Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Qarabağın təbiət möcüzəsi: Şuşanın Çətir şəlaləsi buz bağlayıb -FOTOLAR

Yenixeber.org: “Şuşa şəhərindən çıxıb Daşaltı dərəsi ilə Daşaltı çayının sahili ilə üz tuturuq Çətir şəlaləsinə. Qarlı qış günündə Çətir şəlaləsinin yolu sadəcə bir cığırdan ibarətdir.
Qarabağ separatçılarının rəsmisi Lusine Qaraxanyan 44 günlük Vətən müharibəsindən sonra şəlalənin olduğu ərazini neytral zona sayıldığını açıqlayıb. Separatçı rejimin rəsmisinin açıqlaması bizi yolumuzdan etmir.
Yolboyu üzərində Cıdır düzü yerləşən sıldırım qayalıqda qədim yaşayış məskəni olan mağaraları görürük. Şuşa mağarasının qabağında və ətraf ərazilərdə antik dövrə aid qala divarlarının qalıqlarını görürük.
Təbii ki, Şuşa ərazisində qədim insanların 200-250 min il bundan əvvəl yaşamağa başlamaları və bu diyarın qədim sivilizasiya mərkəzlərindən biri olması elmi əsaslarla sübuta yetirilib.
1971-1975-ci illərdə Azərbaycanlı alim, paleontoloq, Azərbaycan paleontologiyası məktəbinin banisi, arxeoloq. Tarix elmlər doktoru, professor Məmmədəli Hüseynovun rəhbərliyi altında aparılan arxeoloji qazıntılar nəticəsində Şuşa şəhəri yaxınlığında, Cıdır düzünün aşağı hissəsində paleolit mədəniyyətinə aid qədim insan düşərgəsi aşkar olunub.
Yolumuza davam edirik. 4 km məsafəni piyada gəlib Çətir şəlaləsinə çatırıq.
Çətir şəlaləsi - Şuşa rayonunda Daşaltı dərəsində yerləşir. Çətirə bənzərliyinə görə Çətir Şəlaləsi adlanan şəlaləyə suyun yaratdığı nadir səsə görə “Şır-şır” şəlaləsi də deyilir. Şəlalə çətir şəklindədir. Ətrafından axan sular buz bağlayıb. İnsan özünü nağıl aləmində hiss edir. “Çətir”in altına yəni mağaraya daxil oluruq. Gözəllik insanı valeh edir. İnsan sadəcə nəfəsini çəkib saatlarla dayanıb tamaşa etmək istəyir. Yüz min illərdir ki, Şuşanın dağlarından qayalarından süzüb gələn su burdan da Daşaltı çayına tökülür.
30 ildən çoxdur ki, ermənilər bu təbiət möcüzəsinə “Mamrot Kar” və ya “Zontikner” deyirdilər. Həmin illərdə işğalçı rejim Qarabağın belə görməli yerlərinə maksimum turizm cəlb etməyə çalışıb. Xüsusilə Rusiya, Almaniya və Fransadan gələn turistlərə ərazinin Ermənistan ərazisi kimi təqdim edib”. (APA)


Qarabağın təbiət möcüzəsi: Şuşanın Çətir şəlaləsi buz bağlayıb - FOTOLAR





Facebook-da paylaş

Yeni xəbərlər

Reklam

Reklam