AZ
RU
Türkiyənin müdafiə naziri:"Ukraynadan 5 milyon tondan artıq taxıl ixrac olunub"
“Bu günədək 200-dən çox gəmi 5 milyon tondan çox taxılı Ukrayna limanlarından başqa ölkələrə çatdırıb”.
Yenixeber.org: Bunu Türkiyənin milli müdafiə naziri Hulusi Akar yüksəkrütbəli rəsmilərlə keçirdiyi toplantıda deyib.
Nazir bildirib ki, savaşın nəticəsi olaraq ortaya çıxan qida və enerji böhranı məsələsində Türkiyə fəal diplomatiya həyata keçirir: “İstanbulda əldə olunan “Taxıl razılığı” BMT-nin son illərdə imza atdığı ən böyük uğurlardandır”.
H.Akar söyləyib ki, iyulun 27-də fəaliyyətə başlayan Birgə Koordinasiya mərkəzi vasitəsilə Ukrayna limanlarındakı taxıl digər ölkələrə təhlükəsiz formada çatdırılır: “Türkiyə regionda və dünyada təhlükəsizliyi təmin edən bir ölkə kimi Ukrayna böhranında da ilk gündən etibarən təsirli və konstruktiv mövqe sərgiləyib".
