NATO-nun baş katibi Yens Stoltenberq deyib: “Avropa İttifaqının əhalisinin  90 faizi NATO üzvü olan ölkələrdə yaşayır, amma Avropanı Türkiyə, ABŞ və İngiltərə qoruyur”.

Yenixeber.org: NATO-nun baş katibi Yens Stoltenberq Avropada Fransa Prezidenti Emmanuel Makronun təşəbbüsü ilə “Avropa müdafiəsinə muxtariyyət” istəyən liderlərə sərt bir ismarıc göndərib.  Avropa İttifaqının Avropanı müdafiə edəcək vəziyyətdə olmadığını və Aİ-nin ayrılmaq arzusu ilə NATO-nu zəiflətməməli olduğunu söyləyən Stoltenberq Avropanın ABŞ, Türkiyə və İngiltərə kimi “Avropa İttifaqının üzvü olmayan” dövlətlər tərəfindən qorunduğunu vurğulayıb.  Stoltenberq deyib: “Avropa İttifaqı əhalisinin 90 faizi NATO üzvü olan ölkələrdə yaşayır, lakin NATO-nun müdafiə xərclərinin yalnız 20 faizini ödəyir. Bu eyni zamanda coğrafiya məsələsidir. Təkbaşına bir Avropa, ya da təkbaşına bir Amerikaya inanmıram. Türkiyənin cənubda Suriya və İraq ilə sərhədləri var. Bu bölgələrin təhlükəsizliyini Türkiyə təmin edir. Qərbdə ABŞ, Kanada və İngiltərə Atlantik okeanının iki sahilini bir-birinə bağlayır”.