O bildirib ki, ABŞ ölkənin cənub sərhədlərinə yaxın əyalətlərdə “sıfır tolerantlıq siyasəti” həyata keçirir. Belə ki, ABŞ ərazisinə qanunsuz olaraq keçməyə çalışan miqrantlar məhkəmə təqiblərinə məruz qalırlar ki, nəticədə onların azyaşlı uşaqları əllərindən məcburi şəkildə alınır.

“Ailələrin bölünməsi məhkəmədən kənar və ailə həyatına qanunsuz müdaxilə kimi qiymətləndirilir. Belə hal uşaq hüquqlarının ciddi şəkildə pozulmasıdır. Qorxutma və daşındırıcı vasitə kimi miqrantların həbsi və onların ailə üzvlərinin ayrı salınması insan hüququları sahəsindəki bütün prinsip və normalara ziddir. Uşaqların maraqları həmişə birinci yerdə olmalıdır – həm miqrasiyanın tənzimlənməsi, həm də digər inzibati tədbirlərdə. Bu mənada, ABŞ-da miqrant uşaqlarına effektiv qulluq və onların qorunması əvəzinə, miqrasiya sahəsində nəzarətin ön planda dayanması böyük narahatlıq doğurur”,– deyə BMT-nin rəsmisi vurğulayıb.

O, həmçinin bildirib ki, ABŞ miqrant siyasətini bilərəkdən kriminallaşdırmamalı, bu sahədə alternativ tədbirlərdən istifadə etməlidir.

Ravin Şamdasaninin sözlərinə görə, ABŞ dünyada yeganə ölkədir ki, indiyədək BMT-nin uşaq hüquqları üzrə Konvensiyasını təsdiqləməyib. BMT-nin İnsan Hüquqları üzrə Ali Komisarlığının rəsmisi Vaşinqtonu təcili surətdə uşaq hüquqlarına riayət etməyə çağırıb.

Qeyd edək ki, BMT-nin statistikasına əsasən, 2017-ci ilin oktyabrından etibarən ABŞ-ın cənubunda yüzlərlə uşaq məcburi şəkildə öz doğma ailələrindən ayrı salınıb.