AZ
RU
“Rusiya Odessaya hücum edə bilər”
Rusiya hərbçiləri prezident Vladimir Putinin əmri ilə Odessa üzərinə hücuma başlaya bilərlər.
"Xeberinfo.com": Musavat.com-un xarici qaynağa istinadən verdiyi xəbərə görə, belə bir xəbərdarlıqla amerikalı respublikaçı-senator, Konqresin Hərbi məsələlər üzrə komitəsinin sədri Con Makkeyn bu gün Vaşinqtonda jurnalistlər qarşısında çıxışı zamanl deyib.
“Əgər o qarşılığını almayacağını düşünsə, o zaman tamamilə mümkündür ki, Moldova tərəfdən Odessa üzərinə gedəcək. Moldovada – Dnestryanı bölgədə Putinin “sülhməramlı” adlı ilə 1400 nəfərlik dəstəsi var” – deyib senator.
Makkeyn Almaniyanın xarici işlər naziri Frank-Valter Ştaynmayeri də sərt tənqid edib, naziri “Ukraynada Rusiyanın qabağını almağa səy göstərməməkdə” qınayıb.
“Almaniyanın xarici işlər naziri həmin oğlandır ki, öz hökuməti kimi ukraynalıları qıran Putinin hərəkətlərini məhdudlaşdırmağa yönəlik addımlar atmaqdan imtina edir. Ona etibar yoxdur” – əlavə edib siyasətçi.
