AZ
RU
Samux Rayon Mərkəzi Xəstəxanasının 145 min manatlıq tenderinin adı var, özü yox.
Belə bir iddia Yenixeber.org-un elektron poçtuna daxil olan məlumatlarda yer alır. Sadalanan faktlardan belə məlum olur ki, təkcə bu il sözügüdən xəstəxana internet xidmətinə 4500 manat, dəftərxana mallarına nə az-nə çox 54000 manat, mühasibatlığın proqram təminatına 14160 manat, yumşaq invertar və geyim formalarına 16757 manat, elektrik qurğularında görüləcək işlərə 4252 manat, bir binanın cari təmirinə 51176 manat xərcləyib(?)
Nəzərə alsaq ki, hələ bu ilin yarı olmasına iki ay var, onda bu sıralamanın davamlı olacağını gözləməyə dəyər...
Təəssüf ki, hələ də bəzi səlahiyyət sahibləri dövlətin pulunu dədə malı kimi xərcləməkdə davam edir. Ümüd edək ki, çox keçməz Samux Rayon Mərkəzi Xəstəxanası da Hesablama Palatasının "yadına düşər".
Məlumatlarla bağlı Samux rayon Mərkəzi Xəstəxanasından açıqlama almaq mümkün olmadı.
Qeyd edək ki, 2023-cü ildən Samux rayon Mərkəzi Xəstəxanasının direktoru Loğman Hacı Bədllidir
.jpg)
