Redaktor seçimi
“Qurtuluş-93”də kəsilən ağacların yerində qanunsuz tikintilər aparılır -
Vətəndaşın 3 qəpiyinə göz dikən Aydın Talibovun deputatlıq arzuları… -
Əmlak Komitəsində Eldəniz Qafarov kabusu:
Naxçıvanın mühafizəçiləri belə oliqarx olan Baş naziri: Ceyhun Cəlilov kimin kadrıdır? –
Emil Alxaslını kim və niyə qoruyur? - “SOCAR Downstream Management” şirkətinin etdiyi özbaşınalıqlara “dur” deyən olacaq?-
“Azərdövlətlayihə” DBL İnstitutunun direktoru öz şirkətini “tender çempionu” etdirir? -
Baba Rzayevin köhnə dostu Baxış Babayevlə işbirliyinin arxasında nələr durur? -
Ağalar Vəliyevin “Kristal Abşeron”u və qalmaqallı tarixçəsi -
Günün xəbəri

Ölkəyə gətirilən maşınlara aksiz vergisi tətbiq olunur–Qiymətlər kəskin bahalaşacaq

“Minik avtomobillərinə aksiz vergisi tətbiq olunarsa, qiymət qalxacaq, bu da maşın bazarına mənfi təsir göstərəcək”.

Yenixeber.org: Bunu minik avtomobillərinə tətbiq edilən aksiz vergisinin artırılmasına münasibət bildirən ekspert Eldəniz Cəfərov deyib.

Onun sözlərinə görə aksizlərin tətbiq olunması avtomobillərin qiymətinin yüksəlməsinə təsir göstərəcək, insanlar da öz növbəsində komfortlu avtomobil almaqdan imtina edəcəklər: “Komfortlu avtomobillər əsasən mühərriki iri həcmli olan, Avropa, Yaponiya, Koreya istehsalı olan avtomobillərdir ki, onlar daha təhlükəsizdir. Onların motor həcmi də böyükdür. Buna görə də vətəndaşlar az komfortlu avtomobil almağa məcbur qalacaqlar.

Bildiyimə görə, aksiz vergisinin artırılması Azərbaycanın özünün avtomobil istehsal etməsi ilə əlaqələndirilir. Məlumdur ki, Naxçıvanda “NAZ-Lifan”, Neftçalada “Xəzər” avtomobilləri istehsal olunur, amma bu avtomobillərin mühərriki kiçik həcmlidir, aksizlər isə böyük həcmli mühərrikli avtomobillərə tətbiq olunur. Kiçik mühərrikli və mexaniki ötürücülü olan bu avtomobillər o qədər də komfortlu deyil”.

Ekspert bildirib ki, biz avtomobil parkını yeniləmək, bazarı inkişaf etmək əvəzinə belə qərarlarla vəziyyəti daha da pisləşdiririk: “Dövlətin məqsədi odur ki, avtomobil parkı yenilənsin, köhnə avtomobillərlə vidalaşaq, yeni avtomobillərin sayı artırılsın, ekologiyaya da müsbət təsir eləsin. Bu avtomobil bazarında da dinamika yaradır”.

Ekspert düşünür ki, bunu kompensasiya etmək olar: “Mühərrik həcminə görə aksizlərin qiyməti qalxırsa, heç olmasa hibrid avtomobillərə görə gömrük və mühərrik həcmi rüsumu alınmasın”.

Qeyd edək ki, Vergilər Məcəlləsinə təklif edilən dəyişikliyə görə, mühərrikin həcmi 2000 kubsantimetrədək olduqda mühərrikin həcminin hər kubsantimetrinə görə 3 manat (əvvəl 2 manat), mühərrikin həcmi 3000 kubsantimetrədək olduqda 600 manat (əvvəl 400 manat) + mühərrikin həcminin 2001- 3000 kubsantimetr hissəsi üçün hər kubsantimetrə görə – 5 manat (əvvəl 3 manat), mühərrikin həcmi 4000 kubsantimetrədək olduqda 5600 manat (əvvəl 3400 manat) + mühərrikin həcminin 3001- 4000 kubsantimetr hissəsi üçün hər kubsantimetrə görə – 13 (əvvəl 8 manat), mühərrikin həcmi 5000 kubsantimetrədək olduqda 18600 (əvvəl 11 400 manat) + mühərrikin həcminin 4001-5000 kubsantimetr hissəsi üçün hər kubsantimetrə görə – 35 manat (əvvəl 20 manat), mühərrikin həcmi 5000 kubsantimetrdən çox olduqda 53600 əvvəl (31 400 manat) + mühərrikin həcminin 5000 kubsantimetrdən çox hissəsi üçün hər kubsantimetrə görə – 70 manat (əvvəl 40 manat) aksiz vergisinin tətbiq olunması təklif edilir/Teleqraf.com


Facebook-da paylaş

Yeni xəbərlər

Reklam

Reklam