Redaktor seçimi
"Sumqayıt-Sərnişin" ASC-də  gəlir hara gedir?!-
Anar Kərimovun nazirlikdəki “Kurtlar vadisi” – Korrupsiyada ittiham edilən, 40 yaşında rejissor olan, “kseroks” aparatı işlədən –
Abel Məhərrəmovun biznes imperiyası və xanımlara milyonluq hədiyyələri-
Ərdoğanın Putin "kartı"-
Dövlət niyə kasıbları deyil, varlı məmurları qoruyur?-
Azay Quliyevlə bağlı SENSASİON FAKTLAR - Bir milyon manatlıq MAXİNASİYA -
Böhran modeli:
İmpulsiv rəisin həssas dönəmi - İslahatdan gizlənən Penitensiar sistem...-
Günün xəbəri

BNA-“Yol Xətt” MMC işbirliyi və Bakı küçələrində “yuyulan” 27 milyon manat-DE-FAKTO

 Bu ilin fevral ayının 7-də Prezident İlham Əliyev Bakı Nəqliyyat Agentliyinin Nazirlər Kabinetinin tabeliyindən çıxarılaraq Bakı Şəhər İcra Hakimiyyətinin tabeliyinə verilməsi barədə fərman imzalayıb.

Yenixeber.org: Qərarın sərnişindaşıma və taksi xidmətlərinin təkmilləşdirilməsi, bu sahədə idarəetmə sisteminin yaxşılaşdırılmasının vacibliyilə əlaqədar qəbul edildiyi bildirilir. Prezidentin fərmanında Bakı Nəqliyyat Agentliyinin yenidən formalaşacağı, yeni nizamnamə və əsasnamə hazırlanacağı vurğulanır.

BNA-da baş verən struktur dəyişikliyindən dörd ay keçsə də, qurumun fəaliyyəti əvvəlki formada qalmaqda davam edir. Daha doğrusu BNA əvvəllər sifarişçi olduğu dəyəri milyon manatlarla ölçülən tenderlərdə kimi qalib edirdisə, yenə də həmin təşkilatlar qalib elan edilir.

Qlobal.az xəbər verir ki, Bakı Nəqliyyat Agentliyi cari ilin iyun ayının 30-da “Bakı şəhərinin inzibati ərazisində (prospekt və küçələrdə) “Yol xətlənməsi (ağ və sarı xətlərin çəkilməsi) işləri”nin satınalınması” (TƏKRAR ELAN) lotu üzrə sifarişçi olduğu daha bir tenderə yekun vurub.

Bu tenderin məbləği 5.677.250 manat, qalibi isə “Yol Xətt” Məhdud Məsuliyyətli Cəmiyyətidir (MMC).

“Yol Xətt” MMC Bakı Nəqliyyat Agentliyinə heç də yad olan təşkilat deyil. Belə ki, yuxarıda da qeyd etdiyimiz kimi uzun illərdir BNA-nın sifarişçi olduğu smetası miyonlarla ölçülən tenderlərdə “Yol Xətt” MMC qalib elan edilməkdədir:

Sifarişçi təşkilat Tenderin predmeti  Tenderin smetası  Qalib təşkilat  Tarix
 Bakı Nəqliyyat Agentliyi  Yol nişanları və dirəkləri, sürət məhdudlaşdırıcı süni maneələr, məlumat lövhələri və dirəkləri, tənzimləyici nəqliyyat güzgülərinin alınması və quraşdırılması xidməti  4.779.364  “Yol Xətt” MMC  19.05.2020
 Bakı Nəqliyyat Agentliyi  Yol xətlənməsi (ağ və sarı xətlərin çəkilməsi) işləri  5.556.976  “Yol Xətt” MMC  10.06.2020
 Bakı Nəqliyyat Agentliyi  Bakı şəhərinin inzibati ərazisində (prospekt və küçələrdə) “Yol xətlənməsi (ağ və sarı xətlərin çəkilməsi) işləri”nin satınalınması (TƏKRAR ELAN)  5.677.250  “Yol Xətt” MMC  30.06.2022

Siyahıdan da göründüyü kimi, Bakı Nəqliyyat Agentliyi ilə “Yol Xətt” Məhdud Məsuliyyətli Cəmiyyətinin işbirliyi hətta Covid-19 pandemiyasının ən sərt dönəmlərində də davam edib.

Son iki ildə Agentlik ilə “Yol Xətt” MMC-nin arasında imzalanan üç tenderin ümumi məbləği 16 milyon manatdan artıqdır.

Bakı Nəqliyyat Agentliyi yolların nişanlanması üzrə işlərin podratçısı qismində cəlb etdiyi “Yol Xətt” MMC ilə 2017-ci ildə ümumi məbləği 4 mln. 843 min 923,6 manat olan iki, 2018-ci ilin sentyabr ayında isə “Yol Xətt” MMC ilə yol xəttlərinin çəkilməsi predmeti üzrə dəyəri isə 6 245 674 manat olan daha iki müqavilə imzalayıb.

Agentlik ilə “Yol Xətt” MMC arasında imzalanan tenderlərdə ümumi məbləğ 27 milyon manatdan artıqdır.

                            Dövlət Agentliyin “Yol Xətt” MMC “sevdası”

BNA-nın sifarişçi olduğu 27 milyon manatlıq tenderlərdə qalib elan edilən “Yol Xətt” Məhdud Məsuliyyətli Cəmiyyəti 2006-cı ildə dövlət qeydiyyatına alınıb. Nizamnamə kapitalı 200 manat olan təşkilatın hüquqi ünvanı Binəqədi rayonu, 11-ci dağlıq, 3105-ci məhəllə, qanuni təmsilçisi isə Həsənov Zaur Mail oğludur.

Təkcə Bakı Nəqliyyat Agentliyi ilə 27 milyon manatlıq tender müqaviləsi imzalayan “Yol Xətt” MMC-nin fəaliyyəti haqqında informasiya verən web saytı yoxdur. Şirkət facebook səhifəsində isə sifarişə əsasən yol nişanlarının satışı və quraşdırılmasını həyata keçirdiyi elan edir. “Yol xətt” MMC həmçinin digər paylaşımlarında Dövlət Bayraq Meydanı ətrafında, Xətai rayonunun Zeytun küçəsində və Zəngilan rayonunun Ağalı kəndinin küçələrində rəngləmə işlərini apardığını qeyd edir.

                      İstifadə olunan boyalar keyfiyyətsizdir?

Bakı şəhərinin küçələrinə çəkilən rənglərin tez silinməsi barədə mediada dəfələrlə yazılar dərc edilib. Lakin bu vaxtadək heç bir aidiyyatı qurum yollara vurulan rənglərin nə üçün tez solduğu, silindiyi barədə olan suallara aydınlıq gətirməyib.

Gecələr yollardakı xətlərin avtomobil işıqlarında əks olunmaması və yağışdan sonra çürüməsi yollarda istifadə olunan boyaların normativlərə cavab verməməsi barədə iddialar yaradır.

Qeyd edək ki, Avropa ölkələrində, qonşu Gürcüstan və İranda son zamanlar yolların rənglənməsində daha çox fosforlu boyalardan istifadə edirlər.

Bakı Nəqliyyat Agentliyi və “Yol Xətt” MMC ictimaiyyətə indiyədək paytaxt yollarına vurulan boyaların markası, tərkibi, keyfiyyət göstərici və rənglənən xətlərin ümumi hesabatını təqdim etməyib.


Facebook-da paylaş

Yeni xəbərlər

Reklam

Reklam