AZ
RU
DÜNYA
- "Xeberinfo.com":
- ULVİYYƏ VAHİD - TƏRANƏ ŞƏMS(deyişmə)
- Bir gün də açıldı, nurlu sabaha,
- Yaşamaq eşqi ilə gözəldi dünya.
- Özü əbədidir, bizlərsə qonaq,
- Bəlkə də bu üzdən yalandı dünya..
- TƏRANƏ ŞƏMS
- Düşmənlər yağılar , gəldi dünyaya
- Dağıdıb dünyanı , viran qoymaya.
- Əl uzat yağının gözun oymaya,
- Bəlkə də bu üzdən talandı dünya.
- ULVİYYƏ VAHİD...
- Namədi mərdinə aman verməyir,
- Kimlərə görəsən, həmdəmdi dünya?
- Həyat müəvəqqəti ömür ötəri,
- O üzdən yalandı, talandı dünya.
- TƏRANƏ ŞƏMS...
- Yaşamaq gözəldir, həyat üzünə
- Sözləri düzsən də düzü-düzünə
- Bu dünya yamansa, deyin sözü NƏ?!
- Nədəndi yalvaraq, amandı dünya,
- ULVİYYƏ VAHİD....
- Birinə şirindi, birinə acı,
- Taxt qurar birinə, qoparar tacı,
- Bəzən də küsdürər, hər sözü acı,
- Deyərdim qaranlıq, zindandı dünya!
- TƏRANƏ ŞƏMS...
- Günəşə naz edib, süzsən göyləri,
- Qəlbimə gül təki düzsən sözləri,
- Qaradır dünyanın, gərdişi hərdən,
- Zamanı mərəzə , salandı dünya!
- ULVİYYƏ VAHİD...
- Bəzən yaman çəkir , insanı dara,
- Bu yollar aparır bizləri hara.
- Kor edər insanı, yolun azdırar,
- Mən getdim, bizsiz də, qalandı dünya!
- TƏRANƏ ŞƏMS...
- Kimini ağladar, kimi güldürər,
- Susanı dindirər, sözsüz öldürər.
- Yanarsa ocağın, susuz söndürər.
- Dərdləri təşnədir, yamandı dünya!
- ULVİYYƏ VAHİD...
- Bəzən də olur ki, dostdu yodaşdı
- Ayrılmaz dünyandan, sanki qardaşdı,
- Hərdən də başlara düşən bir daşdır,
- İnanma canlara yanandı dünya!
- TƏRANƏ ŞƏMS...
- Ömrümü günümü bölsə yarıya,
- Yalandı,dünyadan kimsə yarıya,
- İşləyən xırmandır,döyülən saman,
- Ömürdən ayrılan zamandı dünya!
- TƏRANƏ ŞƏMS...
- Qələmi qoy yerə, Ulviyyə Vahid!
- Yaşadı yaratdı, bir dünya Vahid.
- Bu dünya olmadı Vahidə həmdəm,
- Gələni,aparan, bir candı dünya!
- 15.08.2014.
.jpg)
