Ali məktəblərdə hazırlıq qruplarının yaradılması ilə bağlı qaydalar hazırlanıb. Nazirlər Kabineti tərəfindən təsdiq ediləndən sonra bu qruplar açılacaq

Yenixeber.org: Bu sözləri təhsil naziri Mikayıl Cabbarov jurnalistlərə açıqlamasında deyib.

Nazir bildirib ki, Prezidentin sərəncamına əsasən, bu istiqamətdə ümumi qaydalar Nazirlər Kabineti tərəfindən təsdiqlənməlidir. “Hazırlıq qruplarında tədrisin təşkili qaydaları hazırlanıb və təsdiqlənəndən sonra tətbiqinə başlanacaq. Bu qrupların hansı ali məktəblərdə, hansı ixtisaslar üzrə təşkil ediləcəyi növbəti mərhələdə bəlli olacaq. Hazırda Təhsil Nazirliyinin aidiyyəti şöbələri tərəfindən bu istiqamətdə işlər aparılır. Bu məlumatlar barədə ictimaiyyətə məlumata veriləcək”.

Nazir onu da vurğulayıb ki, bu il ali məktəblərə rekord sayda tələbə qəbulu olub və bu, orta qəbul planının artması ilə baş verib. “Yəni ali məktəbə qəbul olanların sayı tələbə sayının artımı meyarların aşağı salınması hesabına deyil, orta meyarın qorunması hesabına baş verib. Bu da o deməkdir ki, ildən-ilə ali məktəblərə daha hazırlıqlı tələbələr qəbul olur”.