AZ
RU
Kaş qocalmaya
Analar dərd ilə yanıb alışar,
Həyata nifrəti unudar belə.
Analar əriyər, şamla yarışar,
Qəlbində düşünər ümid var deyə.
*****
Analar çay kimi daşmaq istəsə,
Könlünün həsrəti susdurar onu.
Ümmansız göyləri aşmaq istəsə,
Qəhrindən boğulub qusdurar onu!...
*****
Bir ana laylası məlhəm kimidir,
Ovudar körpəsin incə səsiylə.
Allahın şükürü əlhəm kimidir,
Şeytan bilmiş olsa, qursa min hiylə...
*****
Analar sehirli bir mələk kimi,
Qoymaz ki, balası əziyyət çəkə.
Hərdənbir iblisdə bir kələk kimi,
Ürəkdə yetişən, yaman dərd əkə!...
*****
Ananın qəlbidir, sevgi təşnəsi,
Ruhunda vəsv edər qandan olanı.
Övladın gülüşü onun nəşəsi,
Bətnində bəsləsə candan olanı...
*****
Analar heç zaman kaş, qocalmaya,
Fələyin pis üzü kaş, öc almaya.
Analar dərd çəkib kaş heç solmaya,
Bu dərd məni çox üzür öldürür axı...
Bu dərd məni çox üzür öldürür axı...
Təranə Şəms
.jpeg)
