"Xeberinfo.com": 

Baxıram dünyanın bu gərdişınə

Dəli bir ağlamaq keçir könlümdən

Fələk rəvac verdi namərd işinə,

Dəli bir ağlamaq keçir könlümdən.

ALI

Şütüyən qatardı ömrün günün də

Bu ömür payından nə düşdü sənə

Qəlbinin ağrısı vətən həsrəti

Yarımçıq bir ömür yaş düşdü sənə!

TƏRANƏ ŞƏMS...

Yanmadım ömrümdən keçən illərə

Baxıb məzarlıqda solan güllərə

Söykəyib üzümü qərənfillərə

Dəli bir ağlamaq keçir könlümdən!

ALI

Alışan səyyaha bənzədi ömrün

Xəyalda yaşayır ötən hər günün

Yarımşıq ömürdən çox illər ötür,

Yazda gələn quşlar yurduna köçür!

TƏRANƏ ŞƏMS...

Mənası bir imiş toyun yasında

Bu qara zülmətin ağ libasında,

Durub haqq evinin astanasında,

Dəli bir ağlamaq keçir kğnlümdən!

ALI

Bəxtinə yazıldı qırılan ömür

Səsin yetdi ərşə gəldi göylərdən,

Hıçqıra – hıçqıra ağladı könül

Gəldi ölüm sorağın başqa yerlərdən!

TƏRANƏ ŞƏMS...

Vətənin dərdindən qəlbin yaralı,

Son vida deməmiş, yolun haralı

Könlünü ağladan qəm – kədərindən,

Bir sözün dillərdə qaldı ay Alı!

Dəli bir ağlamaq keçdi könlündən!

Dəli bir ağlamaq keçdi könlündən!

(şerinə istinadən Alı Mustafayev...

Təranə Şəms deyişmə)