AZ
RU
İkinci Qarabağ müharibəsində əlil olmuş ermənilərlə bağlı məlumat -qismən açıqlanıb
Ötən ilin 27 sentyabrından Ermənistanda ikinci Qarabağ müharibəsində iştirak etmiş 457 nəfər əlilliyin müəyyən olunması üçün müvafiq orqanlara müraciət edərək müayinədən keçib.
Yenixeber.org: Ermənistan mətbuatı xəbər verir ki, bu barədə ölkənin Əmək və Sosial Məsələləri Nazirliyi məlumat yayıb.
Qeyd edilir ki, onlardan 368-i əlil kimi qeydiyyata alınıb.
"65 nəfər birinci qrup, 119 insan ikinci, 184 nəfər üçüncü qrup əlillik alıb”, - nazirlikdə bildirilib.
Cari ilin 10 fevralına qədər 66 nəfərin yuxarı və aşağı ətrafların protezlənməsinə ehtiyac var", - məlumatda əlavə olunur.
Qeyd edək ki, Ermənistanın Müdafiə Nazirliyi ikinci Qarabağ müharibəsində həlak olmuş və ya xəsarət almış hərbçilərin sayını hələ açıqlamayıb.
