Redaktor seçimi
Solovyovun hiddəti, Simonyanın “qeyrəti” və inildəyən əsgərlər – 
Azərbaycan xarici siyasətində yeni istiqamət:
Seymur Talıbovun bacanağı ilə bağlı sensasion iddia -
İranla nə baş verir, nə etməli? -
Danışıq bitdi, Paşinyan yeni müharibə istəyir -
İranda nə baş verir: etiraz, yoxsa inqilab? -
“Ağazadə”lərin eyş-işrəti... — Ayətullahlar şiələrin pulunu hara xərcləyir? /
“Laçın dəhlizi” əməliyyatı: Bakı nəyə hazırlaşır?-
Günün xəbəri

Volodinin Bakı səfəri -Dumadakı ermənipərəstlərin ağzı niyə yumulmur?

Pelosinin İrəvana səfərindən çox keçməmiş Rusiya Dövlət Dumasının sədri Azərbaycana gəldi, Zatulin və Milonov kimi deputatlar isə hələ də hürür - siyasətçilərdən etiraz

Yenixeber.org: ABŞ Nümayəndələr Palatasının spikeri Nensi Pelosinin İrəvana səfərindən çox keçməmiş Rusiya Dövlət Dumasının sədri Vyaçeslav Volodinin başçılıq etdiyi nümayəndə heyəti də Bakıya gəldi. “Yeni Müsavat” yazır ki, bu səfər iki ölkə arasında münasibətlərin normal axarda inkişafını göstərməkdədir. Duma sədri Fəxri Xiyabanı və Şəhidlər Xiyabanını ziyarət etməklə də bir ehtiram, hörmət nümayiş etdirdi. Lakin təəssüf ki, səfər ərəfəsində Volodinin rəhbərlik etdiyi Dumadakı deputatlar arasında yenə anti-Azərbaycan bəyanatları səsləndirənlər oldu.

Misal üçün? Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini, həmişə ermənipərəst olan Konstantin Zatulin sərhəddəki gərginlikdən sonra tələsik özünü İrəvana çatdırdı, Cermux şəhərində müşahidələr apardı. Erməni revanşistlərinin liderlərindən olan sabiq prezident Robert Köçəryanla görüşən  Zatulin Qarabağla bağlı qızışdırıcı və provokativ fikirlər səsləndirməyi də unutmadı: “Çətin vaxtlarda Ermənistana səfər etmək zərurətinə cavab verməyə bilməzdim. Azərbaycan və Türkiyə ermənilərdən və Ermənistandan Dağlıq Qarabağdakı soydaşlarından tam imtinanı gözləyir və bunu güc yolu ilə xatırladırlar. Sülh müqaviləsi və Ermənistan-Azərbaycan sərhədinin demarkasiyası 30 ildir beynəlxalq münasibətlərin gündəmində olan Dağlıq Qarabağın statusu problemini aradan qaldırmır”.

Volodinin səfəri öncəsi isə daha bir deputat, Rusiya Dövlət Dumasının hakim “Vahid Rusiya” Partiyasından olan üzvü, qatı ermənipərəst mövqeyi ilə tanınan Vitali Milonov Azərbaycana qərəzli münasibəti ilə “fərqlənmişdi”. Ermənistanın təxribatı səbəbindən sərhəddəki hərbi qarşıdurmaya özünün “Telegram” kanalında münasibət bildirən Milonov “dost ölkə”nin (Azərbaycanı nəzərdə tutur) “yenidən artsax xristianlarına qarşı müharibəyə başladığını” yazıb. Milonov baş verənlərə dini müharibə xarakteri verməyə çalışıb. Ötən il Milonov Xankəndinə qeyri-qanuni səfər etdiyi üçün onun adı Azərbaycana girişi qadağan olunan xarici vətəndaşlar siyahısına əlavə edilib. Amma o, bundan sonra da erməni mediasına müsahibəsində ölkəmizə və xalqımıza qarşı təhqiramiz münasibətlərini davam etdirib ki, buna hətta Azərbaycan XİN də etiraz edib, Milonovun açıqlamalarının dövlətlərarası münasibətli zədələdiyini bəyan edib.

Bəs hakim partiyanı da təmsil edən bu cür mövqeyə niyə Duma rəhbərliyi reaksiya bildirmir? Ermənipərəst Duma deputatlarının mövqeyi iki ölkə arasında münasibətləri zədələyirsə, niyə onların ağzı yumulmur?

Bu, gerizəkalılığın göstəricisidir" - Elşad Musayev

Elşad Musayev 

Böyük Azərbaycan Partiyasının (BAP) sədri Elşad Musayev qeyd etdi ki, görünür, Putin hər şeyə nəzarət edə bilmir, ölkədə müxtəlif qruplar “at oynadır: "Ona görə Milonov, Zatulin kimi adamlar əleyhimizə hürürlər. Sadəcə, hadisələr kəskin surətdə dəyişir, bu koordinal dəyişikliklərdən istifadə etmək zamanıdır. Söhbət Paşinyan komandasının və Ermənistanın Rusiyanı Amerikaya dəyişməsindən gedir. Belə vaxtda Volodinin Bakıya gəlişi təsadüfi deyil. Rusiya-Azərbaycan-Türkiyə münasibətlərini qorumaq lazımdır. Zatulin həmişə ermənilərin iti olub, buna fikir vermək lazım deyil, əksinə,  gözləmədiyimiz halda Rusiyanın Azərbaycana, bölgədəki proseslərə loyal münasibəti var, nəinki Fransa və Amerikanın... Ona görə müəyyən qədər səbirli olmaq lazımdır, həlledici dövrə qədəm qoymuşuq və təmkinli davranmalıyıq. Ermənilər Rusiyanı düşmən elan ediblər və bundan yararlanmalı, addım-addım irəli getməliyik. Qoy Milonov danışsın, Zatulin sərhədə gedib boşboğazlıq etsin, Azərbaycan diqqətli diplomatiya yürütməlidir, hədəflərinə çatmalıdır".

Fuad Əliyev Cozef Baydenin Azərbaycan Prezidenti İlham Əliyevə məktubuna  münasibət bildirib

Fuad Əliyev

Azərbaycan Liberal-Demokrat Partiyasının (ALDP) sədri Fuad Əliyevin fikrincə, Dumada ermənipərəst deputatlar Rusiyanın maraqlarını nəzərə almırlar. Partiya sədri hesab edir ki, həmin deputatlar sifarişi verənin əmrinə biət edirlər: “Bununla da Rusiya-Azərbaycan əlaqələrinə zərbə vurmaqla məşğuldurlar. Rusiyada Azərbaycan əleyhinə danışan telejurnalistlər də var, siyasətçilər də... Amma bizi daha çox Kreml rəhbərinin münasibəti maraqlandırmalıdır. Əgər Putin maraqlarımıza zidd bəyanatlar vermirsə, postmüharibə dövründə belə Azərbaycan əleyhinə hər hansı fəaliyyəti yoxdursa, biz buna fokuslanmalıyıq. Qoy Zatulin, Milonov kimilər danışsınlar, onlar bir neçə nəfərdir. Gəlin bizim xeyrimizə danışan rus ekspertləri, siyasətçiləri də qeyd edək. Bu gün Rusiyada Azərbaycandan çox, onlara müttəfiq olan Ermənistanı daha sərt tənqid edirlər. Ona görə Dumadakı bəzi üzvlərin yox, elə Duma sədrinin, Rusiya prezidentinin mövqeyinə diqqət yetirmək lazımdır”. F.Əliyev təklif edir ki, hər hansı deputatın fikrinə çox da həssaslıq göstərməyə dəyməz: “Duma üzvü rəsmi şəxs deyil, bəli, Zatulin hakim partiyanı təmsil edir, amma heç də dövlətin mövqeyi kimi qiymətləndirilə bilməz. Bu cür adamlara rəsmi səviyyədə reaksiya verməyin əhəmiyyəti yoxdur. Rusiyanın baş naziri Mixail Mişustin də Bakıya gələcək və bu səfərlərin intensivləşməsi, Moskva ilə əlaqələrin güclənməsi Qarabağda bir sıra məsələlərin də həllinə kömək edəcək. Eyni zamanda Ermənistan üzünü Amerikaya çevirməklə Rusiyadan qopmaq istəyir, buna nail olmayacaq və belə bir strateji mübarizədə üstünlük əldə etməliyik”.(musavat)

Emil SALAMOĞLU


Facebook-da paylaş

Yeni xəbərlər

Reklam

Reklam