Redaktor seçimi
Danışıq bitdi, Paşinyan yeni müharibə istəyir -
İranda nə baş verir: etiraz, yoxsa inqilab? -
“Ağazadə”lərin eyş-işrəti... — Ayətullahlar şiələrin pulunu hara xərcləyir? /
“Laçın dəhlizi” əməliyyatı: Bakı nəyə hazırlaşır?-
“Sumqayıt Tibb Mərkəzi” PHŞ-in Avtoparkında qanunlar belə işləyir -
Yaşamağa çatmayan yaşayış minimumu-
Dənizin və yolların işğalı : Saleh Məmmədovun “qudalar komandası” -
AAYDA Saleh Məmmədov - Əflatun Qasımov tandeminin girovluğunda:
Günün xəbəri

Polis Beynəlxalq Bankın ofisinə basqın etdi, axtarış gedir

Rusiya DİN-in Peterburq və Leninqrad vilayəti üzrə Baş İdarəsinin İstintaq İdarəsi iqtisadi təhlükəsizlik şöbəsi Azərbaycan Beynəlxalq Bankının Sankt-Peterburqdakı filialında apardığı axtarışın səbəbi məlum olub.

Xeberinfo.com:   Azərbaycan Beynəlxalq Bankının mətbuat katibi Yadigar Cəfərli virtualaz.org saytına açıqlamasında bildirib ki, hüquq-mühafizə orqanları əməkdaşları filiala keçmiş müştərilərdən biri haqqında bəzi sənədlərin əldə olunması məqsədilə gəliblər: “Hüquq-mühafizə orqanları istintaq gərəyi hərdən belə tədbirlər həyata keçirə bilərlər. Hazırda Peterburq filialı işləyir və fəaliyyətində heç bir problem yoxdur”.

*   *   *14:45

Bankın ofisində axtarışı Rusiya DİN-in Peterburq və Leninqrad vilayəti üzrə Baş İdarəsinin İstintaq İdarəsi iqtisadi təhlükəsizlik şöbəsinin əməkdaşları aparır.

Fontanka.ru portalına istinadən xəbərə görə, onlar ofisə Bakı vaxtı ilə saat 12 radələrində daxil olublar. Ofis Marat küçəs, 63 ünvanında yerləşir.

Hazırda bankın Peterburq filialının telefonları zənglərə cavab vermir, “bank-müştəri” qaynar xətti isə bağlanıb.

Beynəlxalq Bankın Moskva filialından isə bildiriblər ki, hazırda bankın Peterburqda, Marat küçəsində yerləşən ofisində maliyyə əməliyyatları aparmaq, o cümlədən pul köçürmələri həyata keçirmək mümkün deyil.

Bankdan telefon zənginə cavab verən əməkdaş bunu “rabitə problemi” ilə izah edib və bildirib ki, problem iki-üç günə aradan qaldırılacaq.

Azərbaycan Beynəlxalq Bankı onsuz da hazırda ağır böhran içindədir. Bankın keçmiş rəhbərliyinin sağa-sola səpələdiyi milyardlarla dollar kredit geri qayıtmayıb. Bu işlə bağlı bir sıra kredit oliqarxları və bankın keçmiş rəhbəri Cahangir Hacıyev həbs olunub.

Beynəlxalq Bankın Moskvadakı törəmə bankında da vəziyyət yaxşı deyil. Bankın göstəriciləri qaytarılmayan kreditlərə görə kəskin aşağı düşüb. Bu günlərdə bankın rəhbərliyi dəyişdirilib.

*   *   *14:34

Azərbaycan Beynəlxalq Bankının Sankt-Peterburqdakı şöbəsində hüquq-mühafizə orqanları xüsusi təyinatlı polisin dəstəyi ilə axtarışlar aparır.

Bu barədə “Life News” telekanalı xəbər yayıb.

Xəbərdə bildirilir ki, istintaq tədbiri pul vəsaitlərinin qanunsuz olaraq xaricə çıxarılmasına dair cinayət iş çərçivəsində aparılır.

Bildirilir ki, hüquq-mühafizə orqanları bu gün səhər saatlarında Azərbaycan Beynəlxalq Bankının Rusiyadakı törəmə bankı “MBA-Moskva”nın Sankt-Peterburq ofisinə basqın ediblər. Fontanka.ru axtarış əməliyyatının hələ də davam etdiyini xəbr verir. Xəbər yenilənəcək.


Facebook-da paylaş

Yeni xəbərlər

Reklam

Reklam