AZ
RU
.png)
Millət vəkili Asiya Parlament Assambleyasının sədri ilə görüşüb
Millət vəkili Qənirə Paşayeva Asiya Parlament Assambleyasının prezidenti S.N.H.Bokhari ilə görüşüb.
"Xeberinfo.com": Millət vəkili Qənirə Paşayeva Asiya Parlament Assambleyasını və sədrini Ermənistana daha sərt təzyiqlərə çağırıb.
Asiya Parlament Assambleyasının son günündə millət vəkili Qənirə Paşayeva çıxış edərək təşkilatı və onun sədrini Ermənistana qarşı daha sərt təzyiqlərə və azərbaycanlı girovların azadlığı istiqamətində bir sədr kimi addımlar atmağa çağırıb. Ermənistanın apardığı etnik təmizləmə siyasəti, işğal etdiyi Azərbaycan torpaqlarında törətdiyi soyqıırmlar, vandalizm aktları, tarixi, mədən, dini abidələri, qəbirstanlıqları dağıtması, 1 milyon azərbaycanlı qaçqın və məcburi azərbaycanlı köçkünün evinə dönməsinə imkan verməməsi, əsir və girovlara qarşı törətdikləri vandalizm aktları və bu gün də iki azərbaycanlını Dilqəm Əsgərov və Şahbaz Quliyevi girov saxlamaqda davam etmələri kimi qeyri-insani əməllərdən danışan millət vəkili Qənirə Paşayeva Asiya Parlament Assambleyasını və təşkilatın sədri S.N.H.Bokharini Qarabağ problemi ilə bağlı Ermənistana qarşı sərt addımlar atmağa, təzyiqlər göstərməyə və girovların azad edilməsi üçün lazımı dəstəyi əsirgəməməyə çağırıb. Millət vəkili Qənirə Paşayeva Asiya Parlament Assambleyası Prezidentinə tanınmış modelyer Gülnarə Xəlilovanın hazırladığı Azərbaycan Milli Kişi Geyimini və Azərbaycan tarixi, mədəniyyəti, Qarabağ və Xocal Soyqırımı həqiqətlərini özündə əks etdirən kitab, film və materialları hədiyyə edib və Asiya Parlament Assambleyasının rəhbəri ilə fikir mübadiləsi zamanı ona Azərbaycanın inkişafı, görülən işlərlər bağlı geniş məlumatlar verib. Təşkilat ilə Azərbaycan arasında əməkdaşlığın getdikcə daha da genişlənməsindən məmnun olduğunu deyən Asiya Parlament Assambleyasının prezidenti S.N.H.Bokhari bildirib ki, Azərbaycanın ərazi bütövlüyü, Ermənistanın işğal etdiyi Azərbaycan torpaqlarını təcili azad etməsi, azərbaycanlı qaçqın və məcburi köçkünlərin təcili öz evlərinə dönməsinə imkan verilməsi, azərbaycanlı girovların azad edilməsi məsələsində hər zaman Azərbaycanın yanındayıq və beynəlxalq normalara əsaslanan bu prinsipial mövqe hər zaman davam edəcək və dəyişməyəcək. Görüşdə Asiya Parlament Assambleyası ilə Azərbaycan arasında əməkdaşlığın daha da genişləndirilməsinin vacibliyi ilə bağlı fikir mübadiləsi da aparılıb.
.jpg)
.jpg)
