AZ
RU
“Ərşad iki gündür beton üstündə yatır”
"Xeberinfo.com": “Ərşadın qaldığı kamera dörd nəfərlikdi, ancaq orada 8 nəfər saxlayırlar. İki gündür qardaşım beton üstündə yatır” - bunu həbs olunan jurnalist Ərşad İbrahimovun qardaşı Tariyel İbrahimov deyib. Ərşad İbrahimov hüquq müdafiəçisi Elçin Behbudov, Ombudsman Elmira Süleymanovanın onunla görüşməsini istəyir: “ərşadın saxlanıldığı kamera çox darısqaldı, çörək yemir. İki gündür beton üstündə yatır. İki dəfə mikroinfarkt keçirib. Mədət Quliyevdən xahiş edir ki, onun yerini dəyişsinlər. Gəncənin icra başçısı Elmar Vəliyevin göstərişi əsasında belə bir vəziyyətdə saxlanıldığını deyir. Onu da bildirdi ki, bu durum davam edərsə o heç iki həftə yaşaya bilməyəcək”.
Qeyd edək ki, Ərşad İbrahimov Kəlbəcər rayon Təhsil Şöbəsinin sabiq müdiri Məhəmməd Bağırovun müraciəti əsasında həbs olunub. Avqustun 13-də Gəncə Şəhər Məhkəməsinin qərarı ilə 11 il azadlıqdan məhrum olunub.
