AZ
RU
Mərkəzi Aran Regional Təhsil İdarəsində korrupsiya iddiası: Təhsil nazirinin adı hallanır -VİDEO
Yenixeber.org: Redaksiyamıza Göyçay rayonu Qaraman kənd sakini bloger Mustafayev Rəvan Aydın oğlunun müraciəti daxil olub. Müəllif müraciətində Yevlax şəhərində yerləşən Mərkəzi Aran Regional Təhsil İdarəsində korrupsiya hallarını araşdırması ilə məşğul olduğunu bildirir və ilkin olaraq məktəb yeməkxanalarından haqq toplanılması barədə apardığı araşdırmanı təqdim edir.Biz yenixeber.org olaraq yazıda yer alan iddialarla bağlı qarşı tərəfi də dinləmək istədik... İdarənin Elvin adlı əməkdaşı bildirdi ki, biz bu kimi iddialarla bağlı ayrıca açıqlama verəcəyik(?)
Aktuallığını nəzərə alıb, müraciəti olduğu kimi dərc edirik:
"Məkəzi Aran Regional Təhsil İdarəsinin Nüsrət adlı işçisi şəhər və kənd məktəblərinin yeməkxanalarını işlədən şəxsləri Göyçay şəhəri 3 saylı tam orta məktəbdə, həmçinin də idarənin strukturuna daxil olan digər rayonlarda başqa-başqa məktəblərdə toplayaraq bu ilin sentyabr ayının əvvəlində iclas keçirmişdir. İdarənin Nüsrət adlı işçisi Məkəzi Aran Regional Təhsil İdarəsinin müdiri Elçin Kərimov tərəfindən göndərildiyini, Azərbaycan Respublikasının Elm və Təhsil Naziri Emin Əmrullayevin tapşırığına əsasən 2022-2023-cü təhsil ilindən etibarən şəhər məktəblərində hər şagird üçün 0.30 qəpik, kənd məktəbləri üçün isə 0.25 qəpik aylıq ödəniş etməli olduqlarını və həmin ödənişlərin təqdim ediləcək kart hesabına vurulmalı olduqlarını bildirmişdir. İclas iştirakçıları tərəfindən mənə verilən video görüntülərdən açıq aşkar görünür ki, regional idarənin müdiri Təhsil nazir Emin Əmrullayevin adından istifadə edərək öz korrupsiya əməllərini həyata keçirmək istəyir.
Bununla yanaşı əlavə olaraq vergi ve digər məcburi dövlət ödənişlərini də işçilərin özləri ödəməli olduqları diqqətlərinə çatdırmışdır.Etiraz edən işçilər Yevlax şəhərində yerləşən Məkəzi Aran Regional Təhsil idarəsinə gedərək, idarənin müdiri Elçin Kərimovla görüşərək qərarla razı olmadıqlarını, vergi, Dövlət sosial müdafiə fonduna ödənişləri etdiklərini, hər məhsulun üzərinə 3-4 qəpik qoyub satdıqlarını, həmçinin valideynlər övlandlarına məktəbə gələndə qida məhsulları alıb çantaya qoyduqlarından məktəb yeməkxanalarına məktəblilərin kiçik bir hissəsinin gəldiyini bildirmişdirlər. Məkəzi Aran Regional Təhsil İdarəsinin direktoru Elçin Kərimov idarənin strukturuna daxil olan məktəblərin yeməkxanalarının işçilərini dinlədikdən sonra sentyabr ayının 15 günün, həmçinin bayram günlərinin çox olduğu aylarda güzəşt olunacağı bildirmişdir. Bununla da razılaşmayan işçilərə kim nə ödəyə bilər deyərək Elçin Kərimov İdarədə bazar açmış, 400 manat ödəməli olan məktəblər aylıq 300 manat ödəyəcəyini, 100 manat ödəməli olanlara isə 60 manat ödəməyə razı salmağa çalışmışdır.Bundan artıq güzəşt edə bilməyəcəyini Azərbaycan Respublikasının Təhsil Nazirli Emin Əmrullayevin birbaşa göstəriş verdiyini dəfələrlə qeyd etmişdir. Bununla yanaşı Məkəzi Aran Regional Təhsil idarənin müdiri Elçin Kərimov əlində olan səlahiyyətdən istifadə edərək, məktəb direktorlarının vasitəsi ilə yeməkxana işçilərinin tələb olunan məbləğin alınmasına çalışır. Məktəb direktorları regional idarənin müdiri Elçin Kərimovun tapşırığına əsasən tələb olunan məbləği ödəməyən yeməkxana işçilərini məktəb ərazisinə buraxmır.Bu vasitə ilə Elçin Kərimovun korrupsiya üzərində qurulmuş biznesinin çiçəklənməsinə şərait yaradır. Qeyd edək ki, Məkəzi Aran Regional Təhsil idarəsi bu ilin may ayında, Mingəçevir şəhəri, Ağdaş, Göyçay, Kürdəmir, Ucar, Yevlax və Zərdab rayon təhsil şöbələrinin əsasında yaradılıb. Təxmini hesablamalarımıza görə Regional idarənin rəhbəri Elçin Kərimov tabeliyində olan məktəblərin 50000 manata yaxın vəsaiti vəzifə səlahiyyətlərindən sui istifadə və hədə qorxu gəlməklə əldə etməyi planlaşdırir.
İdarənin rayon məktəblərinə göndərilmiş Nüsrət adlı işçisi, həmçinin də Yevlax şəhərində narazı işçiləri qəbul edən Elçin Kərimov Elm və təhsil Naziri Emin Əmrullayevin göstərişinə əsasən yığıldığını və həmin vəsaitlər hesabınabu vəsaitin məktəbin təmir və müəllimlər üçün mükafatlandırmaya xərclənməsinin nəzərdə tutulduğunu bildirmişdir. Lakin Məkəzi Aran Regional Təhsil idarənin müdiri Elçin Kərimovla görüş zamanı bu vəsaiti şəxsi istifadəsi və Təhsil Nazirliyinə rüşvət vermək üçün toplandığı açıq aşkar şəkildə görünür.Gəlin bu korrupsiya faktını Məkəzi Aran Regional Təhsil İdarəsinin işçilərinin dilindən dinləyək.
Redaksiyadan: Yenixeber.org olaraq qarşı tərəfin cavab haqqını tanıyırıq.
