AZ
RU
.png)
Düz ƏLƏN deyir
Sıxılan ürəyim ovcumda sanki,
Düşünüb, arayıb səbəb tapmıram.
Yox kimi görünür borcumda sanki;-
Dolaşıb qalmışam hədəf tapmıram.
*****
Tədirgin olmuşam niyə bilmirəm,
Bu təlaş, həyacan bəs hardan gəlir?...
Könlümün dərdini diyə bilmirəm,
Güman ki, naxələf insandan gəlir...
*****
Nankorlar həyatda axın- axındı,
Gözaltda saxlayıb özləri tapır.
Böy- boya düzülür yaxın- yaxındı,
Yoxdular həyatda sözləri tapır...
*****
Həyatın düzəni pozur halımı,
Kiçilib qəlbimdə büzüşürəm mən.
Dəyişən gördükcə qəddar zalımı,
İnciyib dünyamdan küsüşürəm mən!...
*****
Könlümün tavanı gəlmə üstümə!...
Bilki sən, yetəcək dözüm qalmayıb.
Alışıb yansamda baxma tüstümə,
Saplanıb tikməyə çözüm qalmayıb...
*****
Bilirəm, özümü heçə üzürəm,
İnsanla bu dünya düzələn deyil!...
Düşünün, həyatı məndə süzürəm,
Sözüm var, xəlbirdən düz ƏLƏN deyir!...
*****
Zamanla xəlbirdən elə ələn ki;-
Desinlər, bu adam bəs " insan" imiş...
Ədalətin adına elə bələn ki;-
Deməyək, bu adam bəs nöqsan imiş
Təranə Şəms
.jpg)
.jpg)
