduqları şəbəkəyə məxsus ideoloyi eynəklərinin görmə dərəcəsindən baxırlar. Və belə yanaşmalar çox zaman ümummilli problemlərə münasibətdə seyrçi mövqedən çıxış etməyə, korporativ maraqların önə çıxmasına təkan verir. Elə bunun nəticəsidir ki, siyasi trassın müxalif yolçuları bir çox hallarda hətta Azərbaycanın haqq səsini tanımayanlarla belə demokratiya pərdəsi altında ortaq mövqedən çıxış edirlər. BELƏ BİR HALIN YAŞANMASINDA müxalifətçinin günahı qismində siyasətçiyə yaraşmayan çılğın ehtiraslara söykənən vəhşi qəzəbin ortaya qoyduğu intəhasız iddialar dayanırsa, hakimiyyətin də əsil gerçəkliyə hasar çəkərək üzdə olanları reaallığın təqdimatı iddiasında göstərmək həvəsi dayanır. Bu da öz növbəsində mövcud siyasi hakimiyyətə qarşı aparılan sivil mübarizə olmadığı kimi həm də ideoloyi baxımdan hakimiyyətin əldə saxlanılması üçün praqmatik yanaşma deyil – bütövlükdə inkişafımızı əngəlləyən səbəblərdəndir. Bilərəkdən, ya da bilməyərəkdən siyasi qüvvələrin bu oyunun iştirakçılarına çevrilmələrisə kökündən yanlışdır. Belə olan tərzdə həm hakimiyyətin, həm də müxalifətin manevr imkanları azalır, tükənir, toplum da haqq edərək seyrçi mövqedə dayanmağa daha çox üstünlük verir. Son nəticədəsə qazanan siyasi hakimiyyətlər olur ki, dolayısı yolla bu qələbədə “real müxalifət”in ikinci oyunçu olur...

YAXŞI DEYİMDİR Kİ, siyasət naşı adamlar üçün ardı görünməz yuvadır. Bu gün bizim siyasi qüvvələrin fəaliyyətlərindəki əsas qayə əks tərəfin atdığı addımın ağına-bozuna baxmadan pislənilməsindən o yana keçə bilmir. Müxalifəti zəiflikdə, satqınçılıqda suçlayan hakimiyyət yetkililəri belə yönətilmədə məhz özlərinin iştirakçı qismində çıxış etmələrini unudurlar. Hakimiyyət yetkililərinin sağlam müxalifət qüvvələrini malik olduqları potensiallar çərçivəsində dəyərləndirə bilməmələri, yaxud dəyərləndirmək istəməmələri, eləcə də bu və ya digər problemlərdən doğan narazılıqları ört-basdır etmə cəhdləri sosial narazılıqları stimullaşdıran amillərdəndir. YAXUD, müxalif qüvvələrin hakimiyyəti hədəf götürərək az qala tezis formatını alan “Azərbaycanda inhisarçılıq və monopoliya mövcuddur” yanaşmasıyla çıxış etmələri onların fikirlərindəki paradoksallığı ortaya qoyur. Daha fərqinə varılmır ki,tez-tez sitat gətirdikləri elə həmin qərbli sosioloqlar da vurğulayırlar ki, monopoliya və inhisarçılıq ümumu inkişafı durmadan yüksələn xətt üzrə hərəkət edən ölkələrdə olur. Əgər elədirsə, onda nədən “dartma, yaxam cırıldı” deyib Qərbin Hürüşən İtlərini Azərbaycanın üstünə qısqırdırsınız, bəylər və xanımlar!?Yalanı cılızlaşdırıb belə aşağı səviyyəyə endirmək dövlətçiliyimizə münasibətdə sayğı göstərməməkdən irəli gəlir.

İctimai diqqəti başqa səmtə yönəltməklə özlərinə “”daha mübariz müxalifət” obrazı formalaşdırmaq istəyən, əslindəsə ADINI MİLLİLİYƏ SİĞƏ EDƏN ŞURAda təmsil olunan müxalif qüvvələr eyni düşərgədə təmsil olunduqlarıyla aralarındakı fikir ayrılıqlarını daha da dərinləşdirir, haçalanmanı hakimiyyətin istəyincə daha da genişləndirirlər. Hakimiyyətlə digər müxalif qüvvələrin davranışları arasında manevr etməyi özlərinə taktiki gediş olaraq seçən “Milli Şura”çıların siyasi arxivə qovuşmaq qorxusu var. Adı çəkilən bu qüvvələr atdıqları addıma fərqli yanaşma donu geyindirərək əllərində olan mətbu resurslarda gülünc bir şəkildə hakimiyyətə qarşı əzələ nümayişinin təqdimatını sərgiləyirlər. Və bu əzələ nümayişini Əli Kərimlinin modelində üzə çıxarırlar. Həm hakimiyyətin, həm də digər müxalif qüvvələrin mövqelərini əsas müzakirə predmetinə çevirib əks arqumentlə çıxış etməklə öz mövqelərini möhkəmləndirməyə çalışırlar. Sadə elektoratsa hər şeyi yaxşı görür. Yaşanılan tarixdən heç bir illüziya uydurmaq mümkün deyil və cəmiyyət utopik düşüncələrin əsiri deyil.

Yaranışlarında fərqli ideologiyalara söykənən siyasi qüvvələrin Milli Şurada təmsilçiliklərinin əsasında heç də səmimi münasibətlər deyil, birbaşa ümidsizlikdən doğan zorən birləşmə dayanır. Lüzumsuz yerə inad göstərməklə guya hakimiyyətin qarşısına “fakt” qoymağın özü əslində həmin qüvvələri pərvazlandıranlarin tələb etdikləri sübut-dəlildən başqa bir şey deyil. Əvəzi də siyasi mühitdə daha bir ömür yaşamaq üçün dəstək əldə etməkdir. Ortalıqda siyasi konsepsiya yoxdursa, mövsümi xarakter daşıyan birləşmələr milli, dövləti deyil, qrup maraqları çərçivəsində düzənlənən Bernardin istehzalarını belə arxada qoyan şoudur. Bu da özlüyündə seçkidən seçkiyə siyasi insult keçirən “real müxalifət”in girova çevrilmə düsturudur. Özlərini demokratiya fədaisi kimi göstərən, Iddialarıyla potensial göstəriciləri arasında tərs mütənasibliyin olduğu siyasi qüvvələrimizin tam əksəriyyəti boylarından yuxarı tullanmanı artıq özlərinin siyasi vərdişlərinə çeviriblər.

Hakimiyyətlə müxalifətin siması qismində hər iki tərəfdən ayrıca qüvvələrin ancaq öz fəaliyyətlərini qabartmaları müharibə şəraitində yaşayan məmləkətimizdə birgə fəaliyyəti tənzimləyəcək nəzəri prinsiplərin olmamasından irəli gəlir. Və bu, özlüyündə həmin siyasi qüvvələri fiaskoya apan yolun görüntüsüdür. PARLAMENT SEÇKİSİNƏ QATILMAMAQ əslində bu məmləkətdə sağlam cəmiyyətin formalaşmasına süni şəkildə yaradılan əngəllərdəndir. Həmin məsələdə kimlərinsə “ortaq mövqe”dən çıxış etməsi dolayısı yolla beynəlxalq təşkilatlar qarşısında ümumu güclə bağlı fon yaratmaqla qrantların mənimsənilməsinə yönəlib, heç də deyildiyi kimi hüquqi dövlət quruculuğu istiqamətində atılan addım deyil.

Atılan addımların məntiqi sonluğu olaraq cəmiyyəti nəyəsə təhrik etmək zəmanəsi artıq gedib. Əllərində səlahiyyəti olan siyasi qüvvələrimiz pay paylamırlar ki, özlərinə verilən paydan məhrum olarlar. Hakimiyyətə gəlmək, yaxud kiminsə hakimiyyətdən getməsi onun arzu və istəklərinin təminatçısı qismində qanunverici orqana seçdiyi millət vəkilinə QIR BASAN STATUSU verən xalqın marağında deyil. Çünki onları bu işə təhrik etmək istəyənlərin tam əksəriyyətinin arzu və istəkləri müqabilində payları ya üstə qoyulur, ya da alta. Seçki proseslərində mərkəz hücumçusu qismində meydana çıxan siyasi qüvvələrin aparıcı fiqurları yarma qaynadır, sadə elektoratsa yalın əllərini oynadır. Belə olan halda qaraya sabun heç nə edən deyil. Və min dənə qarıldayan qarğa olsun, atılan bircə dənə daş kifayət edir ki, bu quşlar öz sevimli qonaqlıq yerlərinin həmən tərk etsinlər.Faciələrimizə münasibətdə daha çox eksponsionist siyasət yürüdənlər qarşısında striptiz nümayiş etdirmək varlının torpağından keçən çaya, kasıbın torpağından keçən yola bənzər. Yoldan çıxmaq eyib deyil, ancaq yola gəlməmək eyibdir. Qaranlıqda halva yeyənlərin sirrini onsuz da Allah bilir.DÖVLƏTÇİLİYİMİZİN, MİLLƏTÇİLİYİMİZİN XATİRİNƏ, eyibinizi bilin, bəylər, eyibinizi!...

İGİD TEYMURLU

]]> true https://yenixeberorg.com/yazarlar/15669-kohne-suraxan-yardmllarna-duygusal-xtab.html Admin Yazarlar, İgid Teymurlu Wed, 30 Sep 2015 10:05:06 +0500

SİZİ AND VERİRƏM TƏK OLAN ALLAHIN ÖZ İZZƏTİ-CƏLALINA Kİ, BU YAZINI OXUYANADAN SONRA MƏNİ YAĞLA YAĞLAYIB, SARIMSAQLA DAĞLAMAYIN, GEDİN SIR DƏRRYAYA DAŞ ATIN

SİZİ AND VERİRƏM SIRIQ SEYİDLƏRİNİN MİZAN ƏLLƏRİ, TƏRƏZİ GÖZLƏRİ XATİRİNƏ!
SİZİ AND VERİRƏM HƏZRƏT ABBASIN DÜŞƏN QOLLARINA!
SİZİ AND VERİRƏM QƏTİYYƏN İSRAFÇILIĞA YOL VERMƏYƏN HÖKUMƏTİMİZİN KƏRAMƏTİ SAYƏSİNDƏ GÖZÜMÜZÜ DİKDİYİMİZ QƏPİKLƏRİ HATƏMİNİN DAL CİBİNƏ DOLDURARAQ GECƏ YATMAYIB. GÜNDÜZ OTURMAYIB HƏSRƏT DOLU YOLLARI QƏT EDƏRƏK QOVUŞDUĞUMUZ MƏŞHƏDDƏN ALDIĞIMIZ, ONLARIN GƏLİR MƏNBƏYİNƏ ÇEVRİLƏN KİTAYSKİ ÇƏRƏKƏ İLƏ ETDİYİMİZ ZİKRƏ!
SİZİ AND VERİRƏM NAMAZ QILARKƏN ALIN QOYDUĞUMUZ MÖHÜRÜ ƏLDƏ ETMƏK ÜÇÜN TORPAĞINI KİSƏYLƏ DAŞIDIĞIMIZ KƏRBƏLA ÇÖLLƏRİNİN ZÜLMƏT GECƏLƏRİNƏ!
SİZİ AND VERİRƏM DİZİN-DİZİN SÜRÜNƏRƏK ONA YETMƏYİ NƏZİR BOYUN ALDIĞIMIZ, İÇİNDƏ KİMİN BELƏ UYUMASINDAN XƏBƏRİMİZ OLMAYAN ABİDƏRDƏNİN NUR SAÇAN GÜNÜDÜZÜNƏ!
SİZİ AND VERİRƏM ŞAH QACARIN, ŞAH HADİRİN QIZILA BÜRÜDÜYÜ, SƏUD ÖVLADLARI OLAN VƏHABİLƏRİN DARMADAĞIN EDƏRƏK ÇAPIB TALADIQLARI İMAM HÜSEYN TÜRBƏSİNİN GÜNBƏZİNƏ!
SİZİ AND VERİRƏM "UÇAN İLANLAR"IN QORXUSUNDAN DAŞINA BELƏ TOXUNMAĞA CƏSARƏT ETMƏDİYİMİZ, HANSI ŞƏXSİYYƏTƏ BELƏ MƏNSUBLUĞU BİLİNMƏYƏN, DAŞLARINDA MİNİLLƏRİN TARİXİ GİZLƏNƏN ALÇABULAQ KƏNDİNDƏKİ TÜRBƏNİN YIXILIB YERDƏ QALAN SİRGİLƏ AĞACININ MÖCÜZƏSİNƏ, QORXUMUZDAN GÖTÜRMƏDİYİMİZ SINAN BUDAQLARIN GÖZLƏNTİSİNƏ!
SİZİ AND VERİRƏM ALNIMIZI SÜRTƏ-SÜRTƏ AĞAPPAQ ELƏDİYİMİZ ƏLİABADDAKI, ORA DEYİLƏN YERDƏKİ ƏLİ DAŞINA!
SİZİ AND VERİRƏM UCA PEYĞƏMBƏRİMİZİN SÜLH TƏKLİFİNƏ RƏDD CAVABI VERƏN SASANİ İMPERİYASININ YEKƏBAŞLARININ ƏRƏB XİLAFƏTİ QARŞISINDA RAM OLDUQLARI GÜNƏ!
SİZİ AND VERİRƏM 4-CÜ İMAMIMIZ ZENALABİDİNİN (R.A) QÜRBƏTƏ DÜŞƏN RƏHMƏTLİK ANASININ YURD, VƏTƏN SEBGİSİNƏ!
SİZİ AND VERİRƏM O MÖMİNƏ XATUNUN DƏDƏSİNİN YURDUNDA ÇATILAN OCAQ YERİNDƏKİ KÜLƏ!
SİZİ AND VERİRƏM NƏTİCƏ ETİBARİLƏ MOTİVİNDƏN ASILI OLMAYARAQ "BİZİ MURADIMIZA ÇATDIRAN" QURD YAĞINA, KECƏLƏ BEYNİNƏ!
SİZİ AND VERİRƏM İRANDA QUMa BATIB, VAXTİLƏ "İRAN" ADLANAN DÖVLƏTİN FƏXR ETDİYİ, İNDİSƏ BİLƏRƏKDƏN SUSUZLAŞDIRILAN URMİYA GÖLÜNÜN DİLİNDƏN SƏSLƏNƏN "VAVEYLA"NI DİNLƏYƏN QULAQ SEYVANLARIMIZIN TUTDUĞU RİTMƏ!
SİZİ AND VERİRƏM DUA-PİTİLƏRİYLƏ AZ QALA ƏZRAYILA BELƏ SAQQIZ ÇEYNƏTDİRƏ BİLMƏK İDDİASINDA BULUNAN QARA ƏBALI, AĞ ƏMMAMƏLİ, FEYZİ SAQQALDA GÖRƏN, FARSİ LƏHCƏSİNDƏ KONUŞMAĞI SAVAD MÜCƏSSƏMƏSİ SANAN MOLLALARIN ÖLÜLƏRİN ŞOTUNA DOLAN CİBLƏRİNİN DƏRİNLİYİNƏ!
SİZİ AND VERİRƏM XURAFATA, MÖVHUMATA, CƏHALƏTƏ, ZƏLALƏTƏ, MƏLALƏTƏ, ƏZİYYƏTƏ, KEYFİYYƏTSİZ KƏMİYYƏTƏ VƏ BÜTÜN BUNLARIN FONUNDA TƏQDİM ETDİYİNİZ XOŞ NİYYƏTƏ!
SİZİ AND VERİRƏM SİMSİZ aLƏTƏ!
SİZİ AND VERİRƏM "DƏRMANDIR" DEYƏ SEYİDLƏRİN AĞIZLARA "XIXX" ELƏYİB TÜPÜRDÜKLƏRİ LƏTə!
SİZİ AND VERİRƏM HƏCC MƏRASİMİ ZAMANI "MNOQOKRATNİ HACI"LARIN NİYYƏT EDİB KƏSDİRDİKLƏRİ, QANIN, BAĞIRSAĞIN İÇİNDƏ İYLƏNƏN ƏTə!
SİZİ AND VERİRƏM BE ZƏBƏR tƏyə, Ə ZƏBƏR TEYƏ!!!!!!!!!!!
BİR OLAN ALLAHA, BİR OLAN ALLAHA, BİR OLAN ALLAHA İ-NA-NIN!!!
MƏN SİZİ DEYİB GƏLMİŞDİM VƏ SİZƏ DEMƏYƏ GƏLMİŞDİM Kİ, GƏLMİŞDİM DEYƏM Kİ, qarDAŞ VƏ bACILARım HƏMD OLSUN UCA TANRIYA! NÖŞÜN Kİ, BİZƏ UĞRUNDA CAN QOYDUĞUMUZ MÜSTƏQİL DÖVLƏTİN VAROLUŞUNDA BİZLƏRDƏN ÖZ LÜTFÜNÜ ƏSKİK ETMƏYİB. VƏ YENƏ HƏMD OLSUN O ALLAHA Kİ, BU GÜN 50 MİLYONLUQ MİLLƏTİMİZİN SIĞINA BİLƏCƏYİ BİR DÖVLƏTİMİZ VAR VƏ BU DÖVLƏTİN KONSTİTUSİYASINDA BÜTÜN HÜQUQ, VƏZİFƏLƏRİMİZ SƏLİST BİR ŞƏKİLDƏ ÖZ ƏKSİNİ TAPIB. QANUNVERİCİ, İCRAEDİCİ ORQANIN, MƏHKƏMƏ HAKİMİYYƏTİNİN VƏZİFƏLƏRİ MÜƏYYƏNLƏŞDİRİLİB Kİ, ZAMANINDA BİZ VƏTƏNDAŞLARIN PROBLEMLƏRİ DƏ DƏRHAL HƏLL OLUNSUN. ÜZƏRİMİZƏ DÜŞƏN VƏZİFƏLƏR, MƏNƏVİ YÜK DƏ BÜTÜN QANUNLARDA ÖZ ƏKSİNİ TAPIB....
BELƏ OLAN HALDA ƏLİNDƏ BİR SƏLAHİYYƏTİ OLMAYAN KƏSDƏN NƏSƏ TƏLƏB ETMƏK, UMMAQ, UMDUĞUNU ƏLDƏ EDƏ BİLMƏYƏNDƏ, İFADƏMƏ GÖRƏ ÜZR İSTƏYİRƏM, ADAMA VEDRƏ BAĞLAMAĞIN YER ADLARINDAN, REKLAMLARDAN DA GÖRÜNDÜYÜ KİMİ YAD DİLLƏRDƏN ÇOX-ÇOX UCUZ TUTULAN ANA DİLİMİZİN ORFOQRAFİYASINDA ADI YOXDUR!..İNANMIRSINIZSA, DİLİMİZİN ORFOQRAFİYASINI BİR ƏT TİMSALINDA ZƏNN EDƏN DİLÇİ SÖZ SIRIYANLARDAN SORUŞUN!.
KÖHNƏ SURAXANIDA, QARAÇUXURDA, YENİ GÜNƏŞLİDƏ YAŞAYAN YARDIMLILARIN ƏKSƏRİYYƏTİNİN ŞƏXSİ MARAĞA SÖYKƏNƏN İNTƏHASIZ İDDİALARI FONUNDA AXI VƏTƏNDAŞ HƏMRƏYLİYİ PARTİYASININ SƏDRİ SABİR RÜSTƏMXANLI HANSISA BİR SƏLAHİYYƏTƏ MALİK DEYİL. BUNUN ÜÇÜN DÖVLƏT VAR, ƏZİZLƏRİM - VƏTƏNDAŞINA SAHİB ÇIXMAĞA BORCLU OLAN DÖV-LƏT!...
BELƏ DƏ ŞEY OLAR: MƏSƏLƏN, ADAMIN UŞAĞI HANSISA BÖYÜK SUÇ ÜSTÜNDƏ HƏBS OLUNUR.
RÜSTƏMXANLIDAN ONU HƏBSDƏN QURTARMAQ TƏLƏB OLUNUR!!!!
ƏR ARVADDAN, ARVAD ƏRDƏN BOŞANIR - BUNA PÜSTƏMXANLIDAN ÇIXIŞ YOLUNU TƏLƏB EDİRLƏR!!!!!
ASFALT. KANALİZASİYA, SU, QAZ, İŞIQ ÇƏKİLMİR, UNİVERSİTETİ BİTİRƏN GƏNCLƏR İŞLƏ TƏMİN OLUNA BİLMİR, ALINAN ƏMƏK HAQLARI DOLANIŞIĞI TƏMİN EDƏ BİLMİR, ADDIM BAŞI İNSAN HAQLARI POZULUR, DOLAYISI YOLLA SOSİAL NARAZILIQLARIN FORMALAŞDIRILMASI İSTİQAMƏTİNDƏ MƏMUR ÖZBAŞINALIĞI BAŞ ALIB GEDİR, KƏNDLƏRİN, REGİONLARIN ABADLAŞDIRILMASI ÜÇÜN DÖVLƏT BAŞÇISININ SƏRƏNCAMIYLA AYRILAN PULLARIN YERLƏRDƏ HARA XƏRCLƏNDİYİ BİLİNMİR - AİDİYYATI STRUKTURLAR QALIR BİR YANDA, BAƏLAYIRLAR DANIŞMAĞA Kİ, SABİR, SABİRİN PARTİYASI, ONUN PARTİYASININ TƏŞƏBBÜSÜYLƏ MİLLİ MƏCLİSƏ KEÇİRİLƏN SEÇKİLƏRƏ NAMİZƏDLİYİ İRƏLİ SÜRÜLMÜŞ ŞƏXS BƏS HARA BAXIR.
BƏLİ, HAQLISINIZ. ANCAQ SİZİN BU TƏLƏBİNİZ AİDİYYATI STRUKTURLAR QARŞISINDA ÖTƏN SEÇKİ MARAFONUNDA SƏS VERDİYİNİZ MİLLƏT VƏKİLİ TƏRƏFİNDƏN QALDIRILMALI VƏ HƏLLİNƏ NAİL OLUNMALI İDİ. DÖVLƏT BAŞÇISI ALQIŞLANASI BİR TƏRZDƏ VURĞULAYIR Kİ, MƏN BU XALQIN XİDMƏTÇİSİYƏM. ANCAQ SƏNİN YERLİ MƏMURLARIN, HAQQ SƏSİNİ YUXARI İNSTANSİYALARA ÇATDIRMAQDA YÜKÜMLÜ OLAN ŞƏXSLƏR ÖZLƏRİNİ BƏY KİMİ APARIRLAR. SƏN DƏ ƏVƏZİNDƏ VHP-Nİ, PARTİYANIN SƏDRİ SABİR RÜSTƏMXANLINI, VHP-NİN TƏŞƏBBÜSÜYLƏ MİLLİ MƏCLİSƏ SEÇKİLƏRƏ NAMİZƏDLİYİ İRƏLİ SÜRÜLƏN ŞƏXSİ SUÇLAYIRSAN. KİMDİR GÜNAHKAR?...
AMMA MÜƏYYƏN MƏNADA RÜSTƏMXANLININ DA GÜNAHI VAR. ƏN AZINDAN ƏGƏR ORTALIQDA BUNCA AQRESSİYA VARSA, DÜŞÜNMƏYİNƏ DƏYƏR. BÜTÖVLÜKDƏSƏ SABİR RÜSTƏMXANLI ZAMANINDA BƏXTİYAR VAHABZADƏ ÜÇÜN DEDİYİM VƏTƏNDAŞINA SAHİB ÇIXA BİLMƏYƏN VƏTƏN KATEQORİYASINA AİD OLAN TÜRK AYDINLARINDANDIR. VƏ BU KATEQORİYADAN OLAN İNSANLAR VƏTƏNLƏŞİBLƏR, SÖZÜYLƏ, YARADICILIĞIYLA VƏTƏNİN BİR PARÇALARIDIRLAR. GƏLİN BİZ DƏ BİR MİLLƏT OLARAQ BU VƏTƏNİMİZİ SEVƏK...
SİZİ AND VERİRƏM TANRI SEVGİSİNƏ, SİZİ AND VERİRƏM OĞUZ XAQAN ÖYGÜSÜNƏ SEVƏK VƏTƏNİMİZİ, MİLLƏTİMİZİ, DÖVLƏTİMİZİ. VƏTƏN "MƏN"DƏN BAŞLAYIRSA, ÖZÜMÜZƏ HÖRMƏT EDƏK, ÖZÜMÜZƏ QAYIDAQ, ÖZÜMÜZ OLAQ. ÇÜNKİ BİZ ÖZÜMÜZ OLANDA BÖYÜK OLURUQ.
SİZİ AND VERİRƏM İSTƏKLƏRİMİZİN, NİYYƏTLƏRİMİZİN ÇİN OLMASI ÜÇÜN SIRIQ SEYİDLƏRİNİN QAPILARINDA GÜNLƏRLƏ İŞLƏDİYİMİZ KEÇMİŞ ZAMANLARA, BÖYÜKLÜYÜMÜZ XATİRİNƏ İSTEHZALARA DÖZMƏYİ BACARIN!
AND OLSUN, ÖZÜMÜZ SÜDƏ, PENDİRƏ HƏSRƏT İKƏN QAPI-QAPI DİLƏNƏN "SEYİD"LƏRİN HƏYƏTİNƏ APARIB BAĞLADIĞIMIZ BALALI İNƏYİN BOYNUNA VURDUĞUMUZ İLGƏYƏ Kİ, İSTEHZALAR İNSANDA DAVRANIŞ GÖZƏLLİYİNİ FORMALAŞDIRIR. ONA GÖRƏ DƏ MƏNİM İSTEHZALARIMI SƏMİMİ QƏBUL EDİN Kİ, RƏHMƏTLİK MƏMİ KİŞİ SAYAQ GEDİB YEKƏ DƏRƏDƏ ÜÇKÜNC DUA-PİTİ YAZMAYIM....

P.S. AY KÖHNƏ SURAXANILI YARDIMLILAR. DURUN GEDƏK SABİR RÜSTƏMXANLININ YANINA - VHP-YƏ, GÖRƏK NÖŞ QOVURĞA QARIN DOYURMUR. VƏ NÖŞÜN BİZ YAZDA HƏRƏKƏT ELƏMİRİK Kİ, PAYIZIN 1 NOYABRINDA DA BƏRƏKƏTİNİ GÖRƏK.

İGİD TEYMURLU

]]>