Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Netanyahu erası bitir?-Seçkilərin nəticəsi

 

İsraildə parlament seçkilərinin nəticəsi baş nazir Benyamin Netanyahu üçün məyusluqla bitib. Son məlumatlara görə, baş nazirin “Likud” partiyası 31, rəqibi Benni Qantzın rəhbərliyindəki “Kahol-Lavan” (Mavi və Ağ) partiyası isə 32 yer qazanıb.

Yenixeber.org: Siyasi müşahidəçilər seçkidə “Vahid ərəb siyahısı”nın 13, rusdilli Aviqdor Libermanın “Bizim evmiz İsraildir” partiyasının 9 yer almasına diqqət çəkiblər.

Ortaya çıxan nəticə radikal sağçı Aviqdor Libermanı olası koalisiya hökumətində kritik mövqeyə qoyub.

Almaniyanın “Die Welt” qəzetinin analitiki Gil Yaronun yazdığına görə, əslində Benyamin Netanyahunun parlamentdə əksər yerləri almamasının əsas günahkarı da elə A.Libermanın özü olub. Keçmiş müdafiə naziri radikal qüvvələr və ravvinlərdən bezən əhalinin səslərinin bir hissəsini özünə çəkməyi bacarıb.

İndi İsraildə ən populyar fikir geniş milli hökumətin qurulmasıdır. Bunu Aviqdor Libermanın özü də müdafiə edir. O, bunun üçün partiyasına gələcək hökumətdə yer verilməsinin zəruri olduğunu söyləyib.

Bu məsələ olduqca çətin görünür. Belə ki, “Mavi-ağ”ların böyük hissəsi vaxtilə baş nazirdən narazı olub “Likud”u tərk edənlərdir. İndi həmin qüvvələr Benni Qantsa Benyamin Netanyahunu kənarlaşdırmağa yardım edirlər. Onların hazırda hakimiyyət partiyası ilə koalisiyaya getməyə etirazları yoxdur. Lakin bunun üçün “Likud” öz liderinin “başını verməli”, yəni ondan imtina etməlidir.

Seçkilərdə ərəb koalisiyasının qazandığı yerlərin sayını artırması Benyamin Netanyahunun vəziyyətini ağırlaşdırıb. İsrail baş nazirinə qatı müxalif sayılan “Ortaq siyahı”nın lideri Ayman Odehin “İnsanlarımıza təşəkkür etmək istəyirəm. 13 yerlə təxribatçı Netanyahunu evinə göndərəcəyimizə inanıram” sözləri bunu göstərir. Ərəblərin Benyamin Netanyuhunu hakimiyyətinə son vermək üçün kənardan Benni Qantza dəstək verməyə hazır olduğu deyilir.

“Ona görə də İsraildə hər şey kimin birinci güzəştə getməsindən asılı olacaq. Yaxın həftələrin yəhudi dövləti üçün gərgin və sürprizlərlə dolu keçəcəyini gözləmək mümkündür”, - deyə Gili Yaron qeyd edir.


Facebook-da paylaş

Yeni xəbərlər

Reklam

Reklam