“Azərbaycanın Fətulla Gülənçiləri” kitabı İstanbulda çapa hazırlanır

Xeberinfo.com: Çoxumuz ətrafımızda nə baş verdiyini hələlik, anlamırıq. Məsələn Türkiyə Cümhuriyyətinin Azərbaycandakı səfiri etiraf edir ki, (əsası olmayan etiraf) Azərbaycanda “FETÖ” terroruna meylli olanların “belini sındırdıq...”

Amma Azərbaycanda “FETÖ”çuların nə beli sınıb, nə də bir başqa yeri. Diplomat Erkan Özoral səhv edir və cəmiyyətə yanlış məlumat verib.

Cənab səfir! Deyin görək “FETÖ”çulardan kimi tanıyırsınız ki, onun burnu qanıyıb...?

Azərbaycanda Gülənçilər istənilən yerdə, istənilən məqamda baş qaldıra bilir. Onlar Azərbaycanı, ölkə başçısını, onun siyasətini qəbul etmirlər. Bunu sadəcə başa düşmək kifayət edir.

Hələ də 2016-c ilin dekabrın 21-də Bakıdakı Anadolu Türk Liseyində Türkiyə səfirliyinin Attaşesi Arslan Gürlerin qızının intihar etməsi (özünü 10-cu mərtəbədən atması (atıblar?)) açıq qalır. Onu da qeyd edim ki, səfirliyin Din və Dəyanət üzrə Vəsvi də bu liseydədir. Nə üçün?.. Digər tərəfdən səfir Erkan əfəndi 2005-2009-cu illərdə, yəni Fətullah Gülənin “meydan suladığı” bir vaxtda Bakıda səfirliyin 1-ci katibi olub...

Hələlik bütün bu məsələlər bizim üçün qaranlıq qalıb. İstanbulda çapa hazırlanan “Azərbaycanın Fətullah Gülənçiləri” kitabı yaxın günlərdə işıq üzü görəcək. Orada Azərbaycanın xüsusən təhsil sistemində, ayrı-ayrı nazirliklərində mövqe tutan və hələlik gizlənən Gülənçilərin fəaliyyətləri nəzarətdən heç də çıxmayıb.

Xüsusən Gəncədəki iki ali məktəbin – Azərbaycan Dövlət Aqrar Universiteti və Azərbaycan Texnologiya Universitetində Fətulla Gülənçilərin törətdikləri cinayətlər hələlik bitməyib.

Artıq Türkiyədə hazırlanan kitabda hər iki Universitetin Gülənlə əlaqələri və bu istiqamətdə araşdırmalarımz ifşa olunur.

Rövşən Noğruzoğlu 

Redaksiyadan: yeri gəlmişkən xeberinfo.com-da Azərbaycan Texnologiya Universitetinin sabiq kafedra müdiri professor  Cahangir Hacıyevin redaksiyamıza və  müxtəlif instansiyalara ünvanlandığı müraciətlər əsasında yazı yer alıb. “Texnologiya Universitetində “texnoloji yeniliklər”:professor “od püskürür” sərlövhəli yazıda da bu təhsil müəssisəsində “FETÖ” şəbəkəsinin fəaliyyətinə toxunulub...