Redaktor seçimi
Ramin Abdullayev hələ də cəzasız qalıb: Yuxarı instansiyalar cəza tədbiri görə bilmir? -
Cavanşir Feyziyevlə Ağalar Vəliyevin pulunu BALTA KƏSMİR: Amma nə olsun... -
Anar Əlizadə Abromoviçin də yaxtasını Türkiyədə gizlədib -
Saleh Məmmədovun "gözqamaşdıran" biznesi -
Kənd Təsərrüfatı Nazirliyinin rəhbərliyində "soyuq" savaş - Fəda Abbasov Sərvan Cəfərovla Elçin Zeynalova qarşı -
Emin Əmrullayevin menyusuna: Göyçay şəhəri 7№-li orta məktəbin öz qanunları var –
“Veysəloğlu”nun toz basmış vitrinləri…- Şirkətin sahibi Aydın Talıbov kimdir ? -
Goranboy Rayon Mədəniyyət Sektorunda İsax Məmmədov hakimi-mütləqliyi:
Günün xəbəri

Emin Əmrullayevin menyusuna: Göyçay şəhəri 7№-li orta məktəbin öz qanunları var –diplomsuz direktor müavini, “ailə podratı” və s. -YENİLƏNDİ

        Direktor müavini diplomsuz, xadimələri ali təhsilli olan məktəb də varmış...  

Yenixeber.org: Vəzifə sahiblərinin qohumbazlığı artıq təəccüb doğurmayacaq dərəcədə reallığa çevrilib. Hətta o dərəcədə ki, bunun əksi-hansısa səlahiyyət sahibinin qohumlarını, ailə üzvlərini “unutması” təəccüb doğura bilər. Təəssüf ki, bu acı reallıq təhsil müəssisələrindən də yan keçmir. Eyni ilə Göyçay şəhəri Nizami adına 7№-li tam orta məktəbdə olduğu kimi...

                              Bir oğurluğun izi ilə...

Redaksiyamıza Göyçay şəhəri Nizami adına 7№-li tam orta məktəbin həyətyanı sahəsindən dəmir boruların oğurlanması və bu hadisə ilə bağlı Göyçay Rayon Prokurorluğunda müvafiq araşdırmaya başlanılması haqda məlumat daxil olub. İlk baxışdan sıradan bir kriminal hadisə kimi görünsə də, bu olay müəyyən özəllikləri ilə fərqlənir, maraq doğurur. Hadisədə diqqət çəkən ilk məqam oğurluğun bir təhsil ocağına məxsus ərazidə baş verməsidirsə, digər vacib məqam bu olayda məktəbin təsərrüfat işləri üzrə direktor müavini Zərbəliyev Müşfiq Əsgər oğlunun adının hallanmasıdır...

Bu sahəyə Müşfiq Zərbəliyevin direktor müavini kimi və oğulunun da məktəbdə gözətçi kimi məsul şəxs olması olayda fokuslaşdırıcı faktlar sayılır. Ki, bu səbəblərdən də, müxtəlif ziddiyyətli məlumatlar dolanır...  

Amma, bu olayın ardınca Yenixeber.org-a Müşfiq Zərbəliyevlə bağlı daha da ilginc məlumatlar daxil oldu... Məlumata görə 26 ildən artıqdır ki, Göyçay şəhəri Nizami adına 7№-li tam orta məktəbin təsərrüfat işləri üzrə direktor müavini vəzifəsini icra edən Zərbəliyev Müşfiq Əsgər oğlunun nəinki ali təhsili, heç orta ixtisas təhsili belə yoxdur. Müşfiq müəllim həm də o qədər fərasət sahibidir ki, oğulu Kənan Zərbəliyevi və həyat yoldaşı Mayisə xanım Zərbəliyevanı da tabeçiliyində texniki işçilər kimi işlə təmin edə bilib... (Onu da qeyd edək ki, Kənan Zərbəliyev həm də rayondakı “Asfaltzavod”da işləyir(?) Red.)

 

Biz məlum qanun və prinsiplərə uyğun olaraq bu məlumatları ictimailəşdirmədən əvvəl- 09.04.2024-cü il tarixdə- aidiyyatı üzrə Göyçay Rayon Prokurorluğuna və Elm və Təhsil Nazirliyinin Mərkəzi Aran Regional Təhsil İdarəsinin müdiri Elçin Kərimova rəsmi məktub ünvanladıq.

Bizimlə telefon danışığında Göyçay Rayon Prokuroru hörmətli Ramin Hüseynov məktubumuzu aldığını və araşdırılıb, Baş Prokurorluğun Mətbuat Xidmətinin xətti ilə cavablandırılacağını bildirdi. Elə Mərkəzi Aran Regional Təhsil İdarəsindən də bənzər cavab aldıq: Göyçay Rayon Təhsil Sektorunun müdiri Rauf Məmmədov və Göyçay şəhəri Nizami adına 7№-li tam orta məktəbin direktor əvəzi Elza xanım Cavadova da məlumatların araşdırılıb, cavablandırılacağını bildirdilər. Təəccüb, həm də təəssüf doğuran həqiqət odur ki, bu günə qədər heç bir instansiyadan cavab ala bilməmişik(?)

Yalnız bizimlə telefon danışığında Elza xanım dəmir boruların rayon Qaz İstismarı İdarəsi tərəfindən çıxarıldığını bildirdi və Müşfiq Zərbəliyevin diplomsuz olduğunu, qeyd etdiyimiz ailə üzvlərinin də məktəbdə işlədiyini dolayısı ilə etiraf etdi...

Müşfiq Zərbəliyevi dinləmək istiqamətindəki cəhdlərimiz isə nəticəsiz oldu.

                           Susqunluq maddı maraqdan qaynaqlanan da...

Xatırladaq ki, 1360-dan çox şagirdin təhsil aldığı Göyçay şəhəri Nizami adına 7№-li tam orta məktəbin 200-ə yaxın işçi heyəti var. Bunlardan 32-si texniki işçilərdir, hansı ki, barəsində bəhs etdiyimiz Müşfiq Zərbəliyevin rəhbərliyi ilə çalışırlar. Yeri gəlmişkən, əldə etdiyimiz məlumatlarda texniki işçilər sırasında ali və orta ixtisas təhsil sahiblərinin olduğu da vurğulanır...

Təsəvvür edirsiniz, diplomsuz müdir və diplomlu heyət – xadimələr! Həm də, bir təhsil müəssisəsində bu reallığın acılıq dozası xəyal belə edilə bilməz.

Səhhətində ciddi problemləri olan, hətta əsa ilə hərəkət edən, təhsilsiz, vəzifəsində “öz qanunları”na üstünlük verən, küçə jarqonlarına həvəsli bir şəxsin indiyədək “gözdən-könüldən uzaq olması”, hətta himayə olunması belə hansı səbəblərdən qaynaqlanır? Bu vəzifədən ötrü ən azı müvafiq orta ixtisas təhsilinin vacib olmasını bilmirsinizmi? Əgər ali, yaxud orta ixtisas təhsili varsa, niyə diplomun surəti redaksiyamıza təqdim edilmir? Bu şəxsin vəzifəsindən sui-istifadə edərək oğulunu və həyat yoldaşını tabeçiliyində işlə təmin etməsi ilə bağlı məlumat niyə araşdırılmır? Məlum qanunlar qulaqardına vurularaq, bir media orqanının sorğusuna niyə cavab verilmir? Bu susqunluq hansı maraqlardan qaynaq alır? Və s.

Sözsüz ki, bu suallar Elm və Təhsil naziri cənab Emin Əmrullayevə və Mərkəzi Aran Regional Təhsil İdarəsinin müdiri Elçin Kərimova ünvanlanıb. Hörmətli Emin və Elçin müəllimlər, yadınıza salım ki, sizin hər ay dövlətdən aldığınız maaş qarşılığında vəzifə borclarınız var... Marağınız isə, təhsilin keyfiyyətini yüksəltməkdən başqa bir nəsnə olmamalıdır!

          Elçin Kərimov

Elçin Kərimovun kontoru isə xüsusi ilə başqa bir aləmdir: rəsmi bir yana, şifahi olaraq da, cavab almaq mümkünsüzdür(?) Ki, bu da ciddi şübhələrə yol açır!

Yazıda adları keçən şəxslərin cavab hqqını tanımaqla, mövzunu davam etdirməyə çalışacağıq.(Yenixeber.org)

         ***

Bu gün-07.05. 2024-cü il- saat 14:31-də redaksiyamızın elektron poçtuna Mərkəzi Aran Regional Təhsil İdarəsindən cavab daxil oldu.... Məlum qanun və prinsiplərə uyğun olaraq cavabı olduğu kimi dərc edirik:

Göyçay şəhər 7 nömrəli tam orta məktəbin həyətyanı sahəsindən dəmir boruların oğurlanması və təsərrüfat işləri üzrə direktor müavini Zərbalıyev Müşviq Əsgər oğlunun şübhəli şəxs qismində saxlanılması barədə “Yenixeber.org” informasiya portalından Mərkəzi Aran Regional Təhsil İdarəsinə daxil olmuş müraciətiniz araşdırılmışdır.
Bildiririkki,GöyçayşəhərN.Gəncəviadına7nömrəlitamortaməktəbin həyətyanı sahəsində olan dəmir borular və qazanxana binası “Azəristiliktəchizat” ASC-ninbalansındadırsözügedənavandanlıqlarhəminmüəssisəninəməkdaşları tərəfindən aparılıb.
Nəzərinizə çatdırırıq ki, Müşviq Zərbalıyev Göyçay şəhər N.Gəncəvi adına 7 nömrəli tam orta məktəbdə 26 ildən çoxdur ki, təsərrüfat işləri üzrə direktor müavini vəzifəsində çalışır və yuxarıda qeyd olunan vəzifənin tutulması tələbləri ən son olaraq 2017-ciil20dekabrtarixindətəsdiqedilmiş“Təhsilsahəsinəaidolanqulluqçu vəzifələrininVahidTarif-İxtisasSorğuKitabçası”naəsasəntənzimlənirhəmin sənədin hüquqi qüvvəsi sonrakı dövrə şamil edilir.
Həmçininbildiririkki,MüşviqZərbalıyevinoğluQüdrətZərbalıyevinhəmin məktəbdə 4 ildən çox gözətçi, həyat yoldaşı Mayisə Zərbalıyevanın isə kiçik xidmətedici işçi (xadimə) vəzifəsində 3 ilə yaxındır ki, çalışır və qeyd olunan işçilərin AR Əmək Məcəlləsinin müvafiq tələblərinə uyğun olaraq öz əmək funksiyaları və öhdəliklərini yerinə yetirə bilməmələri barədə Regional Təhsil İdarəsinə hər hansı bir məlumat daxil
olmamışdır.
Əlavə olaraq bildiririk ki, hazırda sözügedən müraciətinizdə qeyd etdiyiniz hallarla bağlı tərəfimizdən və eləcə də müvafiq orqanlar tərəfindən araşdırma aparılır.
Redaksiyadan: Dünən yazı dərc edildikdən sonra bu istiqamətdə müəyyən yeniliklər meydana çıxıb. Qarşıdakı günlərdə gərəkən araşdırmalarla bu yeniliklər də daxil, mövzunu davam etdirəcəyik. 

Facebook-da paylaş

Yeni xəbərlər

Reklam

Reklam