Redaktor seçimi
TALEH BƏŞİROV “PAT” VƏZİYYƏTİNDƏ: yediyini nə uda, nə də qaytara bilir -
London Məhkəməsi Ülvi Quliyevi də təftiş edir -
Cavanşir Feyziyevin 39 milyon funt sterlinqlik əmlakına həbs qoyulub -
“Siyasi mühacir” alverindən YENİ XƏBƏR:
Pandemiyadan pandemiyaya - 
Biznesmen Qulam Ələkbərovun biznesmen kürəkəni Anar Məmmədov Milli Məclisdə necə yer alıb? -
Direktor Gülnaz Dadaşovanın qoçu dəstəsi, ayaqyoluda açılan angioqrafiya, aşağılanan həkimlər... -
"Vertu"su olan İcra Başçısı Rəcəb Babaşovun brend geyimi, ayaqqabı və saatı -
Günün xəbəri

Türkiyə İsveçi və Finlandiyanı bu səbəblərdən NATO-ya buraxmır -Ərdoğan şərtləri açıqladı

Xəbər verildiyi kimi, Rusiyanın Ukraynaya işğalçı müdaxiləsindən sonra iki skandinaviya ölkəsi-İsveç və Finlandiya Şimali Atlantika Alyansına qoşulmaq üçün müraciət ediblər.
Yenixeber.org: Lakin NATO-nun ən böyük ordusuna sahib olan Türkiyə şimal ölkələri ilə hərbi ittifaqa girməyə tələsmir. Bunun üçün rəsmi Ankaranın əlində kifayət qədər ciddi səbəbləri var.
Türkiyə Cümhuriyyəti İsveç və Finlandiyanın NATO üzvlüyü ilə bağlı Qərb qarşısında şərtlərini açıqlayıb.

 “Bloomberg” agentliyi Türkiyə Xarici işlər nazirliyindəki qaynaqlarına istinadən həmin şərtlərin nədən ibarət olduğunu bildirib:

-İsveç və Finlandiya NATO-ya qəbul olunmazdan əvvəl PKK və buna bənzər təşkilatları terror təşkilatı elan edəcək və onlara rəğbət bəsləyənlərə qarşı aktiv mübarizə aparacaqlar.

-Türkiyəyə qarşı fasilələrlə tətbiq edilən müdafiə sənayesi sanksiyaları və silah embarqoları qaldırılacaq.

-Türkiyə yenidən F-35 proqramına daxil ediləcək.

-Türkiyənin 40 “F-16” Blok 70 “F-16” döyüş təyyarəsi və modernizasiya paketi tələbi qəbul ediləcək.

- Türkiyə Rusiyadan S-400 aldıqdan sonra tətbiq edilən CAATSA sanksiyaları qaldırılacaq.

Göründüyü üzrə əslində tələblərin bir çoxu birbaşa İsveç və Finlandiyaya deyil, ABŞ-a yönəlikdir. Rəsmi Vaşinqtonun bunlara nə cavab verəcəyi indidən maraq doğurur.

Onu da qeyd edək ki, Türkiyə həm İsveçin, həm də Finlandiyanın PKK terror təşkilatının fəaliyyət yuvasına çevrildiyini və terrorçular üçün əhəmiyyətli dərəcədə maliyyə qaynaqlarının təmin olunduğu bölgələr olduğunu bildirir. Lakin həm rəsmi Stokholm, həm də Helsinki NATO üzvlüyü istəklərindən vaz keçməməklə bərabər Türkiyənin tələblərini yerinə yetirməkdən boyun qaçırır.

Türkiyə mətbuatının yazdığına görə, NATO üzvü olmaq üçün ilk addımları atan İsveç və Finlandiya Türkiyənin ekstradisiyasını tələb etdiyi 33 FETÖ və PKK üzvündən heç birini təhvil vermir. Finlandiyadan 6-sı FETÖ, 6-sı PKK olmaqla 12, İsveçdən 10-u FETÖ, 11-i PKK olmaqla ümumilikdə 21 nəfərin ekstradisiya prosesi tələb olunur.

Türkiyə tərəfinin məhkəmə qərarları və sübutlar əsasında ekstradisiya ilə bağlı edilən 33 müraciətin heç birinə müsbət cavab verilməyib. İsveç nümayəndə heyəti ilə görüşdə Türkiyə tərəfinin terror təşkilatı PKK/PYD-yə verilən dəstəklə bağlı sənədləri müzakirəyə çıxaracağı gözlənilir.

Ümumiyyətlə, İsveçin PKK terror təşkilatınn Avropada dayaq məntəqələrindən birinə çevrilməsi hələ ötən əsrin 80-ci illərindən başlayıb. Türkiyədə 1980-ci ilin sentyabrın 12-də baş verən hərbi çevrilişdən sonra ölkədəki bir çox radikal qruplar, xüsusilə solçu və separatçı təşkilatların ünsürləri məhz Avropaya üz tutub. Maraqlıdır ki, hələ “Soyuq müharibə”nin ən qızğın çağında marksist və maoçu fikirlər səsləndirməsinə rəğmən bu qruplar Avropanın bir çox ölkələrində, xüsusilə onların xüsusi xidmət orqanları tərəfindən gələcəkdə Türkiyəyə qarşı istifadə olunması üçün ciddi maddi dəstək görüb.

“Yeni Şafak” qəzetinin məlumatına görə, 1980-ci illərdən sonra PKK İsveçdə xüsusilə kürd əsilli əhaliyə təsir etmək imkanı əldə edib və burada güclü baza formalaşdırmağa başlayıb. Təşkilatın infrastrukturunu təşkil edən 30 terrorçu Demokratik Milli Kürdüstan Birliyi və İsveç-Kürd Mədəniyyət Dərnəyi ətrafında toplaşıb. Onlar 1983-cü ildən İsveç hökuməti tərəfindən dəstəklənir.

İsveçdə məskunlaşan təşkilat üzvləri arasında çəkişmələrin başlanmasına da bu dövrdə təsadüf edilir. 1983-cü ildən sonra PKK daxilindəki müxaliflər silsilə qətllərdə öldürülüb. PKK-nın daxildəki hesablaşmaları zamanı öldürülən insanlara görə, təşkilat terror siyahısına salınıb, onlardan 18 nəfər deportasiya edilib. PKK-nı buna İsveçin baş naziri Olof Palmeni öldürməklə cavab verdiyi gələn xəbərlər arasındadır. Türkiyə mediası terrorçu Şemdin Sakıkın həmin aktın Abdullah Öcalanın göstərişi ilə "Harun" kod adlı Həsən Hayri Gülər tərəfindən həyata keçirildiyini etiraf etdiyini yazır.

Avropanı bölgələrə və əyalətlərə bölən PKK İsveçi PKK-nın “Skandinaviya vilayəti” adlandırdığı ərazisinin “tərkibinə daxil edib”. Separatçı qruplaşma Avropada məskunlaşan simpartizanlarını bir arada toplamaq məqsədilə 1993-cü ildə qərargahı Belçikada yerləşən Avropa Kürd Dərnəkləri Konfederasiyası (KON-KURD) adlı çətir struktur yaradıb. Daha sonra, on iki müxtəlif ölkədəki tərəfdar qrupları KON-KURD-ə bağlanıb. 1994-cü ildə isə Stokholmda İsveç Kürd Şurası yaradılıb.

1994-cü ildən fəaliyyət göstərən İsveç Kürd Mədəniyyət Mərkəzinə PKK-ya bağlı 20-dən çox dərnək daxildir. Mədəniyyət, incəsənət və digər ictimai fəaliyyətlər vasitəsilə PKK-nın toplanması və qanuniləşdirilməsi üçün səylər göstərilir.

Araşdırmaçılar təşkilatın İsveçdə oğurluq, silah ticarəti, narkotik alveri və reketçilik vasitəsilə əhəmiyyətli gəlir əldə etdiyini vurğulayırlar.

İsveç PKK-nın media orqanlarına da ev sahibliyi edir. “Nevruz TV”, “Ronahi TV” və “Aryen TV” bu ölkədə təşkilatın yayım orqanlarından bəziləridir. Bu media qurumlarının da müxtəlif adlar altında İsveç dövlətindən maliyyə yardımı aldığı bildirilir. Məsələn, təkcə Nevruz TV-yə 2009-cu ildə 1 milyon 467 min 866 avro verildiyi məlumdur.

PKK-ya dəstək verən İsveç Demokratik Kürd Cəmiyyəti Mərkəzi də şura ilə eyni hədəflər istiqamətində fəaliyyət göstərir. Bina hazırda İsveç Araşdırma və Təhsil Nazirliyindən 80.000 avro maliyyə alır.

Təşkilat İsveçdə çoxlu uşaqları aldadıb dağ heyətinə qatıb. Beynəlxalq “Radda Barnen Vəqfi” tərəfindən hazırlanan hesabatda İsveçdə məktəbləri zəbt edən PKK-nın 'yay düşərgəsi' adı altında 18 yaşından kiçik uşaqlara terror təhsili verdiyi yazılıb. Təkcə 90-cı illərdə təşkilat tərəfindən 50-dən çox uşağın İraq və Türkiyədəki dağ heyətinə göndərildiyi müəyyən edilib.

Suriyadakı PKK/YPG sıralarında əcnəbi terrorçular arasında çoxlu isveçli var. Hətta qurumun çətiri altında İsveç vətəndaşlarından ibarət “Skandinaviya batalyonu” da yaradılıb.

PKK İsveçdə də siyasi arenada və parlamentdə təmsil olunur. Əsasən solçu partiyalarda fəaliyyət göstərsə də, təşkilatın Azad Həyat Partiyası adlı partiyası var. Ölkədə müstəqil millət vəkili olan Amine Kakabaveh, Sosial Demokrat Partiyasından Evin Çetin, Sol Partiyadan Yekbun Alp, Avropa parlamenti deputatı Evin İncir, Eda Düzgün təşkilata dəstək verən siyasətçilərdir. Adları çəkilən şəxslərin İraqdakı təşkilat düşərgələrini də ziyarət etdiyi məlumdur.

Təkcə İsveç dövləti deyil, ölkədəki bir çox siyasi qurumlar da təşkilata dəstək verir. Xüsusilə solçu partiyaların yaratdığı Yaşıllar/Avropa Azadlıq Həmrəylik Qrupu və Avropa Birləşmiş Sol/Skandinaviya Yaşıl Sol kimi siyasi qruplar PKK-ya fəal dəstək verir. Bu partiyaların üzvləri Türkiyənin sərhədyanı əməliyyatlarına qarşı hökumət binaları qarşısında aksiyalar təşkil edir, burada PKK-nın terrorçular siyahısından çıxarılmasını və terrorçuların lideri Öcalanın əfv olunmasını tələb edirlər.

“Hürriyet” qəzetinin yazdığına əsasən, İsveçin “AT-4” tipli tank əleyhinə raketlərindən ən çox istifadə edən terror təşkilatlarından biri də PKK/PYD-dir. 2021-ci ilin sentyabr ayında Hakkaridə 10 fərqli əməliyyatda ələ keçirilən yük maşınlarında çoxlu İsveç istehsalı AT-4 tank əleyhinə raketlər ələ keçirilib. Dünyaca məşhur İsveç şirkəti SAAB tərəfindən istehsal edilən 84 mm çaplı tək atışlı tank əleyhinə silah olan AT-4, xüsusilə piyada birləşmələrinin zirehli texnikasını və istehkamlarını məhv etmək və ya sıradan çıxarmaq üçün istifadə olunur. Türk ordusu tərəfindən həyata keçirilən “Pəncə” əməliyyatları zamanı ələ keçirilən mağara və bunkerlərdə tapılan “AT-4” tank əleyhinə raketlər də Türkiyə tərəfinin dəlillərindən sayılır.

Bundan başqa ilə PKK/PYD-nin Suriyada İŞİD-i izləmək bəhanəsi İsveçdən böyük miqdarda pilotsuz təyyarə dəstəyi aldığı da müəyyən olunub. İsveç hökumətinin gələn il PYD-yə 376 milyon dollar dəstək verməsi qərarı da Türkiyə tərəfindən təsbit edilib. Bütün bunlara əlavə olaraq, İsveç müdafiə naziri Peter Hultqvistin “YPG” komandirlərindən Ferhat Abdi Şahinlə görüşü və İsveçin terror təşkilatı ilə sıx əməkdaşlıq edəcəyinə dair açıqlaması da Türkiyənin İsveçin diqqətinə çatdırdığı xüsuslardan biridir.

“Anadolu” agentliyinin bildirdiyinə görə, YPG/PKK-ya yaxın internet saytlarında təşkilatın qondarma siyasi birləşmələrindən biri olan “SDC” bu ilin may ayının 14-də İsveç Xarici işlər nazirliyinin himayəsi ilə Stokholmda “Üçüncü Məsləhət Forumu” təşkil edib.

Toplantıda YPG/PKK üzvləri, ABŞ və İtaliya Xarici işlər nazirliyinin rəsmiləri onlayn rejimdə iştirak ediblər. Proqramda Suriyada terror təşkilatı YPG/PKK-nın işğalı altında olan bölgələrdə “mərkəzdənqaçma təkliflərinin müzakirə edildiyi” qeyd edilib.

AA müxbirinin mövzu ilə bağlı məlumat və rəy istədiyi İsveç Xarici işlər nazirliyindən heç bir cavab gəlməyib.

İsveç hökuməti YPG/PKK terrorçuları ilə əlaqələrini inkar da etmirlər. “Sabah” qəzetinin yazdığına görə, terrorçularla görüşlər keçirən İsveç xarici işlər naziri Ann Linde “İsveç fəal tərəfdaş olmağa davam edir” deyərək, 2023-cü ildə təşkilata maliyyə yardımının 376 milyon dollara çatdırılacağını bildirib. Suriya Demokratik Şurasının qondarma həmsədri İlham Əhməd və PKK/YPG terrorçusu Nesrin Abdullahla görüşlərini sosial media hesabında dərc etməkdən çəkinməyən Linde onlar üçün pul topladığını da açıqlayıb.

Terror təşkilatı PKK-nın Avropa sözcüsü Zübeyir Aydarın 27 aprel 2022-ci ildə İsveç parlamentində iki gün ərzində konfrans verdiyi bilinən məlumatlar arasındadır. Burada PKK-nın terrorçular siyahısından çıxarılması istənilərkən Türkiyəyə qarşı çirkin təbliğat da aparılıb.

Finlandiyaya gəlincə, burada vəziyyət İsveçdən heç də fərqli deyil. “Ulusal” kanalın təsbitlərinə görə, Finlandiya rəhbərliyi PKK-nın ölkədə müntəzəm olaraq təşkil etdiyi yürüş və nümayişlərinə qarşı heç bir məhdudlaşdırıcı tədbir görmür. Ölkədə FETÖ-yə bağlı 3 məktəb də var.

Finlansyada “Fin-Kürd Dostluq Dərnəyi”, “Kürd İnformasiya Mərkəzi” kimi təşkilatlar və PKK-ya bağlı dərnəklər var. PKK tərəfdarlarının ub təşkilatlar vasitəsilə 'ianə' adı altında dağdakı silahlılar üçün pul yığdığı qeyd olunur.


Facebook-da paylaş

Yeni xəbərlər

Reklam

Reklam