AZ
RU
Neftçalada 17 yaşlı qızı vurub qaçmış sürücü tapıldı
Mayın 2-də Salyan-Neftçala avtomobil yolunun Neftçala rayonunun Qədimkənd kəndindən keçən hissəsində piyada - Neftçala rayonunun Kürqarabucaq kənd sakini, 2001-ci ildə anadan olmuş Nuray Mirzəağa qızı Məmmədovanı vuraraq hadisə yerindən uzaqlaşmış avtomobil və sürücüsü müəyyən olunaraq məsuliyyətə cəlb olunubYenixeber.org: Neftçala Rayon Polis Şöbəsi DYP əməkdaşlarının həyata keçirdikləri operativ əməliyyat tədbirləri nəticəsində hadisəni törətməkdə şübhəli bilinən sürücü - Masallı rayonunun Xırmandalı kənd sakini, 39 yaşlı Məmiyev Bahəddin Ağəddin oğlu və onun idarə etdiyi 10 SA 596 dövlət nömrə nişanlı "Mercedes-180" markalı minik maşını müəyyən olunub və mayın 19-da Neftçala Rayon Polis Şöbəsinə gətirilərək istintaqa təqdim olunub.
Hadisə nəticəsində Nuray Məmmədova ağır xəsarət alıb - çanaq sümüyü sınıb. Hadisə 11-ci sinif şagirdi olduğu üçün ali məktəbə hazırlaşan Nuray repetitor yanından qayıdarkən onu evə aparmaq üçün arxasınca gəlmiş babası Bayram Əliyevin maşınına oturmaq üçün yolu keçmək istyərəkən baş verib.
Faktla bağlı Neftçala Rayon Polis Şöbəsində cinayət işi qaldırılıb, araşdırmalar aparılır.
