Redaktor seçimi
Qarabağ Qazisi Abdin Fərzəliyevi "topa tutdu":
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
Günün xəbəri

Prezident NATO-nun baş katibini Azərbaycana dəvət etdi –FOTO

Prezident NATO-nun baş katibini Azərbaycana dəvət etdi –

 

Belçika Krallığında işgüzar səfərdə olan prezidenti İlham Əliyev noyabrın 23-də NATO-nun baş katibi Yens Stoltenberqin dəvəti ilə Alyansın mənzil-qərargahına gəlib

 

Yenixeber.org: Dövlət başçısı İlham Əliyevi NATO-nun baş katibi Yens Stoltenberq qarşılayıb.

Rəsmi foto çəkdirilib. Sonra Azərbaycan prezidenti ilə NATO baş katibinin görüşü olub.

Görüşdə Azərbaycanla NATO arasında uğurlu əməkdaşlığın həyata keçirildiyi bildirilib.

Yens Stoltenberq ölkəmizin qurumun Kosovo və Əfqanıstandakı sülhməramlı missiyalardakı iştirakını yüksək qiymətləndirib. NATO-nun baş katibi Azərbaycanın Əfqanıstana verdiyi dəstəyə görə minnətdarlığını bildirib. O vurğulayıb ki, Azərbaycanın Əfqanıstana yardımı genişləndirmək planı bu ölkənin iqtisadi inkişafına töhfəsini verə bilər.

Prezident İlham Əliyev NATO ilə əlaqələrimizin genişlənməsindən məmnunluğunu bildirib. Vurğulayıb ki, Azərbaycan Əfqanıstanda sülhməramlı əməliyyatlarda və bu ölkənin iqtisadiyyatının yenidən qurulmasında fəal iştirak edir.

Söhbət zamanı Azərbaycanın Ceyrançöl ərazisində NATO-nun minatəmizləmə əməliyyatlarına verdiyi dəstəkdən məmnunluq ifadə olunub. Əfqanıstana daşınan yüklər baxımından Azərbaycanın tranzit ölkə kimi əhəmiyyəti vurğulanıb.

Görüşdə qeyd edilib ki, Azərbaycanla Avropa İttifaqı arasında uğurlu əməkdaşlıq həyata keçirilir.

Söhbət zamanı Ermənistan-Azərbaycan, Dağlıq Qarabağ münaqişəsi barədə fikir mübadiləsi aparılıb, danışıqların hazırkı vəziyyəti və perspektivləri barədə məlumat verilib.

Regional məsələlərin də müzakirə olunduğu görüşdə prezident İlham Əliyev NATO baş katibini Azərbaycana dəvət edib. NATO-nun baş katibi dəvəti qəbul edib.

 

 


Facebook-da paylaş

Yeni xəbərlər

Reklam

Reklam