Redaktor seçimi
Milyarder Fərhad Əhmədovu qardaşı oğlu belə
Baba Rzayevin qardaşından Prezidentə təxribat: sahibkarı aldadıb intihara çatdırıb -
Rövşən Məmmədov Əli Həsənova nə qədər pul verib? - ŞOK DETALLAR -
“Azərbaycan Dəmir Yolları”nın adı QALMAQALDA -
Səfir Qüdsi Osmanovla bağlı şok video yayıldı: AZYAŞLILARI ZORLAMA, QƏTL, SİLAH ALVERÇİLƏRİ İLƏ ƏLAQƏ -
Qohumları deputat Məşhur Məmmədova qarşı üsyana qalxdı-
Topçubaşov adına Elmi Cərrahiyyə Mərkəzində rüşvət belə alınır-
Cahangir Əsgərovun xaricdəki 2 milyard dollarlıq sərvəti –
Günün xəbəri

Azərbaycanlı deputat məşhur moldovalı biznesmenin qızını Bakıda öz evində gizlədir - VİDEO -YENİLƏNİB

 

 Xəbər verdiyimiz kimi, Böyük Britaniya vətəndaşı, Moldovada yaşayan məşhur iş adamı Almari Vael Süleyman Milli Məclisin deputatı Ramil Həsənin onun qızını qaçırtması ilə bağlı iddiayla çıxış edib. O, deputatın ünvanına olduqca ağır ittihamlar səsləndirərək əlində övladını görməsi ilə bağlı məhkəmə qərarları olmasına baxmayaraq millət vəkilinin buna mane olduğunu bildirib.

Yenixeber.org: Sözügedən qalmaqalla bağlı deputat Ramil Həsən “qafqazinfo”ya açıqlama verib.

O qeyd edib ki, barəsində dərc olunanlar cəfəngiyyatdır və elə buna görə də geniş açıqlama verməyi tələb edən bir məsələ yoxdur:

“Barəmdə yazılanlarla bağlı hüquq-mühafizə orqanlarına müraciət edəcəyəm. Məsələ hüquqi müstəvidə araşdırılacaq. Siz də nəticəsini görəcəksiniz.

Düşünürəm ki, bu qarayaxmanı edənlər layiqli cəzalarını alacaqlar. Dövlətin inkişafı üçün çalışan birini ləkələməyin hesabını verəcəklər”.

***

16:51
Böyük Britaniya vətəndaşı, Moldovada yaşayan məşhur iş adamı, tanınmış biznesmen Almaree Wael Sulaiman ondan gizlin şəkildə, qeyri-leqal yolla Bakıya gətirilən övladını görmək üçün Azərbaycandakı aidiyyatı qurumlara, məhkəmə orqanlarına üz tutmaq məcburiyyətində qalıb. O, vaxtilə faktiki nikahda olduğu, Azərbaycan Milli Məclisinin deputatına qoşulub qaçan və hazırda onunla  evli olan Moldova Respublikası vətəndaşı Hasan (Lungu) Nicolai Ecaterinaya qarşı valideynlik hüquqlarının həyata keçirilməsinin təmin edilməsinə dair iddia ərizəsi ilə Nəsimi rayon məhkəməsinə müraciət edib. İddiaçının ərizəsi təmin olunub və məhkəmənin qərarına əsasən, iş adamına 7 yaşlı qızı Almaree Malika ilə ünsiyyətdə olmaq üçün hər həftənin bazar günü səkkiz saatlıq görüş vaxtı müəyyən edilib. Amma…

             “Millət vəkili azyaşlı övladımı evində gizlədir, onunla görüşməyimə imkan vermir”

İş adamı virtualaz.org-a açıqlamasında Milli Məclisin deputatı, millət vəkili Ramin Həsənovun öz qulluq mövqeyindən sui-istifadə edərək il yarımdır onu yeganə övladının üzünə həsrət qoyduğunu bildirib. Qızını görmək üçün dəfələrlə Moldovadan Azərbaycana gələn, doğma balasıyla görüşməyə can atan, əlacı hər yerdən üzüldüyündən məhkəmələrə üz tutan Almaree Wael Sulaiman övladı ilə ünsiyyət qurmasına əngəl törədən şəxsin məhz millət vəkili Ramin Həsənov olduğunu deyib.

Britaniya əsilli moldovalı biznesmen 7 yaşlı qızı Malika ilə

 Almaree Wael Sulaimanın dediklərindən belə məlum olub ki, idman zalında resepşın işləyən Hasan (Lungu) Nicolai Ecaterina ilə 2012-ci ildə Moldovada tanış olub,  iki ilə yaxın onunla faktiki nikahda yaşayıb. 2014-cü ildə qız övladı dünyaya gəlib.

Əcnəbi biznesmen deyir: “Ecaterina ilə rəsmi nikahımız olmayıb. Uşaq doğulandan sonra ayrılmışıq. Ona demişdim ki, maddi təminatınızı hər zaman ödəyəcəyəm. Mən başqa qadınla rəsmi nikaha girmişəm, ailəliyəm.  Ecaterina qızım Malikanı  mənə göstərmirdi. Malika mənim yeganə övladımdır,  ondan başqa övladım yoxdur. Ayrılsaq da, Ecaterinanın bütün maddi tələbatlarını ödəyirdim. Uşağımla parkda görüşürdüm. Buna baxmayaraq hər dəfə qızımı görmək üçün yenə də pul tələb edir, mən də ona istədiyi pulu verirdim. Ona bahalı maşın almışdım, istirahət etmək üçün Türkiyəyə də göndərmişdim. Bir sözlə, bütün maddi ehtiyaclarını öz üzərimə götürmüşdüm ”.

                   Moldavanlı qadınla azərbaycanlı deputatın eşq macarası

İş adamı deyir ki, Eceterina təxminən 2018-ci ildə Azərbaycan parlamentinin deputatı Ramin Həsənovla tanış olub. Bu barədə onun özü Almaree Wael Sulaimaniyə bildirib: “Ecaterinanın Ramillə olan münasibətinə qarşı çıxmadım. Amma onlar mənim övladımı gizli şəkildə, qeyri-leqal yolla Moldovadan Azərbaycana gətiriblər. Hər yerə şikayət etdim. Ecaterina hazırda interpolda axtarışdadır”.

Övladının gizli, qanunsuz şəkildə Moldovadan çıxarılmasını öyrənən ata yerli məhkəmələrə müraciət edib. Bununla bağlı tərəflər arasında uzun sürən məhkəmə çəkişmələri olub. Moldova məhkəməsi uşağın atasının himayəsində qalması ilə bağlı qərar çıxarıb. Həmin məhkəmə qətnaməsində birbaşa göstərilib ki, Almaree Malika atası Almaree Wael Sulaimanın himayəsində qalmalıdır. Qarşı tərəf məhkəmənin qərarından yuxarı instansiya məhkəmələrinə şikayət etsə də, şikayətləri təmin olunmayıb.

                        Ali Məhkəmənin qərarından Konstitusiya Məhkəməsinə şikayət verilib

Almaree Wael Sulaimanın hüquqlarını müdafiə edən vəkil Ənvər Əmirəliyev virtualaz.org-a bildirib ki, Moldova məhkəməsinin çıxardığı qətnamə tanınma üçün Azərbaycana yönəlib.

“Qanunvericiliyə uyğun olaraq xarici məhkəmə qətnaməsinin tanınmasını Ali Məhkəmə həyata keçirdiyi üçün iş Ali Məhkəməyə göndərildi. İş Ali Məhkəmənin hakimi Vüqar Həsənovun icraatında idi. Ali Məhkəmədə qətnaməni tanımadılar. Əsas olaraq göstərdilər ki, Ecaterinanın Azərbaycanda oturumu ləğv edilib. Bununla bağlı Dövlət Miqrasiya Xidmətinə sorğu verdik. Məlum oldu ki, məhkəmədən sonra  Ecaterinanın müvəqqəti oturumu bərpa olunub, hansısa mənzildə qeydiyyatdadır. Ali Məhkəmənin bu qərarından Konstitusiya Məhkəməsinə şikayət vermişik”,-vəkil bildirib.

                  “Mən atayam, övladımı görməyənə kimi Azərbaycandan heç yerə getməyəcəyəm”  

Artıq üçüncü dəfədir ki, qızının arxasınca Azərbaycana gələn Almaree Wael Sulaiman yeganə istəyinin övladına qovuşmaq olduğunu deyir. Bildirir ki, ötən ilin sentyabrından bu yana qızını görə bilmir.

“Övladımı mənə göstərmirlər. Heç kimdən heç nə istəmirəm, tələb də etmirəm. Yalnız uşağımı görmək istəyirəm. Mən atayam, buna mənim haqqım var. Moldovadakı bütün işlərimi atıb qızımın dalınca buralara qədər gəlmişəm. Övladımı görməyincə, bu məsələ öz həllini tapmayınca Azərbaycandan heç yerə gedən deyiləm”,-o deyir.

 

Deputat Ramin Həsənov 

Valideynlik hüquqlarının həyata keçirilməsinin təmin edilməsi ilə bağlı Nəsimi rayon məhkəməsində qaldırılan iddia ərizəsi təmin olunduqdan sonra iş adamı icra nümayəndələri,  hüquqlarını müdafiə edən vəkillər – Muxtar Mustafayev və Ənvər Əmirəliyevlə birgə övladının yaşadığı ünvana yollanıb.  Mənzilin qapısını onların üzünə millət vəkili Ramin Həsənov açıb.

              “Deyir, mən parlamentin üzvüyəm, iki günə məhkəmənin qərarını ləğv etdirərəm”

“Nəsimi rayon məhkəməsinə ərizə ilə müraciət etdik ki, bu mübahisəli məsələ həllini tapana qədər ata öz qızı ilə müvəqqəti görüşə bilsin. Hakim Cəmilə Musayeva ədalətli və düzgün qərar qəbul etdi, uşaqla atanın həftədə bir dəfə görüşməsinə dair qərar qəbul olundu. Ecaterinanın yaşadığı ünvanı dəqiqləşdirib oraya gəldik, bizi qapıda Ramin Həsənov qarşıladı. Əllərini belinə qoyub bizə dedi ki, belə bir hüququnuz yoxdur, bununla bağlı Ali Məhkəmənin qərarı var”- vəkil Ənvər Əmirəliyev bildirib.

 

Malika pəncərənin arxasından baxır…

 Vəkil deyir ki, hətta Ali Məhkəmənin bununla bağlı qərarı olsa da belə, onun bu işə heç bir aidiyyatı yoxdur. Ali Məhkəmədə aparılan işdə uşağın himayə məsələsi həll olunur. Bu isə tamam ayrı bir işdir: “Biz Nəsimi rayon məhkəməsində ayrı iddia qaldırmışıq, uşaqla müvəqqəti görüş istəmişik. Bunu uşağın himayə məsələsi ilə qarışdırmaq olmaz. Təsəvvür edin, interpolda axtarışda olan adam millət vəkilinin xüsusi mülkiyyətindəki ünvanda qeydiyyatdadır. Bizdə olan məlumata görə Ecaterina ilə Ramin Həsənov rəsmi nikaha da giriblər. Amma deyir ki, bu evdə heç kim yoxdur. Məhkəmə qərarına birbaşa hörmətsizlik edir, “mən parlamentin üzvüyəm, iki günə Nəsimi rayon məhkəməsinin qərarını ləğv etdirərəm” deyir. Bu adam göz görə-görə, çəkinmədən vəzifə səlahiyyətlərini aşır”.

                “Bu qədər də olmaz, hər şeyin bir həddi-hüdudu var”

Vəkil Ənvər Əmirəliyevin sözlərinə görə, bu məsələni Milli Məclisin deputatı özü ifrat dərəcəyə gətirib çıxarıb: “İcra məmurlarına deyir, siz kimsiniz mənim qapıma gəlmisiniz? İcra məmuru da Ecaterina və azyaşlı qızının onun evində yaşadığını bildirir. Ramin Həsənov cavab verir ki, tanımıram. Halbuki, uşaq da, anası da Ramin Həsənova məxsus mənzildə qeydiyyatdadırlar”.

Vəkil bildirir ki, R.Həsənova atanın öz övladı ilə görüşmək hüququnun olduğunu xatırladanda o, gah uşağın evdə olmadığını, gah haradasa gizlətdiyini deyib. Yəni deputat atanın övladını görməsinə heç cür imkan verməyib.

“Deyir, mən deputatam, gedin işinizlə məşğul olun. Bu qədər də olmaz axı, hər şeyin bir həddi-hüdudu var. Əlimizdə rəsmi icra qərarı ola-ola bizə qarşı bu cür münasibət göstərir. Deyir uşaq evdə yoxdur”,-Ə.Əmirəliyev deyir.

Vəkilin sözlərinə görə, binanın komendantı və təhlükəsizlik xidmətinin rəisi Ecaterina və qızı Almaree Malikanın həmin ünvanda yaşadığını təsdiq ediblər.

Övlad həsrəti ilə alışıb-yanan ata isə qızının pəncərədən ona əl işarələri ilə görüşə icazə vermədiklərini çatdıra bildiyini deyir…

 

шаблоны для dle 11.2

Yeni xəbərlər

Reklam

Reklam

{sape_links}{sape_article}