Redaktor seçimi
Qarabağ Qazisi Abdin Fərzəliyevi "topa tutdu":
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
Günün xəbəri

Hərbi hissənin tenderində qalib olan şirkət elandan 2 gün sonra yaranıb -DE-FAKTO

193 nömrəli hərbi hissə tərəfindən keçirilən tender müsabiqəsinin (Kotirovka sorğusu) qalibi “Pearl Light Suplier” MMC (VÖEN – 2007727161) olub.
Yenixeber.org: Açıqlanan rəsmi məlumatda 193 nömrəli hərbi hissənin bu MMC-dən avtomobillərin təmiri üçün ehtiyat hissələri satın alacağı göstərilib.

Satın alınacaq ehtiyat hissələri üçün hərbi hissə “Pearl Light Suplier” MMC-yə 44 min 955 manat ödəyəcək.
Tender müsabiqəsində diqqət çəkən məqam odur ki, 193 nömrəli hərbi hissə tender elanını 22.11.2022-ci il tarixində açıqlayıb. Tender elanı açıqlanan zaman “Pearl Light Suplier” MMC mövcud olmayıb. MMC elandan 2 gün sonra – 24.11.2022-ci il tarixində dövlət qeydiyyatına alınıb.
Xəbəri rus dilində oxuyun: В воинской части был проведен тендер - Компания-победитель создана ​​через 2 дня после объявления

Tender müsabiqəsindəki maraqlı məqam isə tələb olunan sənədlər arasında şirkətin analoji sahələr üzrə fəaliyyətinin olmasını təsdiq edən sənədin olmasıdır. Tender elanında qeyd olunur ki, qiymətləndirmə üçün malgöndərən tərəfindən təqdim ediləcək ixtisas göstəriciləri ilə bağlı sənədlərin formalarına uyğun “analoji xüsusiyyətli, həcmli mallar və davam etdirilən layihələr” iddiaçı tərəfindən doldurulmalı, rəsmi blankda çap edilərək imzalanmalı, möhürlənməli və skan edilərək PDF formatında Portalda (e-tender.gov.az) yerləşdirilməlidir.
Tender elanından sonra yaranan bir şirkətin analoji sahədə hansı təcrübəsinin olacağı və bu barədə tender komissiyasına hansı sənədləri təqdim etdiyi maraqlıdır.
"Dövlət satınalmaları haqqında" Qanunun 6-cı maddəsində də malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır.
Qeyd edək ki, “Pearl Light Suplier” MMC cəmi 2 manat  nizamnamə kapitalı ilə dövlət qeydiyyatına alınıb. Hüquqi ünvanı “Xətai rayonu, Polad Həşimov, ev 94/B, Döngə 2”-də yerləşən şirkətin qanuni təmsilçisi Yusibova Lütviyyə Şöyüb qızıdır.


A. Cəfərov (yeniavaz.com)

Facebook-da paylaş

Yeni xəbərlər

Reklam

Reklam