Avropa Komissiyasının enerji məsələləri üzrə vitse-prezidenti Maroş Şefçoviç bu gün bəyanatla çıxış edərək bildirib ki, Avropanın qaz təchizatı mənbələrini diversifikasiya etmək üçün tək ümidi Azərbaycandır.

"Xeberinfo.com":  Məlumata görə, Şefçoviç Azərbaycanın təşəbbüsü ilə reallaşmaqda olan Cənub Qaz Dəhlizinin hazırda Avropanın yeni mənbədən iri həcmdə qaz almasını təmin edən yeganə variantdır. O,layihənin 45 milyard dollara başa gələcəyini, Azərbaycan qazının Avropa istehlakçılarına 2019-cu ildən başlayaraq çatdırılacağını xatırladıb.

Şefçoviçin sözlərinə görə, Ukraynanın şərqindəki münaqişə Avropa İttifaqını məcbur edib ki, enerji təchizatı mənbələrinin diversifikasiya olunmasını sürətləndirsin. O, Aİ-nin hər yay qarşıdakı qışda enerji daşıyıcılarının nəqlinin dayanması təhlükəsindən narahatlıq keçirdiyini və artıq bundan bezdiyini deyib. 

Şefçoviç ötən həftə Cənub Qaz Dəhlizinə dair Məşvərət Şurasının Bakıda keçirilən birinci iclasında iştirak edib. Azərbaycan prezidenti İlham Əliyev bundan əvvəl Münhen təhlükəsizlik konfransında iştirakı zamanı bəyan etmişdi ki, Cənub Qaz Dəhlizinin iştirakçısı olan Avropa ölkələri bürokratik əngəlləri tez aradan qaldırmalı və layihənin həyata keçirilməsində ləngimələrə yol verilməməlidir.

Virtualaz.org