Ermənistanın müdafiə naziri Seyran Ohanyan ermənilər tərəfindən işğal edilən Azərbaycan torpağına gəlib. 

Xeberinfo.com":  Bu haqda məlumatı Ermənistan Müdafiə Nazirliyinin mətbuat xidməti yayıb.

Məlumatda deyilir ki, erməni nazir Dağlıq Qarabağda səngərdə olub, əsgər və zabitlərlə söhbət edib.

Qeyd edək ki, bu, erməni nazirinin Azərbaycana qəfil səfəri ilk dəfə deyil. İstər müdafiə naziri, istərsə də prezident Serj Sarkisyan tez-tez Qarabağa gəlir.
Bu da Dağlıq Qarabağ və onun ətrafında olan 7 rayonun Ermənistan silahlı qüvvələri tərəfindən zəbt edildiyinin əyani sübutudur. 

Siyasi ekspertlər isə düşünür ki, erməni rəsmilərinin Dağlıq Qarabağa gəlişinə maneçilik törədilməlidir. Bu, Ermənistana beynəlxalq təzyiqlə həyata keçirilə, ya da gələn rəsminin korteji radarlar vasitəsilə aşkar edilərək sıradan çıxarıla bilər. 

Necə ki, hərbçimizin sayıqlığı nəticəsində Azərbaycan səngərinin on addımlığında uçan erməni helokopteri məhv edilmişdi. Bu ənənə quru yolla Ermənistandan Dağlıq Qarabağa gələn maşınlara da şamil edilməlidir.