Koronavirus infeksiyasının yayılmasının qarşısının alınması məqsədilə toy məclislərinin müvəqqəti təxirə salınması şou-biznes nümayəndələrini işsiz qoyub. Bu boşluqdan istifadə edənlər özlərini başqa sahələrdə sınamağa başlayıblar.

Yenixeber.org: Sənət adamlarının bir qismi isə bloqqerliyə keçiblər. Bu ərəfədə "food blogger" olan sənət adamları kimlərdir?

Müğənni Sevda Sanəliyevanın əvvəl şirniyyat biznesi var idi. Müğənni özü bişirib, satırdı. Bir ara işlərinin çoxluğundan ifaçı biznesini bağlamışdı. Karantin dövründə isə Sevda yenidən şirniyyatlar bişirib, bölüşməyə başladı. Bu dəfə isə müğənni "Youtube" kanalı da açıb. Hazırladığı salat, yemək və şirniyyatları izləyiciləri ilə bölüşən sənətçi "food blogger"liyə başlayıb.

 

Müğənni Xatirə İslam da bu günlərdə yemək bişirmək həvəsinə düşüb. Sənətçi hətta özü üçün İnstaqram səhifəsi açaraq "Xatirənin yeməkləri" adını qoyub. "Tezliklə yemək rubrikalarım olacaq. Öz yeməklərimi bölüşəcəm" deyə, Xatirə paylaşımında yazıb.

 

Yemək bişirmək sevdasına düşən digər məşhur isə aktrisa-aparıcı Xuraman Əlizadədir. Sənətçi hər gün piroqlar, müxtəlif tortlar bişirərək video çəkib paylaşır.