Redaktor seçimi
Qorxulu Tehran:
General İsmayıl Hüseynov bu sahədə monopoliya yaradır -
İkinci 44 günlük “savaş” -
75 şüşə konyak, 7500 dollarıq yəhər, oraq-çəkicli telefon –
Ziyəddin Əliyevin Avstriyada da biznesi aşkar edildi -
Azad edilən su ehtiyatlarını yenidən "işğal edənlər" -
Paşinyan Rusiyanı qovub, Qərbi gətirir -
Yerevanda mitinqlər, Xocavənddə uşaq meyiti, Bakı buxtasında gizli qərargah -
Günün xəbəri

Vidadi İsayev və Şahin Məmmədov da həbs oluna bilər-Məmurlar üçün “Damokl qılıncı”

 

 Yenixeber.org: Yaxın zamanlarda Bərdə rayon icra hakimiyyətinin başçısı Vidadi İsayev və Masallı rayon icra hakimiyyətinin başçısı Şahin Məmmədov da Mahir Quliyevin taleyini yaşaya bilər. Bu haqda politoloq Xaqani Cəfərli yazıb:

Prezident İlham Əliyev Milli Məclisə təqdimat göndərərək Baş prokuror vəzifəsinə Baş prokuror yanında Korrupsiyaya qarşı Mübarizə İdarəsinin rəisi Kamran Əliyevin təyin olunmasına razılıq verilməsini istəyib. Milli Məclis prezidentin bu istəyini ən qısa zamanda təmin edəcək və Kamran Əliyev Baş prokuror təyin olunacaq.

Uzun illər Korrupsiyaya qarşı Mübarizə İdarəsinə rəhbərlik etmiş bir şəxsin Baş prokuror vəzifəsinə təyin olunması bir anlama gəlir: Korrupsioner məmurların həbsi artacaq.

Korrupsiyaya qarşı Mübarizə İdarəsi rəisinin Baş prokuror vəzifəsinə təyin olunması ilə bağlı təqdimatın Milli Məclisə göndərildiyi gün Dövlət Təhlükəsizlik Xidmətinin Biləsuvar rayon icra hakimiyyətinin başçısı Mahir Quliyev, onun müavinləri, Xanlar Bayram oğlu Məmmədov, Elsevər Cəmil oğlu Həsənov və Ləman Cəbrayıl qızı Yüzbaşovanı həbs etməsi də iqtidarın korrupsiyaya qarşı mübarizə görüntüsünü dərinləşdirməyə çalışdığından xəbər verir. Bununla da cəmiyyətdə hər ötən gün güclənən Ədalət istəyin təmin etməyə çalışılacaq.

Korrupsiya ilə bağlı ən məlumatlı şəxsin Baş prokuror vəzifəsinə gətirilməsi məmurların yuxularını da qaçıracaq. Artıq hər bir nazir, komitə sədri, ASC-i rəhbəri, icra başçısı başı üzərində “Damokl qılıncı”nı hiss edəcək.

Yaxın zamanlarda Bərdə rayon icra hakimiyyətinin başçısı Vidadi İsayev və Masallı rayon icra hakimiyyətinin başçısı Şahin Məmmədov da Mahir Quliyevin taleyin yaşasa, buna təəccüblənməyəcəm.


Facebook-da paylaş

Yeni xəbərlər

Reklam

Reklam