Bakı şəhər Baş Polis İdarəsinin mətbuat xidməti paytaxtda baş verən kriminal hadisələrlə bağlı məlumat yayıb.

“xeberinfo.com” həmin xəbərləri təqdim edir: 

Bakı Şəhər BPİ NMİ vəYasamal RPİ NMB əməkdaşlarının keçirdiyi əməliyyat tədbirləri nəticəsində, Bakı şəhər sakinləri, əvvəllər məhkum olunmuşlar Emin Səttarovdan 45 qrama yaxın tiryək, Cabbar Cabbarovdan isə 480 qram marixuana götürülüb.

Xəzər RPİ 1-ci PB və PPXB əməkdaşlarının keçirdiyi əməliyyat-axtarış tədbirləri nəticəsində, AR CM-nin 29,177-ci (oğurluğa cəhd) maddəsilə axtarışda olan Babək Həşimov tutulub.

Martın 30-na keçən gecə, Zirə qəsəbə sakini Pərviz Yunusova, Ağamirzə Mütəllimova, Əbülfəz Zeynalova məxsus mağazalardan, qapının qıfılını sındırmaq yolu ilə noutbuk, fotoaparat, pul, 6 ədəd mobil telefon, danışıq kartları, Nazim Məmmədova məxsus aptekdən plastik qapının qıfılını sındırmaqla pul oğurlanıb. Xəzər RPİ 1-ci PB əməkdaşlarının keçirdiyi əməliyyat tədbirləri nəticəsində, oğurluqda şübhəli bilinən Bakı şəhər sakini Taleh Əliyev tutulub.

Xəzər RPİ 2-ci PB və PPXB əməkdaşlarının keçirdiyi əməliyyat-axtarış tədbirləri nəticəsində, AR CM-nin 178-ci və 320-ci maddələri ilə axtarışda olan Fəzail Azayev tutulub.

Martın 30-da Biləcəri qəsəbəsi Natavan küçəsində, orada yaşayan Elşad Babaşov bıçaq xəsarətləri ilə xəstəxanaya yerləşdirilib. Binəqədi RPİ 6-cı PB əməkdaşlarının keçirdiyi əməliyyat tədbirləri nəticəsində, cinayətdə şübhəli bilinən Bakı şəhər sakini Rəşad Abdullayev tutulub.

Sabunçu RPİ NMB əməkdaşlarının keçirdiyi əməliyyat tədbirləri nəticəsində, Biləsuvar rayon sakini Səidə Qasımovadan 44 qrama yaxın heroin və 74 qramdan artıq tiryək götürülüb.

Nizami RPİ 24-cü PB əməkdaşlarının keçirdiyi əməliyyat-axtarış tədbirləri nəticəsində, AR CM-nin 178-ci (dələduzluq) maddəsi ilə axtarışda olan Rübabə Quliyeva tutulub.

Martın 30-na keçən gecə, Bakı şəhər sakini Elxan İsgəndərova məxsus Yeni Günəşlı qəsəbəsində yerləşən «Topaz» məntəqəsindən, qapının qıfılını sındırmaqla 3700 manat oğurlanıb. Suraxanı RPİ 33-cü PB əməkdaşlarının keçirdiyi əməliyyat tədbirləri nəticəsində, oğurluqda şübhəli bilinən Bakı şəhər sakini Çingiz İmanov tutulub.

Xətai RPİ 34-cü PB əməkdaşlarının keçirdiyi əməliyyat-axtarış tədbirləri nəticəsində, AR CM-nin 178-ci (dələduzluq) maddəsi ilə axtarışda olan Elnur Süleymanov tutulub.