Liza Mari Presli əfsanəvi musiqiçi ailəsinin ürək xəstəliyindən ölən ilk üzvü olmaqdan uzaq idi. Rok-n-roll kralının özü cəmi 42 yaşında, anası Qledis isə 46 yaşında ürək çatışmazlığından vəfat edib.

Bu barədə “Yenixeber.org”  tsn.ua-ya istinadən məlumat verir.

Qledisin üç qardaşı var idi, hər biri də qırx yaşında ürək çatışmazlığından və ya ağciyər ağırlaşmalarından həyatla vidalaşıb

Elvis Preslinin tərcümeyi-halı: Gənc yaşda vəfat etmək Elvisin qədərində var idi. Elvisin, anası və əmisinin ölümləri bir-birləri ilə əmioğlu olan Elvisin ana tərəfdən nənə və babalarının gen evliliyindən qaynaqlanan genetik qüsurdan qaynaqlandığı  iddia edilir.

Tibbə görə, bu, alfa-1 antitripsin çatışmazlığı idi ki, bu da ağciyərlərə və qaraciyərə zərər verən və digər sağlamlıq fəsadlarına səbəb olan genetik xəstəlikdir. Ehtimal olunur ki, bu, Elvisin ana nəsli idi və onilliklər boyu vərəmdən əziyyət çəkən nənəsi Doll Manselə gedib çıxır.

Elvisin anası Qledis Preslinin ölümü

Bir çox Elvis Presli pərəstişkarı onun ailəsinin Kennedilər sülaləsi kimi lənətləndiyinə inanır və Liza Marinin qəfil və erkən ölümü bu nəzəriyyəni daha da gücləndirir.

Elvis Presli 1935-ci ildə yoxsul Missisipi ailəsində anadan olub və onun həyatı əvvəldən faciə ilə yadda qalıb. O, dünyaya gəlməzdən 35 dəqiqə əvvəl əkiz qardaşı Cessi ürək döyüntüsü olmadan dünyaya gəlib. Ana Qledis həmişə Elvisə böyük işlər görəcəyini söyləyirdi. Onun sözlərinə görə, əkizlərdən biri öləndə sağ qalan uşaq digərinin bütün əlavə keyfiyyətləri ilə böyüyür.

Qledis və əri Vernon yoxsulluq içində yaşayırdılar. Qadın hamilə qalanda ailənin həkimlərin xidmətinə və tibbi xidmətə, həmçinin xəstəxanada doğuşuna imkanı yox idi. Həkimi yalnız fəsadlar yarananda, qanaxma başlayanda və uşaqlardan birini xilas etmək mümkün olmayanda çağırılıb.

Cəmi bir neçə ay doğuşdan sonra Qledis tikiş fabrikindəki işini atıb pambıq yığmağa gedib. İş çətin idi, amma oğlunu həmişə özü ilə apara bilərdi. Qledis həmişə oğlu üçün narahat idi, onu itirməkdən qorxurdu. Bir gün oğlan xəstələndi və əri Vernon ilə sözün əsl mənasında diz çöküb uşağın sağalması üçün çarpayısının yanında dua etdilər. Qızdırma nəhayət azaldıqda, Qledis bunun Tanrıdan gələn bir mesaj olduğuna əmin oldu və onun oğlunun həqiqətən özəlliklərə malik olduğunu sübut etdi. Beləliklə, məlum oldu ki,  dünya səhnəsində ən parlaq ulduz meydana gəlir.

Artıq yetkin yaşda olan oğlundan ayrılmaq Qledis üçün ağrılı idi. Xarici dünya onu qorxutdu və uğurları artdıqca qorxuları da artırdı. Elvis, həkimin ona verdiyi bir növ amfetamin həblərini almağa başladığını və onun əsəbi, hiperaktiv olduğunu görürdü. Anam həmişə qaçıb evi yığışdırırdı. Daha sonra qadın spirtli içkilərə aludə olub. Qledisin səhhətinin qəfil pisləşməsi və narkotik maddələrdən istifadə etməsi onun 46 yaşında ürək çatışmazlığından ölümünə səbəb oldu. Bəziləri onun ürək damarında   qüsur olmasından öldüyünü söyləyirdi.

Qledisin ölümünün uzun müddət alkoqol qəbulu səbəbiylə qaraciyər problemlərindən qaynaqlanan hepatitlə əlaqəli olduğu bildirilir. Qledisin üç qardaşı var idi, hər biri də qırx yaşında ürək çatışmazlığından və ya ağciyər ağırlaşmalarından ölüb.

Elvisin atası Vernon oğlunun ölümündən iki il sonra, 1979-cu ilin iyununda infarktdan sonra 63 yaşında vəfat etdi. O, ikinci arvadı Dee ilə Graceland Manorda yaşayırdı.

Elvis Preslinin ölümü

Elvis gələcək həyat yoldaşı Priscilla ilə 14 yaşında tanış olub və 22 yaşında evləniblər. Bu, bədbəxt bir nikah olsa da, ona sevimli qızı Liza Marini gətirdi. 16 avqust 1977-ci ildə Elvisin cansız cəsədini hamamın döşəməsində tapanda  Liza Marinin cəmi doqquz yaşı vardı.

Elvis də anası kimi səhnədə ona enerji verən həblər qəbul etməyə başlayır. Cəsədin yarılması göstərdi ki, ölümün bilavasitə səbəbi ürək dayanması olub və Preslinin ölümündə narkotiklərin heç bir rolu olmayıb. Yarılma aparan patoloqlar, məsələn, onun diş həkimindən (əvvəlki gün ziyarət etdiyi) qəbul etdiyi və allergiyası olduğu bilinən kodein tabletlərinin səbəb olduğu anafilaktik şok keçirməsini mümkün hesab edirdilər. İki ay sonra təqdim edilən bir cüt laboratoriya hesabatı, polifarmiyanın (bir reseptdə çoxlu dərmanların qarışdırılması) əsas ölüm səbəbi olduğunu qəti şəkildə irəli sürdü. Bir hesabatda Elvisin orqanizmində əhəmiyyətli miqdarda on dörd dərman olub.

Elvisin yeganə qızının ölümü

Elvisin ölümündən 46 il sonra onun qızı Lisa Maria da bir müddət narkotik maddə qəbulundan sonra ürək tutmasından öldü. Keçmiş əri Beverli Hillsdəki Qızıl Qlobus mərasiminə qatıldıqdan bir neçə gün sonra iki uşağı məktəbdən evə gətirən zaman o, evdə huşsuz vəziyyətdə tapılıb.

Son illərdə qadının 2020-ci ildə baş verən oğlu Benjamin Kionun faciəli intiharının öhdəsindən gəlmək üçün mübarizə apardığı bildirilir.

 Tərcümə etdi: Səadət Sultan