Bu gün Avropa Oyunlarında boks yarışlarının 1/4 final mərhələsi keçiriləcək.  

"Xebrinfo.com":   Məlumata görə, 5-i kişi, 2-i qadın olmaqla 7 çəki dərəcəsində boksçular yarımfinal uğrunda mübarizə aparacaqlar. Bu gün qadın idmançılarımız rinqə çıxmayacaqlar.   49 kq çəki dərəcəsində Salman Əlizadə 1/4 finalda irlandiyalı Brendan İrvinlə qarşılaşacaq. Görüş saat 13:30-da başlayacaq.   52 kq çəki dərəcəsində Elvin Məmişzadə bolqarıstanlı Daniel Asenovla üz-üzə gələcək. Qarşılaşmanın start fiti saat 19:30-da veriləcək.   56 kq çəki dərəcəsində Tayfur Əliyev 1/4 finalda danimarkalı Frederik Yansenlə görüşəcək. Qarşılaşma saat 14:00-da keçiriləcək.   81 kq çəki dərəcəsində Teymur Məmmədov holland Peter Mullenberqlə üz-üzə gələcək. Görüş 20:45-də başlayacaq.   +91 kq çəki dərəcəsində Məhəmmədrəsul Məcidov 1/4 finalda türkiyəli Ali Dəmirəzənlə görüşəcək. Boksçular 21:00-da rinqə çıxacaqlar.   13:45   Salman Əlizadə 1/4 finalda irlandiyalı Brendan İrvinlə qarşılaşıb. O, rəqibinə 2-1 məğlub olub.