AZ
RU
"Sədərək"də növbəti yanğın
Bu səhər "Sədərək" ticarət yarmarkasında növbəti dəfə yanğın baş verib.
"Xeberinfo.com":Məlumata görə, yanğın 3-cü sıra, 5-ci korpusda əmələ gəlib və bir sıra mağazalara ziyan vurub.
Hadisə yerinə Fövqəladə Hallar Nazirliyinin yanğınsöndürənləri cəlb edilib və onlar yanğını lokallaşdıra biliblər.
ANSPRESS-in məlumatına görə, hadisə nəticəsində ümumi sahəsi 163 kv.m olan 5 mağazanın yanar konstruksiyaları, lambirdən ibarət tavanı və içərisində olan mallar 12 kv.m sahədə yanıb. Hadisə yerinə 5 yanğınsöndürən cəlb olunub.
Bitişik mağazalar yanğından mühafizə olunub. Yanğın saat 07:47-də yanğınsöndürənlər tərəfindən söndürülüb. Xoşbəxtlikdən yanğında xəsarət alan olmayıb.
İlkin ehtimala görə, hadisə elektrik naqillərindəki qısaqapanma nəticəsində baş verib.
Onu da qeyd edək ki, bu ticarət mərkəzində də yanğın hadisələri vaxtaşırı olur və bir qayda olara yanğınların elektrik naqillərindəki qısaqapanmadan olduğu bildirilir.
Əlavə məlumat veriləcək.
