“2015-ci ilin iyun ayının 1-dən bu günə kimi (9 ay ərzində) nikaha girmək istəyən 107 min 500 şəxs müayinədən keçib və onların 6228 nəfərində talassemiya daşıyıcısı aşkar edilib. İl ərzində isə 180 min nəfərin müayinəsi nəzərdə tutulur”.

Xeberinfo.com:   Məlumata görə , bunu B. Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva deyib. 

Onun sözlərinə görə, son illər qan xəstəliklərinə yoluxanların sayı azalıb.

“Dünya statistikasına baxsaq, görərik ki, hər il leykozla xəstələnmə 100 min nəfərdən 9-13 nəfərdə aşkar edilir. Amerikada bu göstərici daha yüksəkdir. Orada 100 min nəfərə 30 xəstələnmə halı qeydə alınır. Bizdə isə hər 100 nəfərə 4-5 xəstələnmə halı düşür. Xəstəliyin aşkar olunması xəstəliyin artması demək deyil. Əslində şəraitin yaxşılaşdırılmasıdır ki, xəstəlik ilkin mərhələdə aşkarlanır ”-deyə Zöhrə Əlmirzəyeva bildirib. 

Direktor əlavə edib ki, 9 ay ərzində 71 nəfərdə QİCS, 328 nəfərdə isə sifilis xəstəliyi aşkarlanıb. Bu barədə müvafiq mərkəzlərə, həmin cütlüklərlə məlumat verilib.