Bakı Slavyan Universitetinin (BSU) Çerniqov Milli Texnologiya Universiteti (ÇMTU) nəzdində fəaliyyət göstərən Azərbaycan Tədris-Mədəniyyət Mərkəzi adıçəkilən universitetin Maliyyə-iqtisad fakültəsinin iqtisadiyyatda informasiya sistemləri kafedrası ilə birgə dünya şöhrətli görkəmli alim, qeyri-səlis məntiq və kibernetika nəzəriyyəsinin banisi Lütfizadənin xatirsənə həsr edilmiş tədbir keçirib.

Tədbirdə Mərkəzin direktoru, ÇMTU-nun Maliyə -iqtisad fakültəsinin deknı, professor Marina Yevgeniyevna Yurçenko və iqtisadiyyatda informasiya sistemləri kafedrasının müdiri, professor Andrey Nikolayeviç Akimenko çıxış edərək alimin dünya elminə verdiyi töhfələrdən danışıblar.

İqtisadiyyatda informasiya sistemləri kafedrasının dosenti Natalya Vladimirovna Şaxovnina Azərbaycan –Ukrayna mənşəli görkəmli alimin həyat vəyaradıcılığı haqqında ətraflı məlumat verib.Tədbirdə Lütfizadənin müasir idarəetmə elminin əsasını təşkil edən və ən müasir diskret və rəqəmsal sistemlərin yaradılması texnologiyasına ciddi təsir edən fundamental nəzəriyyəsinin əsas nailiyyətləri təqdim edilib. Mərasimdə Çerniqov Milli Texnologiya Universitetinin birinci, ikinci, üçüncü kurs tələbələri və magistrantlar iştirak ediblər.