Redaktor seçimi
“Veysəloğlu”nun qul bazarı – Əmək Müfəttişliyinin görə bilmədiyi Azərbaycan “mənzərələri”…-
Əziz Əzizov Bakıda uşaqların futbol meydançasını satıb:
Abşeron rayonu zibil poliqonuna çevrilir:məsul şəxslər isə ötü-ötür oyunu oynayır-
Elnur Abdullayevin batan, amma qazanclı projesi: “HABER GLOBAL” –
Mətbuat öldü! Yaşasın media!
SALEH MƏMMƏDOVUN 57 MİLYONLUQ YEYİNTİSİ ÜZƏ ÇIXDI – “Azəravtoyol” rəhbərliyində köklü dəyişikliklər gözlənilir-
Zərərlə işləyən SOCAR rəhbərliyinə külli miqdarda bonuslar ödənilib -
Günün xəbəri

Milyarder Fərhad Əhmədovu qardaşı oğlu belə "vurdu"-ŞİKAYƏT+FOTOLAR


Yenixeber.org: Fərhad Əhmədovu Azərbaycanda yaxşı tanıyırlar. O, özünə xeyriyyəçi və mesenat adını birdən-birə qazanmayıb. O, koronavirusa qarşı mübarizə fonduna 1 milyon manat vəsait, İkinci Qarabağ müharibəsi zamanı daha 1 milyon manat ianə etmişdir. Göyçay camaatı onun həmişə kasıba əl uzadan olduğunu, ona müraciət edənlərin qapıdan əliboş qaytarmayan birisi olduğunu deyirlər.

Lakin bütün bu xeyirxah əməllərin üzərindən və Fərhad Əhmədovun pozitiv reputasiyasının üzərində yağlı qara xətt çəkən bir şəxs var... Bu,  Fərhad Əhmədovun qardaşı oğlu Teymur Əhmədovdur; Oliqarx və qudurğan Teymur Əhmədov.

 

Bu sözlər redaksiyamıza ünvanlanan şikayət dolu məqalədə deyilir. Redaksiyamıza göndərilən və sizlərin indi oxuyacağınız bir qrup adamın ünvanladığ məktubda çox mətləblərə işıq tutulur, çox qaranlıqların aydın olduğu görünür. Məqaləni olduğu kimin yayınlayırıq:

 

 

                   Teymur Əhmədov babasının adına ləkə gətirməkdən başqa heç nə ilə yadda qalmır


Heç kəsə sirr deyil ki, Fərhad Əhmədovun nəhəng biznes imperiyasının bir qulpu da Azərbaycandadır. Bu Göyçayda yerləşən “Aznar” zavodudur. “Aznar” zavodunun baş direktoru isə Fərhad Əhmədovun qardaşı oğlu Teymur Əhmədovdur. Teymur Əhmədov babasının adını daşısa da, onun adına ləkə gətirməkdən başqa heç nə ilə yadda qalmır.
Teymur Əhmədovun 30 yaşı var və onu tanıyanlardan heç kəs onun barəsində bir xoş söz demir.

O, kasıbın payını kəsən, fəhləni səbəbsiz yerə söyən, maaşları azaldan, istehsalatdakı fəhlələri sutkada 20 saat işlədən, sonra isə haqqlarını verməyən kimi tanınır.

 

                       Axşamlar  sərxoş vəziyyətdə küçələrin canına düşən...


Bütün bunlara baxmayaraq Teymur Əhmədov dəbdəbəli həyat tərzi sürür. O hər gün restoranlarda dostları ilə kef məclisləri qurur, axşamlar isə sərxoş vəziyyətdə küçələrin canına düşür. 2 həftə öncə Bakıda öz bahalı “Porşe” markalı avtomobili ilə qəza keçirdi. Avtomobildə olan Teymur və dostu, və eləcə də 2 cavan qız sərxoş vəziyyətdə idilər. Necə sərxoş olubsa adam “Porşe”-ni aşırda bilib. Saytlarda bu barədə məlumat gedən kimi isə dərhal onu pozdurub.

 

                       Korrupsiyaya qarşı mübarizə idarəsinə olunan müraciət


O işçilərin maaşlarını kəsərək, həmin pulları öz kefinə xərcləyir. Maaşları ödəməyən şəxs dəbdəbəli məclislər qurduqda, işçilərdə qıcıq yaradır.
Həmin Teymurdan şikayətçi bir qrup işçi isə Vergilər Nazirliyinə, Dövlət Əmək Müfəttişliyinə və Korrupsiyaya qarşı mübarizə idarəsinə ərizə ilə müraciət edib.
Səbəb isə Teymurun işçilər ilə pis rəftar etməsi, əmisinin şirkətini yerlə-yeksan etməsi, vergidən və digər ödənişlərdən yayınmaq məqsədi ilə rəsmi maaşların azaldılması, qara kassanın yaradılması, satışları “qara kassa” vasitəsi ilə aparması və bu kimi hərəkətlər olub.

 

                                               Pul axınlarına nəzarət etmək üçün...


Teymur Bakıda “Aznar”-ın idarəçiliyi altında və “Aznar”-ın məhsullarını satması ilə məşğul olan “Grante Trading” filialını yaradıb. İlk vaxtlar “Grante Trading”-də işlər yaxşı getməsinə baxmayaraq, o, “Aznar”da və filialda idarəçilik prinsiplərini dəyişməyə başladı. Pul axınlarına nəzarət etmək üçün o, “ Aznar”-a uşaqlıq dostları olan Bağırlı Soltanı (qeyd: “Porşe”nin qəzasında bu adamın da adı keçirdi), filiala isə Ələkbərov Anar Azər oğlunu təyin etdi.
Bu üç şəxs “Aznar”-ı və filialı demək olar ki, talayıblar. Xüsusi ilə də Anar və Teymur tandemi.

 

                           “Aznar”-dan “Təndir-məndir” restoranlar şəbəkəsinə keçid...


Faktiki olaraq hal-hazırda Aznar-ın filialı Anar Ələkbərov tərəfindən, zavod isə Soltan Bağırlı tərəfindən idarə edilir. Teymurun isə zavodu idarə etməyə vaxtı yoxdur. O əldə etdiyi pulları müxtəlif əmlaka və özünə məxsus “Təndir-məndir” restoranlar şəbəkəsinə yatırmaqla məşğuldur. İşçilər ilə problem yaşananda, onlar maaş tələb etdikdə isə o Rövlan adlı şəxsi öz adından danışıqlara göndərir. Rövlan hər dəfə işçilər ilə görüşüb yalan vədlər verir ki, sabaha maaşlar ödəniləcək, sonradan isə telefon zənglərinə cavab vermir.
Məhz bu kvartetin səriştəsiz işidir ki, zavod və filial demək olar ki, müflis vəziyyətdədir
Pandemiya dövründə qida məhsullarının satışı ilə məşğul olan şirkətlərə işləməyə icazə verilmişdi və bir çoxları bundan və vergi güzəştlərindən istifadə edərək hətta gəlirlərini artırmışdılar. Lakin Anar filialın idarəçiliyini əlinə alan kimi filialın bütün işçilərinə ərizə yazdıraraq onların rəsmi maaşlarını ikiqat azaltdı, işçilərə dedi ki, maaşların yarısını kartlarına köçirəcək, qalan hissəsini isə nağd alacaqlar.

 

                         Malların satışını nağd “qara kassa” üzərindən aparılması


Bununda belə o vergilərin və DSMF ödənişlərinin ödənilməsindən yayındı.
Daha sonra isə o malların satışını nağd “qara kassa” üzərindən aparılmasına keçdi. "Aznar"dan filiala gələn malın tam olmasa, bir çox hissəsi rəsmi gəlirdi, lakin filial heç nəyə baxmayaraq bütün satışları “qara kassa” vasitəsi ilə edir. Rəsmi olaraq anbarda mal var, faktiki isə yoxdur. Mallar dəyər dəyməzə satılır. "Aznar"ın istehsal etdiyi şirə əvvəl rəflərdə 2.40 manata satılrdısa, indi məhlə marketlərində 90 qəpiyə satılır. Pullar isə Anarın və Teymurun cibinə axır.

 

                           70-ə yaxın işçisi “Aznar”-ın ofisində piket keçirib


Bundan başqa qeyd edək ki, satışlar pis getməsə də, filialın 70-ə yaxın işçisi müxtəlif bəhanələr ilə işdən qovuldu. Bir hissəsinin başları aldadılıb əmək müqavilələrinin müddəti 1 ayadək azaldıldı, bir qisminə vədlər verildi ki, ərizənizi yazın, yazan kimi bütün maaş borcları (rəsmi və qeyri-rəsmi, kompensasiya və satışdan faizlər) ödəniləcək, lakin bu da baş vermədi.
Hazırda həmin işçilərin müraciət etmədiyi qurum qalmayıb. Hətta onlar "Aznar"ın ofisində piket keçiriblər və Anar Ələkbərov ilə də görüşüblər. Anar isə onlara deyib ki, şirkət müflis olub.

 

                          Fərhad Əhmədov kimi imkanlı şəxsin şirkəti müflis ola bilərmi?

 

Anar kimi şəxsin bu ifadənin işlətməsi Fərhad Əhmədovun adına qara ləkədir. İndi isə Anar ofisi də bağlayıb və gözə görsənmir.
Pandemiya dövründə işləməsinə icazə verilmiş müəssisənin 70 işçisini işsiz qoyması nə dərəcədə doğrudur? İşçilər tərəfindən dövlət əmək müfəttişliyinə edilən şikayət cavabsız qalıb, indi həmin işçilərin yeganə ümid yeri Korrupsiyaya qarşı mübarizə idarəsi və Vergilər Nazirliyidir. Onlar istəyirlər ki, mənimsəmə, maaş azalma, vergidən yayınma faktları araşdırılsın, maaşların verilməsi təmin edilsin.

 

                            “Əmisinin gül balasının” xətri bu qədər əzizdir?


Həmin işçilər Teymur Əhmədovla bir neçə dəfə görüşüblər, lakin hər zaman onun verdiyi vədlər yalan çıxıb. Maaş borcları artıq 7 ayı ötür. Həmin işçilrin satışdan əldə edəcəkləri 1-3% nisbətində bonuslar isə Teymur tərəfindən tanınmır.
 İşçilər deyir ki, Fərhad Əhmədovun Teymurun bu hərəkətlərindən xəbəri yoxdur, xəbəri olsa maaşları da ödəyərdi, vergidən də yayınmazdı, qara satışların və qara kassanın olmasına icazə verməzdi. Fərhad Əhmədov milyonlarla pul yatırdığı "Aznar"a nəzarət etmir? Və ya “əmisinin gül balasının” xətri bu qədər əzizdir?”.

                                                        ***

Redaksiyamıza narazı və işdən kənarlaşdırılan insanların bir çox aidiyyatı orqanlara ünvanlanan müraciətləri də daxil olub. 

Azərbaycan Respublikası
Baş Prokuroru yanında Korrupsiyaya qarşı Mübarizə
Baş İdarəsinə

Biz aşağıda imza edənlər Teymur Əhmədovun adına olan “Aznar” QSC-nin Grante Trading filialında işləmişik. (hal-hazırda bəzilərimiz adı hələ də orada gedir). 2020-ci ilin dekabr ayında filiala yeni direktor təyin edildi və bundan sonra bütün bəlalarımız başladı. Filial "Aznar" zavodu tərəfindən istehsal edilən malların yerli bazarda satışı ilə məşğul idi.

 

Yeni direktor Ələkbərov Anar Azər oğlu əmək haqqlarının verilməsini dayandırdı. Bundan sonra hər birimizdən və filialın digər işçilərindən tələb edildi ki, ərizə yazaq işdən çıxaq. Bəzi işçilər bununla razılaşsa da əksəriyyət imtina etdi. Bundan sonra o bizə bildirdi ki, rəsmi ərizə yazaq ki, əmək haqqlarımızın azalmasına razıyıq və əmək müqavilələrinin müddətinin 1 ay olmasına etiraz etmirik. Yenə də bir çoxumuz əlacsızdıqdan və maaş almaq üçün bunu etdik, bəzilərimiz isə imtina etdik. Buna baxmayaraq, onun göstərişi ilə Əmək və Əhalinin Sosial Müdafiəsi Nazirliyinin əmək müqavilələrinin bildirişlərinin qeydiyyatı elektron sistemində əmək haqqlarımız azaldıldı. Əmək haqqları iki hissəyə bölündü: rəsmi və qeyri-rəsmi. Bununla belə, o, dövlətə ödəniləcək vergidən yayınaraq şirkətin vergi yükünü azaltdı, DSMF ödənişlərini kiçiltdi.

Qeyri-rəsmi maaşları ödəmək üçün isə ona “qara” pul lazım idi, ona görə o satışları “qara” formada edirdi. Zavoddan filiala satılan mal filial tərəfindən nağd qaydada satılır və heç yerdə rəsmiləşdirilmir.

Vergidən və DSMF ödənişlərindən yayınmasına baxmayaraq, o, yenə əmək haqqlarının ödənməsindən boyun qaçırır. Dövlət Əmək Müfəttişliyinə etdiyimiz şikayət də cavabsız qalıb. Maaşı tələb etdikdə, bizə ya hələ də qorxu gəlir ki, məhkəməyə verəcək, ya da deyir ki, şirkət müflis olub, hara şikayət edirsiniz edin. Son vaxtlar isə ofisi də bağlayıb.

Biz şirkətin baş direktoru Teymur Əhmədova da bu barədə məlumat vermişik lakin o da bütün bunlardan xəbərdar olmasına baxmayaraq heç bir tədbir görmür və uşaqlıq dostu olan A. Ələkbərovun tərəfini tutur.

Bundan əlavə, bir çoxumuz vurduğumuz aylıq hədəflərdən 3-5% bonus alırdıq, lakin o da heç yerdə rəsmiləşdirmədiyindən, bizə ödənilmir. Hal-hazırda filialın bizə 6 aylıq əmək haqqı borcu, son haq-hesab və bonus borcu mövcüddur, dövlətdən isə real maaşlarımız  və buna görə ödəniləcək vergi və sosial ödənişlər gizlədilir.

Son ümidmiz sizə müraciət etməkdir. Xahiş edirik, Ələkbərov Anar Azər oğlunun (0772011166) qanunsuz hərəkətləri, vergidən və sosial ödənişlərdən yayınma halları ciddi araşdırılsın, filialda yaratdlğı “qara kassa”ya gələn pulların mənşəyi araşdırılsın və bizə ödəniləcək əmək haqqları üzrə borcların ödənilməsi təmin edilsin.

İnanırıq ki, Ələkbərov Anar Azər oğlunun direktor postunda fəaliyyəti araşdırılsa daha da “maraqlı” faktlar üzə çıxacaq.

03 iyun 2021 

Azərbaycan Respublikası
İqtisadiyyat Nazirliyi yanında Dövlət Vergi Xidmətinə

Biz aşağıda imza edənlər Teymur Əhmədovun adına olan “Aznar” QSC-nin Grante Trading filialında işləmişik (hal-hazırda bəzilərimiz adı hələ də orada gedir). 2020-ci ilin dekabr ayında filiala yeni direktor təyin edildi və bundan sonra bütün bəlalarımız başladı. Filial "Aznar" zavodu tərəfindən istehsal edilən malların yerli bazarda satışı ilə məşğul idi.

 

Yeni direktor Ələkbərov Anar Azər oğlu əmək haqqlarının verilməsini dayandırdı. Bundan sonra hər birimizdən və filialın digər işçilərindən tələb edildi ki, ərizə yazaq işdən çıxaq. Bəzi işçilər bununla razılaşsa da əksəriyyət imtina etdi. Bundan sonra o bizə bildirdi ki, rəsmi ərizə yazaq ki, əmək haqqlarımızın azalmasına razıyıq və əmək müqavilələrinin müddətinin 1 ay olmasına etiraz etmirik. Yenə də bir çoxumuz əlacsızdıqdan və maaş almaq üçün bunu etdik, bəzilərimiz isə imtina etdik. Buna baxmayaraq, onun göstərişi ilə Əmək və Əhalinin Sosial Müdafiəsi Nazirliyinin əmək müqavilələrinin bildirişlərinin qeydiyyatı elektron sistemində əmək haqqlarımız azaldıldı. Əmək haqqları iki hissəyə bölündü: rəsmi və qeyri-rəsmi. Bununla belə, o, dövlətə ödəniləcək vergidən yayınaraq şirkətin vergi yükünü azaltdı, dsmf ödənişlərini kiçiltdi.

Qeyri-rəsmi maaşları ödəmək üçün isə ona “qara” pul lazım idi, ona görə o satışları “qara” formada edirdi. Zavoddan filiala satılan mal filial tərəfindən nağd qaydada satılır və heç yerdə rəsmiləşdirilmir.

Vergidən və DSMF ödənişlərindən yayınmasına baxmayaraq, o, yenə əmək haqqlarının ödəməsindən boyun qaçırır. Dövlət Əmək Müfəttişliyinə etdiyimiz şikayət də cavabsız qalıb. Maaşı tələb etdikdə, bizə ya hələ də qorxu gəlir ki, məhkəməyə verəcək, ya da deyir ki, şirkət müflis olub hara şikayət edirsiniz edin. Son vaxtlar isə ofisi də bağlayıb.

Bundan əlavə, bir çoxumuz vurduğumuz aylıq hədəflərdən 3-5% bonus alırdıq, lakin o da heç yerdə rəsmiləşdirmədiyindən, bizə ödənilmir. Hal-hazırda filialın bizə 6 aylıq əmək haqqı borcu, son haq-hesab və bonus borcu mövcüddur, dövlət isə real maaşlarımız  və buna görə ödəniləcək vergi və sosial ödənişlər gizlədilir.

Biz şirkətin baş direktoru Teymur Əhmədova da bu barədə məlumat vermişik lakin o da bütün bunlardan xəbərdar olmasına baxmayaraq heç bir tədbir görmür və uşaqlıq dostu olan A.Ələkbərovun tərəfini tutur.

Son ümidmiz sizə müraciət etməkdir. Xahiş edirik, Ələkbərov Anar Azər oğlunun (0772011166) qanunsuz hərəkətləri, vergidən və sosial ödənişlərdən yayınma halları ciddi araşdırılsın, filialda yaratdlğı “qara kassa”ya gələn pulların mənşəyi araşdırılsın və bizə ödəniləcək əmək haqqları üzrə borcların ödənilməsi təmin edilsin.

İnanırıq ki, Ələkbərov Anar Azər oğlunun direktor postunda fəaliyyəti araşdırılsa daha da “maraqlı” faktlar üzə çıxacaq.(müstəqil.az) 

Hörmətlə,

03 iyun 2021

 

 

шаблоны для dle 11.2

Yeni xəbərlər

Reklam

Reklam

{sape_links}{sape_article}