Redaktor seçimi
 Rəşad Nəbiyevin aparat rəhbəri haqda İLGİNC İDDİALAR... -
Elman Rüstəmovun kürəkəni milyonları Avropaya belə daşıyır -
Prezidentin xəbərdarlığından nəticə çıxarmayanlar: Ata tender keçirir, oğul qazanır-
Cavanşir Feyziyevin qardaşı oğlu “Azərtütün
Əhmədzadə qardaşlarının “SOCAR Trading”dəki özəl biznesi: Şirkət yaranandan 2 ay sonra Londonda mənzil alır -
Günün xəbəri

Putin: “Pis sülh, müharibədən yaxşıdır” –Azərbaycan üçün hansı məqbuldur?

Yenixeber.org: Rusiya Prezidenti Vladimir Putin Müstəqil Dövlətlər Birliyinin Dövlət Başçıları Şurasının videokonfrans formatında keçirilən son iclasında çıxışı zamanı Qarabağdan danışarkən deyib ki, Rusiyanın sülhməramlı kontingenti Dağlıq Qarabağda əldə olunan barışığın zəmanətçisidir: “Bizim yardımımızla humanitar yüklərin çatdırılması, hər iki tərəfdə ərazilərin minalardan təmizlənməsi həyata keçirilir, həyat təminatı sistemi bərpa olunur”.

Vladimir Putin videokonfransda Azərbaycan Prezidenti İlham Əliyev və Ermənistanın Baş naziri Nikol Paşinyanın çıxışlarını şərh edərkən ən yadda qalan fikrini söyləyib: “Pis sülh, yaxşı müharibədən yaxşıdır”.

Həqiqətənmi, Qarabağ nümunəsində “pis sülh yaxşı müharibədən yaxşıdır”?

Birincisi, Putin bu cümləsiylə etiraf edib ki, Qarabağda əldə olunan sülh yaxşı deyil, Rusiya mümkün olan nəticəni əldə edib. Yəni Putin “yaxşı müharibəni pis sülhlə” əvəz edib.

İkincisi, Putinin “yaxşı müharibə” adlandırdığı söz birləşməsi Azərbaycana aiddir. Azərbaycan torpaqlarını işğaldan azad etmək üçün müharibəyə başladı və bu həqiqətən bizim üçün yaxşı müharibəydi, çünki hədəf torpaqları azad etmək idi. 

Üçüncüsü, Putinin “pis sülh yaxşı müharibədən yaxşıdır” ifadəsi Azərbaycan üçün məqbul sayıla bilməz. Çünki əgər biz Putinin təbirinsə desək, yaxşı müharibədə qələbə çalmışıqsa, sülhün də yaxşı olmasını istəmək haqqımızdır. Kreml sahibinin məntiqindən isə belə çıxır ki, onlar üçün “hazırki sülh də pis deyil”. Halbuki, Azərbaycanla Ermənistan arasında sülh yoxdur. Azərbaycan Ermənistanla qarşılıqlı olaraq ərazi bütövlüklərinin tanınması əsasında sülh sazişinin imzalanmasını istəyir. Rəsmi İrəvan buna hazır deyil, çünki sülh sazişini imzalasalar, Qarabağı Azərbaycan ərazisi kimi tanımaq məcburiyyətində qalacaqlar. Onlar buna hazır deyillər. Bu bizi az narahat edir, müharibə bitibsə, iki tərəf arasında saziş imzalanmalıdır.

Göründüyü kimi, mövcud vəziyyət Kremli narahat etmir, çünki Putin “pis sülhün” davamını məqbul sayır, özünə zəhmət verib Ermənistanı Azərbaycanın ərazi bütövlüyünü tanımağa məcbur etmək istəmir.

“Atlas” Araşdırmalar Mərkəzi

шаблоны для dle 11.2

Yeni xəbərlər

Reklam

Reklam