AZ
RU
.png)
Prezident 3 sərəncam imzalayıb
Prezident Nuşirəvan Məhərrəmovla bağlı Sərəncam imzaladı
"Xeberinfo.com": Məlumata görə, Azərbaycan Respublikası Prezidenti İlham Əliyev Nuşirəvan Məhərrəmovun Azərbaycan Respublikası Milli Televiziya və Radio Şurasının üzvü təyin edilməsi haqqında Sərəncam imzalayıb.
Prezident Nuşirəvan Umud oğlu Məhərrəmovu 6 il müddətinə Azərbaycan Respublikası Milli Televiziya və Radio Şurasının üzvü təyin edib.
* * *
Röya Tağıyevaya “Şöhrət” ordeni verildi
Azərbaycan Respublikası Prezidenti İlham Əliyev Röya Tağıyevaya “Şöhrət” ordeni verilməsi barədə Sərəncam imzalayıb.
Prezident Konstitusiyanın 109-cu maddəsinin 23-cü bəndini rəhbər tutaraq, Azərbaycan dekorativ-tətbiqi sənətinin inkişafında xidmətlərinə görə Röya Seyfəddin qızı Tağıyevanı “Şöhrət” ordeni ilə təltif edib.
* * *
Prezident pensiya sərəncamı imzaladı
Azərbaycan Prezidenti İlham Əliyev əmək pensiyalarının sığorta hissəsinin indeksləşdirilməsi haqqında sərəncam imzalayıb.
Azərbaycan Respublikasının Dövlət Sosial Müdafiə Fonduna tapşırılıb ki, 2014-cü il üzrə istehlak qiymətləri indeksinə uyğun olaraq 2015-ci ilin 1 yanvar tarixinə bütün növ əmək pensiyalarının sığorta hissəsinin artırılmasını təmin etsin; fərdi uçot sistemində fərdi hesabların sığorta hissəsində toplanmış pensiya kapitalı məbləğlərinin indeksləşdirilməsini həyata keçirsin.
Nazirlər Kabinetinə bu sərəncamdan irəli gələn məsələləri həll etmək tapşırılıb. (azərtac)
