AZ
RU
Novruz çərşənbələrinin vaxtı açıqlanıb.
Yenixeber.org: AMEA-nın Şamaxı Astrofizika Rəsədxanasının elmi işlər üzrə direktor müavini Xıdır Mikayılovun verdiyi məlumata görə, ilk çərşənbə fevral ayının 26-na təsadüf edir.
“Fevralın 26-da su, martın 5-də od, martın 12-də yel, martın 19-da isə torpaq çərşənbəsi qeyd ediləcək”.
X.Mikayılov bildirib ki, astronomik təqvim üzrə martın 20-si bayram axşamı, 21-i isə bayram günüdür.
“Təbii ki, bu astronomik təqvimə görə belədir. Lakin xalqımız bayramı bir neçə gün qeyd edir. Bu il yaz fəsli ölkəyə martın 20-dən 21-nə keçən gecə saat 01:58-də gələcək. Həmin gün yaz gecə-gündüz bərabərliyi müşahidə ediləcək. Bundan sonra şimal yarımkürəsində yaz-yay fəsli, cənub yarımkürəsində payız-qış dövrü başlayacaq. Adətən, yaz gecə-gündüz bərabərliyi martın 20-21-nə, nadir hallarda 19-na təsadüf edir”.
