AZ
RU
Qadın güləşçimiz 8-ci qızıl medalı qazandı
Azərbaycanın qadın güləşçisi Anjela Doroqan 53 kq çəki dərəcəsində keçirilən yarışların qalibi olub.
"Xeberinfo.com": Məlumata görə, bununla da Azərbaycan I Avropa Oyunlarında 8-ci qızıl medalı qazanıb.
19:24
53 kq çəki dərəcəsində ölkəmizi təmsil edən Anjela Doroqan 1/2 final mərhələsində Makedoniya güləşçisi Budu Natalianı 0-5 hesabı ilə məğlub edərək finala çıxıb!
58 kq çəki dərəcəsində 1/2 final görüşündə güləşçimiz İrina Netreba macar Emese Barka ilə yarışıb. Rəqibinə 1-3 hesabı ilə uduzan Netrebanın bürünc medal şansı qalır.
Güləşçimiz rəqibindən tam üstün olaraq ona vaxtından əvvəl 4:0 hesabı (tuşe) ilə qalib gələrək yarışın yarımfinalına çıxıb. Doroqanın yarımfinaldakı rəqibi Moldova təmsilçisi Nataliya Budu olacaq.
Güləşçimiz güclü rəqibi ilə keçən gərgin mübarizədə 6:4 hesabı ilə üstün gələrək yarımfinala vəsiqə qazanıb.
58 kq çəki dərəcəsində 1/8 final görüşündə güləşçimiz İrina Netreba italiyalı Karola Raynero ilə yarışıb. Rəqibinə 1-3 hesabla qalib gələn idmançımız 1/4 finalda!
10:26
Qarşılaşmalar Heydər Əliyev adına İdman Arenasında keçirilir.
Xanımlar bu gün 53, 58, 63, 75 kq çəki dərəcələrində yarışacaqlar.
53 kq çəki dərəcəsində ölkəmizi təmsil edən Anjela Doroqan mübarizəyə birbaşa 1/8 final mərhələsindən başlayacaq. O, 10:49-da Türkiyə təmsilçisi Merve Kengerlə qarşılaşacaq.
58 kq çəki dərəcəsində Azərbaycan adına İrina Netreba yarışacaq. 10:14-də başlanacaq 1/8 final görüşündə onun rəqibi italiyalı Karola Raynero olacaq.
63 kq çəki dərəcəsində güləşçimiz Elmira Qəmbərova da 1/8 final mərhələsindən mübarizəyə başlayacaq. 10:28-də başlanacaq görüşdə onun rəqibi İsveçdən Henna Cohansson olacaq.
75 kq çəki dərəcəsindəki idmançımız Gözəl Zutova 1/8 final mərhələsində ukraynalı Oksana Vaşçuk ilə görüşəcək. Qarşılaşma 10:56-da başlanacaq.
İdmançılarımıza uğurlar arzulayırıq!
