Redaktor seçimi
Delfin və balinası olan II Elizabet:
Partiyalara 90 gün vaxt verilir…-
Sahibkarı belə müflis etdilər –
Teyyub Hüseynovun Türkiyədə 6 milyonluq macərası:
Sabirabadda qazimiz belə təhqir olunub:
BU NƏDİR BELƏ ?: AZAL şefinin ƏR-ARVAD BİZNESİ... -
Mərdan Camalov büdcədən oğurladıqlarını ölkədən BELƏ ÇIXARIR -
Deputat Ülvi Quliyevin oğlunun Londondakı şirkətinin aktivləri 4,8 milyona çatdı - 
Günün xəbəri

Sabirabadda qazimiz belə təhqir olunub:PREZİDENTƏ MÜRACİƏT

Yenixeber.org: Redaksiyamıza Sabirabad rayon Kürkəndi kənd sakini II Qarabağ müharibəsi qazisi  İsmayılov Abış Samir oğlunun dövlət başçısına ünvanlanmış müraciətinin surəti daxil olub. Hörmətli qazimiz müraciətində mühafizəçi kimi çalışdığı Sabirabad Rayon  Mərkəzi Xəstəxanasının direktor müavini Mikayılov Bayram Təvəkkül  oğlu tərəfindən dəfələrlə təhqir və təhdid olunmasından bəhs edir. Hətta bu təhqirlər sırasında təltif olunduğu beş medalların da yer aldığını bildirir. Biz Yenixeber.org olaraq müraciətdə yer alan iddialarla bağlı qarşı tərəfi də dinləmək istədik. Təəssüf ki, bu istiqamətdəki cəhdlərimiz nəticəsiz oldu. 

Aktuallığını nəzərə alıb, müraciəti müəyyən ixtisarla təqdim edirik: 

 "Yazıb Sizi məlum edirəm ki, Azərbaycan Respublikası Prezidentinin  28.09.2020-ci il tarixli sərəncamı ilə ölkə  üzrə elan olunmuş Səfərbərliklə  bağlı 052 YAŞMA Hərbi  hissəsinin  tərkibində hərbi  döyüşlərə qatılaraq  II-ci Qarabağ  savaşında iştirak etmişəm.  Azərbaycan Respublikasının  ərazi  bütövlüyü  uğrunda gedən  döyüşlərdə  erməni  hərbi  birləşmələrinə  qarşı  qəhrəmancasına  vuruşaraq ZƏFƏR  qələbəsi əldə etmişik. Gedən  şiddətli döyüşlər  arasında  ağır  yaralanmışam və qazilik zirvəsinə  yüksəlmişəm.  Dövlət başçısının  sərəncamı ilə  torpaqlarımızın  azad  olunmasında göstərdiyim  igidliyə  görə 4 medalla  təltif olunmuşam və II-ci Qarabağ  müharibəsi qazisiyəm.

2021-ci ilin sentyabr ayında Sabirabad Rayon  Mərkəzi Xəstəxanasının  direktoru  Ənvər Lümənov tərəfindən təmənnasız  olaraq Mərkəzi Xəstəxanada  mühafizəçi işi  ilə təmin  olunmuşam. Son üç aya  yaxındır ki, xəstəxananın  maliyyə işləri  üzrə  yenicə  təyin  olunmuş  direktor müavini, saysız-hesabsız  sərvətləri  olan, korrupsioner və məhkumluq  həyatı yaşamış  Mikayılov Bayram  Təvəkkül  oğlu  məni gözümçıxdıya  salıb, şərəf və  ləyaqətimi  həmçinin Prezidentin  mənə verdiyi, üzərində  Azərbaycanın  üçrəngli  bayrağı olan  medallarımı  küçə söyüşləri ilə təhqir və özümü də təhdid etdi.  Səbəb isə onu  göstərir ki, “Sən qazisən deyə işlə pulsuz  təmin olunmusan və mənə də bir qəpik  də  pul verməmisən. Gətir mənim  haqqımı ver”.

 Mən isə cavabımda: “Mən qaziyəm, Cənab Prezident  məni medallarla  təltif edib, sənə nə üçün  pul verməliyəm?!"-dedim. O, isə cavabında mənə Prezidentin  mənə verdiyi  medalları və məni küçə  söyüşləri ilə  təhqir etdi.

Demək olar ki,  bu epizod  bir ay ara vermədən dəfələrlə  təkrarlandı.  Mənə deyir ki,  bu günə  kimi mənə qanun  güc gələ bilməyib, mən qanuna güc gəlmişəm.  İşin  faktiki hallarından biri də  budur ki,  Bayram Mikayılov cinayətə  meyilli insandır, saysız-hesabsız cinayətləri var.

2012-ci ildə  Bayram Mikayılov Bakı şəhərində Nobel prospektində  köhnə "Lenkombinat"  ərazisindən keçən hissəsində  idarə etdiyi metallik  rəngli Mersedes markalı avtomobil  ilə  qəza  törədərək  4 yeniyetmə qızı idarə etdiyi  maşınla vurmuşdur. Onlardan 3 nəfəri  aylarla xəstəxanada stasionar müalicələr almışlar.

Bundan sonra o, Bakı şəhəri  Xətai rayonunda DSMF-də işləyərkən vəzifə səlahiyyətlərindən  sui-istifadə etdiyinə görə, korrupsiya halları aşkar edildiyi üçün  vəzifəsindən  kənarlaşdırılmışdır.

Sonra o, Saatlı  rayon Məşğulluq  Mərkəzinə  müdür vəzifəsinə təyin olunmuşdur. Orada da  yaşlı bir ağsaqqal  vətəndaşa qarşı hörmətsizlik  etdiyinə  və onu təhqir edərək məsxərəyə  qoyduğu üçün vəzifəsindən kənarlaşdırılmışdır.

Daha sonra Sabirabad rayon DSMF-yə müdür vəzifəsinə təyin olunur. Orada işləyərkən  korrupsiya  hallarına  yol verdiyi üçün təkrar  vəzifəsindən  kənarlaşdırılıb və  Azərbaycan Respublikasının Baş Prokurorluğunda korrupsiya halları ilə barəsində cinayət işi başlanmışdır.

 

Bu işdən az keçmədən bu cinayətləri azmış kimi Bakı şəhər Nizami metrosu yaxınlığında, şəhərin mərkəzində öz həyat yoldaşı Gülnarə Cəbrayılovaya  bir  neçə bıçaq  zərbəsi vuraraq qəsdən  sağlamlığına ağır zərbə vurmuşdur.

Törətdiyi  bu qədər  bilinən  cinayətlərə və yaşadığı  məhkumluq həyatına baxmayaraq o,  Sabirabad rayon Mərkəzi Xəstəxanasında  vəzifə  sahibidir.

 Qeyd edim ki, 01 avqust 2022-ci ildə "Təbib"in sədri Vüqar Qurbanovun qəbulunda  olmuşam və onu bu  məsələlərdən agah etmişəm. Bunun da bir nəticəsi yoxdur. Bayram Mikayılov deyir ki, Vüqar Qurbanov  mənim ən yaxın  dostumdur və ona 30 min  manat    verib  bu vəzifəyə   gəlmişəm.  O, məni  heç vaxt işdən çıxartmaz.

Dəfələrlə Sabirabad rayon İcra  Hakimiyyətinin  başçısının, Rayon  Polis  Şöbəsinin  və 3 dəfə də Prezident Administrasiyasında  məsul şəxslərin qəbulunda olmuşam. Bu görüşlərdən  heç bir lazımı nəticə yoxdur.

Yazaraq Sizdən xahiş edirəm ki, bu məsələni işıqlandıraraq bir qazinin  haqq işində  mənə yaxından köməklik edəsiniz".

Redaksiyadan: yazıda adları hallanan tərəflərin cavab haqqını tanıyırıq.


Facebook-da paylaş

Yeni xəbərlər

Reklam

Reklam