Yenixeber.org: Keçmiş ekologiya və təbii sərvətlər naziri Hüseynqulu Bağırovun ailə üzvlərinin İngiltərə, Almaniya, Çexiya, Latviya, Kipr və İtaliyadan başqa Türkiyədə daha iki şirkətinin fəaliyyət göstərdiyi məlum olub. Bu haqda araşadırmaçı jurnalist Cavanşir Həsənli fb səhifəsində yazıb: 
"STAMİNA İNŞAAT TAAHHÜT DIŞ TİCARET LİMİTED ŞİRKETİ 2011-ci il yanvarın 25-də sabiq nazirin xanımı LİANA BAĞIROVA, qızı SEVİNC BAĞIROVA, oğlu LƏTİF BAĞIROV, bacıları DÜRİYYƏ NURİYEVA və ALİYƏ NURİYEVA-nın şərikliyi əsasında İstanbul Ticarət Odasında qeydiyyatdan keçib.
Şirkətin nizamnamə kapitalı 50 min lirədir. Hossələrin 35 faizi Liana Bağırovaya, 35 faizi 30 faizi isə hər birinə 10 faiz bölünməklə Düriyyə Nuriyevaya, Lətif Bağlrova və Aliyə Nuriyevaya aiddir.
ARMADA TARIM VE ÇEVRE MÜŞAVİRLİK İNŞAAT SANAYİ TİCARET LİMİTED şirkəti 2012-ci il fevralın 9-da İstanbul Ticaret Odasında 505785 saylı lisenziya ilə qeydiyyatdan keçib. Şirkətin hüquqi ünvanı kimi Bağırovlar ailəsinin Istanbul, Ataşehir Barbaros M. Dereboyu Cd. Ihlamur Sok. Uphill Towers A1 Blk. D.151-dəki mənzili göstərilir. Şirkətin təsisçiləri Bağırovlar ailəsinin Türkiyədəki digər ailə şirkəti olan STM Turizm Otelcilik İnşaat Limited Şirketinin təmsilçisi qismində keçmiş nazirin bacısı DÜRIYƏ NURİYEVA, Hüseynqulu Bağırovun oğlu LƏTİF BAĞIROV-dur.
Maraqlıdır ki, şirkət Türkiyədə qeydiyyatdan keçməzdən əvvəl, yəni 2011-ci ilin iyununda onun Azərbaycanda Vergilər Nazirliyi Bakı Şəhəri Lokal Gəlirlər Baş İdarəsində nümayəndəliyi Nigar Tofiq qızı Məmmədovanın qanuni təmsilçiliyi ilə rəsmi qeydiyyatdan keçib. Bağırovlar ailəsi bir yana, Vergilər Nazirliyinin bu saxtakarlığa necə qol qoyması maraqlıdır.
Bağırovlar ailəsinin ölkə xaricindəki digər şirkətlərini bir daha diqqətinizə çatdırıram.