Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

 Mədəniyyət Nazirliyinin yarım milyonluq “Qarınqulu”su – Animasiya qalmaqalının arxasında kim dayanır?-DE-FAKTO


   

   Mədəniyyət Nazirliyinin “Qarınqulu” adlı animasiya layihəsi qalmaqala səbəb olub.
Yenixeber.org:  Azərbaycanda ilk animasiya serialı olan “Balta”nın prodüsseri Nicat Manafov layihənin korrupsiya mənbəyi olduğunu deyir. Onun sözlərinə görə, “Qarınqulu”nun maliyyə dəyəri yarım milyona yaxındır. Amma maraqlıdır ki, animasiyanın çəkilişi ilə bağlı tender elan edilməyib. Nazirlik layihənin icrasına bu sahədə ixtisaslaşmış şirkətləri cəlb etməkdənsə, animasiyanın çəkilişini “Salnafilm” studiyasına həvalə edib. “Salnaməfilm” Mədəniyyət Nazirliyinin tabeliyindədir. Studiya sənədli filmlər üzrə ixtisaslaşıb.
“Qarınqulu”nun heç bir tender keçirilmədən “Salnaməfilm”ə verilməsi layihənin korrupsiya mənbəyinə çevrilməsinə dair şübhələrə səbəb olub.
Bir həftədən artıqdır ki, bu mövzu sosial şəbəkələrdə müzakirə olunur. Nicat Manafov məsələ barədə çoxsaylı paylaşımlar edib. Lakin Mədəniyyət Naziriyi müəmmalı şəkildə susur.
“Salnaməfilm” studiyası Mədəniyyət Nazirliyinin tabeliyində fəaliyyət göstərir. Bu baxımdan, iddia edilə bilər ki, tenderə ehtiyac yoxdur. Məsələ burasındadır ki, “Salnaməfilm” studiyası animasiya çəkilişləri üzrə ixtisaslaşmayıb. Belə olsaydı, o zaman “Qarınqulu” animasiyasının çəkilişlərinə başqalarını cəlb etməzdilər”, – deyə Nicat Manafov bildirib.
Maraqlıdır ki, ilkin mərəhələdə layihə “AzanFilm” studiyasına verilib. Lakin sonradan “AzanFilm” layihədən imtina edib.
Bəzi iddialara görə, layihənin kuratoru Mədəniyyət Nazirliyinin kinemotoqrafiya şöbəsinin müdiri Rüfət Həsənovdur. Nicat Manafov da onda belə bir məlumatın olduğunu deyir. Lakin Rüfət Həsənov da hələ ki susur.
Nicat Manafovun fikrincə, layihənin tendersiz keçirilməsi büdcədən ayrılan vəsaitin qaranlıq məqsədlərə xərclənəcəyi barədə şübhələrə əsas verir: “Fikrimcə, büdcə dəfələrlə şişirdilib. Bu baxımdan da rəqabətə imkan verməyiblər. Ölkə üçün əhəmiyyətli bir layihənin başdansovdu icrası, “Qarınqulu”nun korrupsiya mənbəyinə çevrilməsi cəhdi yolverilməzdir. Hesab edirəm ki, layihə ilə bağlı tender elan edilməli və animasiya çəkilişləri üzrə ixtisaslaşan şirkətlərin satınalma müsabiqəsində iştirakı təmin olunmalıdır. Təəssüf ki, cənab Prezidentin çıxışlarında ictimai nəzarətin vacibliyini qeyd etməsinə baxmayaraq, bu layihə gizli formada icra olunur”.(reportyor.info)

Facebook-da paylaş

Yeni xəbərlər

Reklam

Reklam