Alı Alıyev: “Bunun üçün hər birimiz üzərimizə düşən vəzifələri layiqincə yerinə yetirməliyik.

"Xeberinfo.com": Bu gün Füzuli rayon İcra Hakimiyyətinin başçısı Alı Alıyev, rayonun hüquq mühafizə  orqanlarının  rəhbərləri  Silahlı Qüvvələr günü   münasibətilə Şükürbəyli  kəndində, cəbhə  bölgəsində,  birbaşa  düşmənlə   üz-üzə mövqelərdə dayanmış, Müdafiə Nazirliyinin  «N»  saylı hərbi hissəsində xidmət edən əsgərvəzabitlərləgörüş    keçirmişdir.
          Görüş   zamanı  hərbi  hissə  komandanlığı  ilə  birlikdə  əvvəlcə  ön xəttdəki  səngərlərə  baş çəkilmiş,  burada  xidmət edən əsgərlərin xidməti vəziyyəti,  məişət  şəraiti  ilə  maraqlanıb,  əsgərlərlə  söhbətlər  aparılmış, onlara bayram sovqatları çatdırılmışdır.
Şəxsi heyət ilə keçirilən görüşdə çıxış edən rayon İcra Hakimiyyətinin Başçısı Alı Alıyev Silahlı Qüvvələr günü  münasibətilə əsgərləri təbrik etmiş, onlara çətin və şərəfli xidmətlərində müvəffəqiyyətlər  arzulamışdır.                                                                  
 Alı Alıyev bildirmişdir ki, hər bir azərbaycanlının ən böyük arzusu Ermənistan tərəfindən işğal olunmuş torpaqlarımızın azad olunması və bayrağımızın Dağlıq  Qarabağda dalğalanmasıdır:

     “Bunun üçün hər birimiz üzərimizə düşən vəzifələri layiqincə yerinə yetirməliyik. Mən inanıram ki, o gün uzaqda deyil və biz Ali Baş Komandan, Prezident Cənab İlham Əliyevin rəhbərliyi altında torpaqlarımızı işğaldan azad    edəcəyik”.                                                                                                                                  
        

      Alı Alıyev əsgərlərə Vətənimizin etibarlı müdafiəsi naminə nümunəvi xidmət və xoşbəxtlik   arzulamışdır.