Bu gündən Azərbaycanda yaşı 65-dən çox olan şəxslərin koronavirusa qarşı vaksinasiya olunmasına başlanılıb.

Yenixeber.org: Artıq bir neçə poliklinikada peyvənd olunmaq üçün müraciətlər var.

2 nömrəli Şəhər Poliklinikasından “Report”a bildirilib ki, səhər saatlarından başlayaraq vaksinasiya start verilib: “Artıq 5 nəfər sakin vaksin olunmaq üçün müraciət edib və onlara peyvənd vurulub. Vəziyyətləri yaxşıdır”.

Qeyd edək ki, yanvarın 18-dən etibarən Azərbaycanda COVID-19 infeksiyasına qarşı vaksinasiya prosesinə başlanılıb. Peyvəndləmə könüllü və dövlət hesabına aparılır.

1-ci mərhələ - Səhiyyə işçiləri;

Hüquq-mühafizə orqanları tərəfindən əks-epidemik tədbirlərə cəlb olunan heyət;65 yaşdan yuxarı şəxslər;

2-ci mərhələ - Tibbi cəhətdən yüksək risk qrupu (tənəffüs sistemi, hemodializ, şəkərli diabet, piylənmə kimi xroniki xəstəlikləri olanlar);

-50 yaş və daha yuxarı ən az bir xroniki xəstəliyi olan şəxslər;

-Təhsil və sosial sektorda çalışanlar, sosial müəssisələrdə daimi yaşayanlar, ASAN Xidmət və DOST mərkəzləri, ictimai nəqliyyat sektorunun, telekommunikasiya operatorları və provayderlərinin və poçt sahəsində birbaşa əhali ilə təmasda olan işçilərin və bank sektorunun birbaşa əhali ilə təmasda olan hissəsi;

-Yüksək riskli şəraitli işlərdə çalışan (cəmiyyətin fəaliyyəti üçün həyatı vacib sahələrdə çalışan – milli və regional təhlükəsizlik, ədliyyə, maliyyə və s.) şəxslər.