AZ
RU
Nüvə bombardmançıları Rusiya sərhədlərində -Şok anlar
Amerikanın “B-52H Stratofortress” strateji bombardmançısı cümə günü Baltik dənizi ərazisində Rusiya sərhədlərinə yaxın növbəti uçuş həyata keçirib.
Yenixeber.org: “İnterfaks” agentliyi xəbər verir ki, bu haqda aviasiya üzrə qərb monitorinq resurslarında bildirilir.
Məlumatlara görə, bombardmançı ABŞ-ın Luiziana ştatında yerləşən Barksdeyl təyyarə bazasından qalxaraq transatlantik uçuşdan sonra İngiltərənin üstündə keçib və Baltik dənizinə Almaniyanın hava məkanı üzərindən yollanıb.
Təyyarə təxminən 120 kilometr məsafədə Rusiyanın dəniz sərhədinə yaxınlaşıb və Rusiyanın hərəkət zonasında bir neçə dəqiqə olub. Təyyarə bundan sonra Böyük Britaniyadakı təyyarə bazası istiqamətində uçub.
Qeyd edək ki, “B-52H Stratofortress” strateji bombardmançısı nüvə qanadlı raketləri və təyyarə bombalarını daşıya bilir.
