"xeberinfo.com": May  ayının  8- ni  hər  ilin  üzü  qara  günü  kimi  göz  yaşıyla  yola  salırıq. Gözəllər  gözəli  Şuşa  növbəti  dəfə  də  belə  anılır. Təbiətin  gözəl, dilbər  güşəsi, elimizin-obamızın   qeyrət  qalası  olan   Şuşam  mənim, Azərbaycanımızın  qızıl  tacı. Tacımızı  başımızdan  nankorlar, çörəyi  dizinin  üstündə  olanlar  götürdülər, tacsız  qaldıq.

    Yüz  dəfə, min  dəfə  üzür  istəyirik, biz  övladlarını   bağışla, bağışla  ki,səni- qeyrət  qalamızı, baş  tacımızı  xəyanətdən, satqınlıqdan  qoruya  bilmədik. Çıxmış, ovcumuza  tökülmüş  gözümüzü  qırpmadan  əlimizdən  verdik. Verdik  bizimki  deyilmiş  kimi, verdik  istədiyimizi  əldə  etmək  üçün.

   Bu  rusvayçılıq  belimizi  əysə  də, üzümüzü  qaradan-qara  eləsə  də  22  ildir  ki,sınmış  çiynimizdə  daşıyırıq. Torpaq,Vətən  yolunda  şəhid  olmaq  istəyənlər üçün  nə  yaman  ağırdır  bu  yük,ilahi.

    Mənim  əsir  Şuşam. Vaxt  vardı   sənin  yaxın  uzaq  ölkələrə  səs  salan  nər ürəkli, şir  biləkli  qeyrərli  müdafiəçilərin  var  idi. Bizdə  belə  bir  inam  formalaşmışdı  ki, quş  quşluğu  ilə  sənə  daxil  ola  bilməz.Qanad  salar, çox  təəssüflər  olsun  ki, xainlər, siyasi  aləmdə  parlamaq, ad  san   qazanmaq, var- dövlət  toplamaq  olan  məmurlar  fitnə  fəsad  yolu  ilə  mərdləri,qeyrətliləri, vətənpərvərləri  pərən-pərən  elədilər  və  dedilər  Şuşa  qalası  heç  vaxt,heç  zaman düşmənə  məğlub  olmayacaq. Çünki  onu  biz  qoruyuruq. Sadəlövh  olan  bizlər bu  boşboğazlığa, yalana  uyduq, qalanın  yeganə  qapısı  müdafiəsiz  qaldı.

    Bəli, 22  ildir  ki, əlin- qolun  bağlı  erməni   əsirliyindəsən, 22  ildir  ürəkləri  ehtizaza  gətirən  musiqin  pərdə- pərdə  dağlara, oradan  da  düzlərə  yayılmır, 22 ildir  yalançı, haqsız, həqiqəti  görməyib  kor  olan  dünyanın  arxa  durduğu  murdar  erməninin  əlində  əsir- yesirsən, 22  ildir  nəmli  gözlərin  yollarda  əsil  insan  səsi  eşitməyən  qulağın  səsdə. özün  dəmir  qəfəsdəsən.     

   Atalar  deyib  ki, yaman  günün,  ilin  ömürü  az  olar. Qanla, ölümlə  qurulan ,ucaldılan, elə   qan  içində  də  boğular. Sən  bir  az  da  döz, biz  dözümlüyük. Düşmənin  mənəm- mənəmliyi  uzun  sürməyəcək. Qeyrətli  oğullar  ayağa  qalxacaq, ermənilərin  burunlarını  ovub  onlara  indiyə  kimi  verilməyən  dərsi verəcəklər. Ümidlə  yaşa, ümidini  kəsmə. Mənim  gözəl  Şuşam!

     Məhərrəm  Şəmkirli